Ekim. 23:14 - Ebaibul

¹⁴ Aŋun abu Balak ya Balaam nakibois ŋina anyaritae Sopim alokidiama emoru Pisiga. Todukok Balak ŋamuroeta ŋakanikaarei nen, tosodi inak erae amuronot emoŋ epei ka emesek epei alokidiama ŋinamuroet.

Ekim. 23:14 Iomraidhean Croise

Isa. 46:6

Eyakasi ŋituŋa ŋulu ebukununuyete egolid alocweei kec, ido kipima esilipa anakiloi kec; kipaŋgata eketyakan egolid kitiyau akuj, tosodo toryediko alokiŋaren akuj ŋin kilipa neni keŋ.

Osea 12:11

Eyai asecit lotuŋa a Gilead, kire jik, emunyaryo ikes. Eareneneo ŋimoŋin erae ŋamuronisya alo Gilgal, aŋun, ikwaanikinosi ŋamuroeta kec ka ŋatukon a ŋamoru ŋuna etukitoe lomanikorin.

Ekim. 21:20

alo Bamos tolomiyasi nakadipaalat ŋina eyai nakwap a Ŋimoabi, neni erounitor emoru Pisiga aloŋisat.

Ekim. 23:13

Tema nai Balak neni a Balaam, “Bua oloto ka ayoŋ nakibois ace, neni ipedorya iyoŋ akiŋolikin ikes, iŋolikini ikes ŋice, nai nyiŋolikini iyoŋ ikes daadaŋ; ido kicen ikes aŋuna kaŋ anakibois a ŋin.”

Ekim. 23:15

Tolimok Balaam Balak tema, “Towo a ne alodiyete ŋainakineta kon ŋuna epeyo, alosi mono ayoŋ ama akiryamun ke Ekapolon.”

Ekim. 23:29

Tolimok Balaam Balak tema, “Todukok aŋuna kaŋ ne ŋamuroeta ŋakanikaarei ka kitemok ŋimoŋin ŋikanikaarei ka ŋimeesekin ŋikanikaarei aŋuna kaŋ.”

Ŋikis. 3:27

Tolot kidiama emoru Pisiga, kiŋoliya aina lowaetin kon daadaŋ, To, Kuju, Kwap ka Kide. Kiŋolik ŋiwaetin ŋul ejok, anerae nyitubor iyoŋ ekekwaye Yorodan.

Ŋikis. 34:1

Abu nai Moses torotok anadipoe a Moab, kitipeiyo lomoru Nebo, tari naita Pisiga ŋina iteosi ka Yeriko. Abu Ekapolon a nen kitoodik Moses akwap daadaŋ ameun alo Gilead tari Dan.

Ŋikis. 4:49

ka akwap ŋina ka Araba daadaŋ alowae a ŋolo alo Kide Yorodan akitodol nanam ŋina ka Araba nakeju a emoru Pisiga.