Ekim. 23:21 - Ebaibul

²¹ Mam aronis eŋolik Akuj itiyaete ŋituŋa a Yakob, mam akisyanu eŋolik Akuj itiyaete ŋituŋa a Isirael. Erukito ikes ka Ekapolon Akuj kec, elimorito ikes atemar arae Akuj erwosit kec.

Ekim. 23:21 Iomraidhean Croise

2 Ŋakiro a ŋirwa 13:12

Ikirukit isua ka Akuj; iŋes erae ekarikon kosi, eyakatar ŋisacaradotin keŋ ŋarupepe ŋuna ekutakinio anyaraunia ŋituŋa potu akitijiore iyes. Okoe iyes Ŋisirael, nyitijiyoto Ekapolon Akuj atapapaa kus, anerae nyilounete iyes.”

Ŋikiru. 103:12

Ebi elwana neni elwania Kide alo To, elwana nooi neni ewuatari iŋes ŋasecisya aneni yok.

Ŋikiru. 118:15

Epupyo ŋitoilon ŋulu elelyanete aŋuna ka akiloun, anakais a ŋituŋa a ŋulu ka Akuj; ebasi, “Etiya apedor ke Ekapolon ŋina etiron ŋakiro ŋuna ka aumokin!

Ŋikiru. 135:21

Kipuroe Ekapolon alo Sion, kipuroe Ekapolon ŋolo iboi alo Yerusalem. Kipuroe Ekapolon!

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 32:2

Erereŋ ŋulu nyerubakinit Akuj imarit erae ŋikasecak, ŋulu emam alyokonu alotai kec.

Ŋikiru. 32:5

Abu nai ayoŋ ocamu asecit kaŋ aneni kon, abu nyemunon aronis kaŋ. Abu otema “Alimori ayoŋ aronis kaŋ neni ke Ekapolon,” ido ibu iyoŋ ikisyoni ayoŋ akiilit a ŋina ka asecit kaŋ.

Ŋikiru. 46:11

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Ŋikiru. 97:1

Erae Ekapolon Erwosit! Emaikina ŋituŋa tolelyana; emaikina ŋituŋa ŋulu iboiyete alodiyete ŋanamyo tolakar.

Ŋikiru. 99:2

Ekapolon iŋes epol nooi alo Sion; itopolooritae iŋes akilo ŋituŋa daadaŋ.

Awos. 13:21

Ani elosete Ŋisirael naparan, eŋarenikinit Ekapolon ikes esibit adis eyai kiŋaren kec itoodikinit ikes nenikitoro. Ani nakwaare, eŋarenikinit Ekapolon ikes esibit arira itoodikinit ikes nenikitoro, ikotere ikes epedorete alosit naparan ka nakwaare.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Isa. 33:21

Eyakaun Ekapolon nen aŋuna yok erae ŋolo ailiilon, erae nen akibois ŋina a ŋaŋololin ka ŋayona ŋuna apolok, ŋuna emam ŋatakerin itorete, ŋuna emam ŋameeli itorete;

Isa. 33:22

anerae Ekapolon iŋes erae ekatubon a ŋakiro yok, Ekapolon iŋes erae ekepukan yok; Ekapolon erae erwosit yok, iŋes ikiuni iwon.

Isa. 38:17

Kire, arae aŋuna ka alakara kaŋ iŋes ayakar ayoŋ apodo ŋina apolon; nai ibu iyoŋ nyikimyek ayoŋ otwana oloma nakipany ŋina ka akinyasuno, anerae imana iyoŋ ŋasecisya kaŋ daadaŋ kau kon.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Esek. 48:35

Emaikina alolomu a etaun irimokini cib erae ŋimitae ŋalipyo ŋakanikaomwon. Akisyakin apaki ŋin, enyarao ekiro a etaun ebe, “Eyai Ekapolon nen.”

Yoel 2:27

Nen nai iyenuniata iyes atemar ayai ayoŋ Isirael, arae ayoŋ Ekapolon Akuj kus, mam Akuj ace; mam nabo nyirumete ŋileec ŋituŋa kaŋ.”

Ŋilep. 9:24

Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.

Ekim. 14:18

nyepatana ayoŋ Ekapolon akiŋo, epol amina kaŋ ŋina nyiryaŋiryaŋa, esyoniyene aronis ka akisyaanu a ŋituŋa, esicani ŋidwe aŋuna ka asecit atapapaa kec akitodol nanyemet ŋina a ŋauni ka ŋina a ŋaomwon.

Ekim. 14:19

Kisyoni aronis a ŋituŋa a lu ikwapei analalau amina kon a ŋina nyiryaŋiryaŋa. Kisyoni ikes lopite ŋolo idaunia iyoŋ akisyonenen ikes ameun anakwap a Ijipit tari tokona.’ ”

Ekim. 16:3

Apotu ikes tocunakin akisibura Moses ka Aron temasi, “Itiyata iyes ŋuna alalak ŋuna nyiyookino. Erae ŋituŋa daadaŋ anatukot ŋulu esegak ka erukito ikes ka Ekapolon. Kaanukiro nai itopoloorotor iyes make anatukot a ŋituŋa ke Ekapolon a daadaŋ?”

Ekim. 9:22

Kerae ŋirwa ŋiarei, kori elap, kori apaki ŋina aoyan erapuwaritor edou Eema, eboiyete Ŋisirael jik anakibois a ŋina alomito, nai apaki ŋina ikyaaroredou towotokis ikes.

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

Ŋirom. 6:14

Nyikipukat asecit iyes, anerae nyikipukato iyes Ŋikisila, nai ikipukat ajokis ŋina ka Akuj.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

2 Ŋikor. 2:14

Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

2 Ŋikor. 5:19

Akuj iŋes abu kimorikinos ka akwap alotooma Kristo, nyimari iŋes ŋasecisya a ŋituŋa aŋuna ka akisicania ikes. Ikicikak iŋes isua etic ŋolo ka akimoryanakin.

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

Ŋikis. 31:23

Tolimok nai Ekapolon Yosua lokoku a Nun ŋakiro nu tema, “Togogoŋ ka totitiny, anerae iyai iyoŋ Ŋisirael nakwap ŋina abu ayoŋ eik ikes, ikiruki ayoŋ ka iyoŋ.”

Ŋikis. 32:5

Nai etiyata ŋidwe keŋ ŋulu esyaak ŋuna nyejokak neni keŋ, erae ikes anyamet ŋina aronon ka ŋina enyasan.

Ŋikis. 33:5

Abu Ekapolon bu toruwor erwosit a Ŋisirael apaki ŋina acunakinotor ŋikarikok a ŋikabilae a Ŋisirael daadaŋ.

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”

1 Sam. 25:28

Ekemaimai ayoŋ iyoŋ ikisyon ayoŋ aketiyan kon ŋuna etiyat eroko; anerae ayeni ayoŋ atemar itoropari Ekapolon apukan kon ekapolon kaŋ aŋuna ijio iyoŋ aŋuna ke Ekapolon. Nyitiya aronis apei daŋ ŋirwa daadaŋ ŋulu iyarya iyoŋ.