Ekim. 25:3 - Ebaibul

³ Aŋun, apotu kisyakis akilip neni a Baal alo Peor. Apotu ŋakiro ŋun kitoŋoa Ekapolon, toŋoik Ŋisirael.

Ekim. 25:3 Iomraidhean Croise

Ŋikiru. 90:11

Ŋae mono tokona eyeni apedor ŋina ka aŋoit kon? Anerae ededeŋ anyunyura kon ikwaan ka ekabule ŋolo ebuni aneni kon.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Osea 4:14

Nyesicani ayoŋ ŋidwe kus aŋuna itiyaata amalao, kori ŋaterak kus ŋuna elomianeneeta ikes, anerae ŋikilyok ŋikulepek ikes eloseneneete namalaae, einanakinete kaapei ka ŋamalaae ŋuna ka akai ka akuj ŋamuronisya. Aŋun, emunyar ŋituŋa ŋulu emam aosou.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Ekim. 25:5

Kirwor Moses neni a ŋikatubok a Ŋisirael tema, “Emaikina iyes toara ŋinituŋanan kus ŋini ilipi neni a Baal alo Peor.”

Ekim. 31:16

Ŋaberu nu pei nu, apotu kiwuapa ŋakiro a Balaam, ido apotu inakis Ŋisirael akiŋer Ekapolon anakiro a ŋuna apotu kitiyakin alo Peor, toyakaunor edeke ŋolo abu toar ŋituŋa ŋulu ke Ekapolon.

Yos. 22:17

Pa mono arono nooi aneni yok asecit a Peor a? Akitodol akoloŋit na, eriŋa iwon nyitaleuno make anasecit a ŋin; tari daŋ ŋina abunio edeke bu lotuŋa ŋulu a Ekapolon.

Ŋikat. 2:11

Apotu Ŋisirael kitiyata ŋakiro ŋuna aronok alokiŋaren Ekapolon, inanakis ŋamuronisya neni ata Baal,

Ŋikat. 2:13

Apotu ikes kimyekis Ekapolon, inanakis ŋamuronisya neni a Baal ka neni ka Asitores.

Ŋikat. 2:14

Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,