Ekim. 23:9 - Ebaibul

⁹ Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Ekim. 23:9 Iomraidhean Croise

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Esta 3:8

Tolimok nai Aman erwosit Ausero tema, “Eya ne ŋituŋa ŋice ŋulu ielakina ka etyakara make aneni a ŋituŋa a ŋakwapin a ŋuna ipukat ioŋ. Egelaaka ŋikisila a ŋituŋa a ŋul aneni a ŋulu a ŋituŋa a ŋuluce a daadaŋ, ido nyiwuapito ikes ŋikisila a erwosit. Aŋun, nyemaikina erwosit kimyek ikes.

Awos. 33:16

Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Yer. 46:28

Ŋituŋa kaŋ ŋiletok a Yakob, nyikuryaketa, anerae ikirukit ayoŋ ka iyes amunyari ayoŋ ŋituŋa a ŋakwapin a ŋuna abu ayoŋ ekeelak iyes, nai nyakamunyari ayoŋ iyes. Ekesicani ayoŋ iyes alotooma akiyookino, nai nyekemyekini ayoŋ iyes nyisicana.”

Yer. 49:31

“Tonyoutu, toloto kitijikis ŋituŋa a akwap a ŋina iboi emam ŋace, akwap ŋina emam ŋimoe imanito. Akwap ŋina emam ŋipukei, kori ŋasuwa ŋuna egolere ŋipukei a etaun, akwap ŋina iboi bon.

Amos 9:9

“Ebala Ekapolon, ‘Kire jik, epukae ka eloilookini ayoŋ Ŋisirael kaapei ka ŋituŋa a ŋakwapin a daadaŋ, ekeike ikes lopite ŋolo ikeikea ituŋanan ŋikinyom, otyaka ŋituŋa ŋulu aronok daadaŋ aneni a ŋulu ajokak.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋikis. 32:8

Apaki ŋina akorya Akuj ŋina alokidiama nooi akwap a Ŋisirael, apaki ŋina atyakatyakaa iŋes Ŋisirael, abu kiwuak ŋikukorin a ŋakwapin a Ŋisirael iwuapit ekimar a ŋidwe a ŋulusapa a ŋulu a Isirael.

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.