Ekim. 25:11 - Ebaibul

¹¹ “Alema Pineas lokoku ka Eleasar a ŋolo erae lokoku ka Aron a esacaradoti aŋoit kaŋ neni a Ŋisirael, aŋuna ainakina keŋ neni kaŋ alokiŋaren Ŋisirael, aŋun abu ayoŋ analilit kaŋ nyamunya Ŋisirael.

Ekim. 25:11 Iomraidhean Croise

2 Sam. 21:14

Apotu nai ikes tonuka ŋakoyo a Saul ka ŋuna a Yonasan alokoku keŋ neni anukitae Kis papa a Saul, nakibois ŋina anyaritae Sela alo Benjamin. Apotu ŋituŋa kitiyata ŋakiro daadaŋ ŋuna ecikit erwosit ikes akitiya. Kedaut ikes akitiya ŋun, abu Akuj kiira ŋakiro ŋuna elipyata ŋituŋa ekiito ŋasecisya kec aŋuna ka akwap kec.

1 Ŋirw. 14:22

Apotu ŋituŋa a Yudaya daŋ kitiyata ŋuna aronok alokiŋaren Ekapolon, apotu ikes kitiyata ŋuna aronon nooi akilo ŋuna etiyato atapapaa kec.

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 106:30

Nai abu Pineas towo kilip aŋuna kec, ido abu edeke todaun aneni kec.

Ŋikiru. 106:31

Eturuwosi ŋakiro ŋun Pineas ŋolo iyookino ŋinapei, ameun ananyamet ka apei tari ŋinace ŋikaru ka ŋikaru.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 22:5

“Ani kitanyam ituŋanan ŋibaren keŋ emanikor, kori epiini a ituŋanan a ice, emaikina iŋes totac a ŋikinyom a ŋulu ajokak nooi alomanikor keŋ, kori a epiini keŋ a ŋolo ajokan nooi.

Awos. 34:14

(anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Esek. 16:38

Akatubokini ayoŋ iyoŋ lopite ŋolo etubonokinere ŋaberu ŋuna elomito ka ŋuna adaut akiar ŋituŋa. Ayauni ayoŋ ananyunyura ka analilit kaŋ anyaŋan neni kon okoar iyoŋ.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sepan. 3:8

Ebala Ekapolon ebe, “Aŋun kidarunae ayoŋ akoloŋit ŋina awuoya okolimonok ŋakiro kus ŋuna ayeni. Adau ayoŋ atubun acunakin ŋakwapin, acunakini ŋapukasinei, ido etaanyuwa ikes anyunyura kaŋ, aŋoit daadaŋ ŋina ka aryenyeo kaŋ. Amunyari ayoŋ ŋituŋa ka akwap a daadaŋ alotooma aŋoit ŋina ka alilit kaŋ.”

Ekim. 25:10

Kirwor Ekapolon neni a Moses tema,

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

2 Ŋikor. 11:2

Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

Ŋikis. 29:20

nyecamuni Ekapolon akisyon ikes, anerae eŋoikini Ekapolon ikes nooi, erirauni aŋoit keŋ lopite ŋolo eriraunia akim, eryamunete nai ikes ŋilam daadaŋ ŋulu igiritae lokitaabo lo, ido ikisari Ekapolon ŋirorwa kec anakwap.

Ŋikis. 32:16

Inakis iŋes tolilik ŋakujo ŋunagelae, kitoŋoa iŋes a ŋakiro a ŋuna eŋerit iŋes.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Yos. 22:13

Aŋun, apotu Ŋisirael kiyakiyasi Pineas lokoku a Eleasar a esacaradoti alosit nakwap a Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.