Ekim. 24:9 - Ebaibul

⁹ Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

Ekim. 24:9 Iomraidhean Croise

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Akisy. 27:29

Ikitiyanakinete ŋituŋa iyoŋ ka eryedikete ŋituŋa a ŋakwapin neni kon. Iruwor iyoŋ ekapolon a ŋikaitotoi kon, ekukonokin ŋisapa ŋulu ke ekal kus aloŋaren kon, ilamam ituŋanan daadaŋ ŋini ikilami iyoŋ ka erereŋ ituŋanan daadaŋ ŋini ikiterereŋi iyoŋ.”

Akisy. 49:9

Ikwaanikin iyoŋ Yuda ka itaok a eŋatuny, iboŋuni iyoŋ ikoku kaŋ, anibore a ŋini iari iyoŋ. Ikwaanikin iyoŋ ka eŋatuny, iriyori iyoŋ akuwan toper; ikwaanikin iyoŋ ka aŋatuny, emam ŋini ikatakini akitoŋo iyoŋ.

1 Ŋirw. 10:20

Awuasi daŋ ŋitorubei a ŋiŋatunyo ŋitomon ka ŋiarei anadoketa a ekicoloŋ a ŋol, epei ŋatuny epeiwae neni isalya ŋinadoket alotooma ŋadoketa ŋunakanikapei. Mam ibore etiyatae anakwap ka adio ŋini ekwaan ka ekicoloŋ ŋol.

2 Ŋakiro a ŋirwa 9:18

Ayakasi lokicoloŋ ŋol ŋadoketa ŋakanikapei. Ayai lokicoloŋ neni etiyaunitae a egolid neni edokonokinio ŋakejen, atapakina nen lokicoloŋ, ido ayai ŋolowae a ekicoloŋ a ŋol neni epete ŋakan a ituŋanan iboi. Diyete neni apeneneete ŋakan a ituŋanan iboi a lokicoloŋ a ŋol, ayakasi ŋitorubei a ŋiŋatunyo ŋiarei ŋulu awuasi.

Esta 6:13

Ani elimokini Aman Seres aberu keŋ ka ŋikonei keŋ daadaŋ ŋakiro ŋuna apotu kitiyakin neni keŋ, temasi Seres ka ŋikonei ka Aman, “Aŋuna eraakar Moridekai ŋolo alema apolou aneni kon, ŋolo erae eletoinit a Ŋiyudayan, nyipedori nabo iyoŋ akiloun iŋes jik. Nai kire jik, iruwor iyoŋ ecaryoit alokiŋaren keŋ.”

Yob 41:10

Mam ituŋanan eyakar adedeŋu ŋina ebenyunia Lepiasan. Ŋae epedori akiwo alokiŋaren keŋ?

Ŋikiru. 122:6

Kilipa aŋuna ke ekisil a Yerusalem ibasi, “Ikilipi kiboiyete ejok ŋulu ikiminasi iyoŋ Yerusalem.

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Awos. 23:22

“Nai ani kimitakis iyes akiirar ŋuna irworo iŋes, ido kitiyata daadaŋ ŋuna abala ayoŋ kitiyata, abuni nai ayoŋ aruwor emoit a ŋimoe kus, ido etepegi ayoŋ ŋulu ikitepegete iyes.

Isa. 31:4

Abu Ekapolon okolimok ayoŋ tema, “Ikwaŋina ipopolaa eŋatuny, kori eŋatuny ŋolosorokit alokidiama ityaŋ ŋini adau akikamun, ŋolo ani tari kenyaraun ŋikeyokok ŋulu alalak akiar iŋes, nyeryaŋakin aŋuna ke ecelet a ŋikeyokok, kori nyesuro aŋuna a ecelet kec, aŋun ebuni Ekapolon ŋolo a ŋajoresyo ajiore alo Sion, ajiore anaitae a ekamukumukut Sion.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Ekim. 22:12

Tolimok Akuj Balaam tema, “Nyilot kaapei ka ikes, nyicen ŋituŋa ŋul, anerae iterereŋitoe ikes.”

Ekim. 22:6

Bua tokona kicen ŋituŋa lu aŋuna kaŋ, anerae egogoŋ ikes akilo ayoŋ, acepaki apedori ayoŋ akiloun ikes, ido erita ikes anakwap kaŋ, anerae ayeni ayoŋ atemar ituŋanan daadaŋ ŋini iterereŋi iyoŋ, erereŋior ka ŋini iceni iyoŋ, eruwor ŋini icenen.”

Ekim. 23:24

Kiŋolik ŋituŋa ŋulu anyout esibit aŋatuny anyout esibito eŋatuny ŋolo adedeŋan, ŋolo nyeperi akitodol ŋina enyamia etyaŋ ŋolo ikamunit ka ŋina emasya ŋaokot a ŋityaŋ a ŋulu adau iŋes akiar.”

Ekim. 24:10

Abu nai Balak toŋoik Balaam nooi, toramak ŋakan keŋ tema Balak neni a Balaam, “Akanyaraunit sek ayoŋ iyoŋ akicen ŋimoe kaŋ, nai iterereŋ iyoŋ ikes ŋarwa ŋunauni nu daadaŋ,

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 25:45

Akalimokini ayoŋ iyes kire atemar, ŋinapaki daadaŋ iponiata iyes nyiŋarakis ipei a ŋikaitotoi a ŋulu caryo, ipotu iyes nyikiŋarakis ayoŋ.

Ŋitic. 9:5

Kiŋit Saulo tema, “Ŋae iyoŋ Ekapolon?” Toboŋok etoil tema, “Arae ayoŋ Yesu ŋolo isicanit iyoŋ.

Ŋikis. 30:7

Iwuaakini Ekapolon Akuj kus ŋilam ŋul daadaŋ neni a ŋimoe kus ka neni a ŋulu ikitidiŋito ka ikisicanete iyes.