Ekim. 24:17 - Ebaibul

¹⁷ Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.

Ekim. 24:17 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

2 Sam. 8:14

Kisiboik nai Daudi ŋasigarya keŋ Edom daadaŋ. Toruwor Ŋiedomi daadaŋ ŋiketiyak a Daudi. Inak Ekapolon Daudi akilounun ŋimoe keŋ aneni daadaŋ abunio iŋes kitijikinio ikes.

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

2 Ŋirw. 3:5

Nai ani etwani erwosit Aab, abu erwosit ŋolo epukat Moab toyeu aruruma, towoik erwosit ŋolo epukat Isirael.

1 Ŋakiro a ŋirwa 18:2

Abu Daudi kilou tari Ŋimoabi, ido abu iŋes kipuka Ŋimoabi totaca ocur neni keŋ.

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Ŋikiru. 45:6

Eropari apukan kon, okoe Akuj ŋikaru ka ŋikaru; ipukat iyoŋ ŋituŋa kon anakiyookino.

Isa. 15:1

Erae nu ŋakiro ŋuna etoroniyarete Moab: Aŋuna eturuworere Ar ereŋorot alotooma akuwar apei, eteryamun akwap a Moab ŋican, aŋuna eturuworere Kir ereŋorot alotooma akuwar apei, eteryamun akwap a Moab ŋican.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 48:1

Kirwor Ekapolon ŋolo a ŋajoresyo, Akuj a Ŋisirael ŋakiro nu aŋuna a Moab tema, “Ekaŋ iyoŋ Nebo, ikituruwor iyoŋ ereŋorot, esirumi Kiriasaim ŋileec, ekamar iŋes; esirumi aduketait keŋ ŋinajiet ŋileec, aritakin kwap;

Yer. 48:45

“Ieŋunete ŋituŋa ŋulu irimito alotolimon a Esibon eupit, anerae anepu akim alo Esibon, anepu arira alokai a Sikon, anomiya ŋaitae a ŋimoru a akwap a ŋituŋa a Moab a ŋulu sek eminasi ejie.

Sakar 10:4

Elomunete alokidiŋ kec ŋikepukak, ŋikarikok ka ŋikapolok a ŋajoresyo, ikotere ipukaete ŋituŋa kaŋ.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Ekim. 21:29

Ekaŋ iyoŋ, okoe Moab! Ikimunyar iyes, okoe ŋituŋa a akuj Kemos! Eturuwo akuj ŋin ŋikilyok ŋulu ikinyomito iŋes ŋikayarak anakwapin ka aruworosi ŋaberu ŋuna ikinyomito iŋes ŋarikon a erwosit Sikon, erwosit a Ŋiamori.

Ekim. 24:16

ŋakiro a ituŋanan a ŋini epupi ŋakiro ŋuna ka Akuj, ka a ŋini eyeni ŋakiro ŋuna ka Akuj a ŋina alokidiama nooi, a ituŋanan a ŋini itoodyanakin Akuj ŋina etiron neni keŋ, a ituŋanan a ŋini eryediki itopoloorit Akuj, ido toŋaara ŋakonyen keŋ.

Luk. 1:78

Epatana nooi Akuj yok ka isyoniono. Abu aiuno keŋ neni yok ikoni neni ipiripirunia akoloŋ

Ŋibur. 1:8

Nai neni a Lokoku keŋ, tolimu Akuj tema, “Irae iyoŋ Akuj ka eropari Apukan kon jik! Ipukat iyoŋ ŋituŋa kon anakiyookino.

Ŋibur. 7:14

Eyenio daadaŋ atemar edounio iŋes erae ŋolo anateker a ŋina a Yuda; pa alimunit Moses ateker na apaki ŋina erworor ŋakiro ŋuna a ŋisacaradotin.

2 Pet. 1:19

Aŋun, eyatakin nabo akilo ayenut kosi atemar erae ŋakiro ŋuna a ŋikadwarak ŋuna a kire. Ejok nooi erae kiricakis iyes ŋakiro ŋun, anerae ikote ikes etaa ŋolo inwakunit neni iryono tari neni iwalaria akwap, tocaik akica ŋina ke etop a ŋolo ka ataparacu ŋitai kus.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!

Akis. 11:15

Abu nai emalaika ŋolo a ŋikanikaarei tokutak arupepe keŋ. Toyakaunos ŋitoilon ŋulu acelasi anakuj ebasi, “Tokona, erae apedor ŋinakipukaet akwap ŋina ke Ekapolon yok ka ŋina a Kristo keŋ, ipukae iŋes ŋikaru ka ŋikaru!”

Akis. 22:16

“Ayoŋ Yesu eyakuunit emalaika kaŋ akiteyenun iyes ŋakiro nu anatukon a Ŋikristo. Arae ayoŋ ataagoroit ka alyasit--eletonit ŋolo anateker a Daudi; arae ayoŋ etop ŋolo ka ataparacu ŋolo enepi nooi.”

1 Sam. 14:38

Aŋun, abu Saul tema, “Potu laalo, iyes ŋikarikok ajore a Ŋisirael daadaŋ, oanyutu atemar ŋae eyaunit asecit na nakoloŋit na.