Ekim. 24:6 - Ebaibul

⁶ Ikwaan ŋakiboisyo kus ka ŋakadipaalae ŋuna elolom nooi, ikwaan ka ŋimanikorin ŋulu eya diyete aŋolol, ikwaan ka ŋicucuka ŋulu edupit Ekapolon, ikwaan ka ŋikito a Cedar ŋulu eyakasi diyete ŋakipi.

Ekim. 24:6 Iomraidhean Croise

Akisy. 13:10

Toŋoleŋolek Lot erounit akwap ŋin daadaŋ, ani iŋoliyari lowae ŋolo a Yorodan, kiŋolik ŋadipoe ŋuna a Yorodan erae ŋuna elelenakini ejok alowaetin a daadaŋ, ikwaan ke emanikor ŋolo ke Ekapolon ka akwap ŋina a Ijipit alowae a ŋolo a Soar. Apaki ŋin, ariŋa Ekapolon nyinyasuna Sodoma ka Gomora.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋikiru. 104:16

Eryamunito ŋikito ŋulu ke Ekapolon ŋakipi ŋuna itemokino, ŋikito ŋulu eyakasi Lebanon ŋulu enyaritae Cedar.

Ŋikiru. 45:8

Eyai lokaasoi kon daadaŋ eure ŋolo akukunyon, eure ŋolo a eminae a ŋolo akukunyon ka ŋolo ka akimyet a ŋina akukunyon ta ŋolo a ekitoe a ŋolo enyaritae Kasia. Ilakara iyoŋ aŋuna a ŋieosyo a ŋulu eeoi eramyo ŋiboro ŋulu a ŋiunoi anakais ka apukan a ŋuna isibusitae a ŋikyal a ŋitome.

Eete a Ŋie. 6:11

Abu ayoŋ otiyaar lomanikor a ŋikuŋur akiŋolikin ŋikito ŋulu ariŋa elomunete, kori akiŋolikini kiminiaunito ŋikito a epiini, kori keturounito ŋikito ŋulu enyaritae Pomegranate.

Isa. 41:19

Eturupuni ŋikito a Cedar analoŋisat, eturupuni ayoŋ ŋikito ka Akacia, ŋikito ŋulu ikwaan ka ŋikamurya, ŋikito a Olipa analoŋisat; eturupuni ayoŋ ŋikito a Cipres analoŋisat aneni eonit, eturupuni ayoŋ analoŋisat ŋikito ŋulu aoyak ka ŋulu arubak togogoŋ,

Isa. 58:11

Ikiyoki Ekapolon iyes a ŋinapaki, ikiinakini iŋes iyes ibore daadaŋ ŋini iitanito iyes tari anakiboisyo a ŋuna erae ŋalaroi, itogogoŋi iŋes ŋakoyo kus. Ikwaanikinosi nai iyes ka emanikor ŋolo eya ŋakipi ŋuna itemokino, ikwaanikinosi iyes ka eitanit a ŋakipi ŋolo nyijuwanari jik.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 31:12

Epote ikes toeikis ecelasi alokidiama Sion, elelyanete ikes aŋuna a ŋarereŋisyo aŋuna iterereŋio Ekapolon ikes, elelyanete ikes aŋuna a ŋainakineta aŋuna a ŋikinyom, a epiini ka akimyet ŋina a ŋikito a Olipa, eryamunete ikes ŋainakineta ŋuna a ŋikaalei a ŋamesekin ka ŋitak a ŋaatuk. Ikwaanikinosi ikes ka emanikor ŋolo elelekinito ŋakipi nyepalagageta ikes nabo jik.

Esek. 47:12

Elomunete alokipetotyo a ŋuluarei, a ŋulu ka a ŋolol ŋikito ŋulu a ŋikabilae a daadaŋ ŋulu enyamyo ŋaraito kec. Nyeiniyarete ŋakwii a ŋikito a ŋul, kori nyeraraun kwap ŋaraito kec, nai erayete ikes ŋaraito ŋuna ajokak a ŋololap, anerae eleleunito ŋakipi neni kec anakibois a ŋina asegan. Eruwor ŋaraito kec akimuj ka eruwor ŋakwii kec ekitoe ŋolo ikitaŋaleuni.”

Yoel 3:18

“Akoloŋit ŋin, elomuni epiini ŋolo abobon alomukur, eleleunete ŋakile alomukur, ido elelearete ŋakipi alotai a ŋayona a Yudaya a daadaŋ; elomuni elelya alo Kai ke Ekapolon, toleleya nayonae ŋina enyaritae Sitim.

Ekim. 24:5

Okoe ŋituŋa a Yakob, ibusak nooi ŋiemae kus! Okoe ŋituŋa a Isirael, ibusak nooi ŋakiboisyo ŋuna iboiyo iyes!