Ekim. 23:1 - Ebaibul

¹ Tolimok nai Balaam Balak tema, “Todukok ne aŋuna kaŋ ŋamuroeta ŋakanikaarei, ido tolemu aŋuna kaŋ ŋimoŋin ŋikanikaarei ka ŋimeesekin ŋikanikaarei.”

Ekim. 23:1 Iomraidhean Croise

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

1 Ŋakiro a ŋirwa 15:26

Aŋuna abunio Akuj kiŋarakinia ŋilepi ŋulu adakito Asaduku ŋina ka Acamunet ke Ekapolon, apotu ikes toara erae amuronot ŋimoŋin ŋikanikaarei ka ŋimesekin ŋikanikaarei.

2 Ŋakiro a ŋirwa 29:21

Apotu ikes yaasi Kai ka Akuj ka anakwap a Yudaya ŋimoŋin ŋikanikaarei, ŋimesekin ŋikanikaarei, ŋikaalei ŋulumesekin ŋikanikaarei ka ŋikorwa ŋikanikaarei ikwapei ŋainakineta ŋuna elemarere asecit anapukan. Abu erwosit kicik ŋisacaradotin ŋulu arae ŋiletok ka Aron akiya ŋainakineta ŋun Namuroet ŋina ke Ekapolon.

Yob 42:8

Aŋun, tolemutu tokona ŋimoŋin ŋikanikaarei ka ŋimeesekin ŋikanikaarei, ido toloto neni a Yob a eketiyan kaŋ, iinakis erae amuronot ŋina epeyo aŋuna kus. Ikilipakini iyes Yob eketiyan kaŋ, acamuni ayoŋ akilip keŋ ŋina akadyekitor iŋes ayoŋ nyetiya neni kus ikwa emaikina aŋuna ka abaŋao kus; anerae ipotu iyes nyirworo ŋuna iyookino aŋuna kaŋ lopite ŋolo erworitor Yob eketiyan kaŋ.”

Awos. 20:24

Emaikina iyes kitiyaut a ŋalup Namuroet aŋuna kaŋ, ido inanakis ŋainakineta kus neni kaŋ a nen, ŋainakineta kus ŋuna a ŋamesekin ka ŋimoŋin ŋuna epeyo ka ŋuna ke ekisil. Abuni ayoŋ akiterereŋ iyes anakibois a daadaŋ a ŋina akainakini ayoŋ iyes akilipya ayoŋ.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Esek. 45:23

Alotooma ŋirwa ŋikanikaarei ŋulu a ŋasuban, emaikina ekepukan tolemu aŋuna a Ekapolon ŋimoŋin ŋulusorok ŋikanikaarei ka ŋimeesekin ŋikanikaarei ŋulu nyeŋwalito erae ŋainakineta ŋuna epeyo. Emaikina iŋes kitiya ŋun a ŋinakoloŋit alotooma ŋirwa ŋulukanikaarei ŋul ka emaikina iŋes tolemu ekoroe a ŋinakoloŋit erae ainakinet aŋuna ka asecit.

Ekim. 22:41

Akoloŋit ŋina atupakini ŋin, ya Balak Balaam kitipeiyorya Bamos-Baal, apedorit iŋes a nen akiŋolikin Ŋisirael ŋice.

Ekim. 23:2

Kitiya Balak lopite ŋolo alimokinitor Balaam iŋes ka apotu Balak ka Balaam inakis erae ainakinet, emoŋ epei ka emesek epei alokidiama ŋinamuroet.

Ekim. 23:29

Tolimok Balaam Balak tema, “Todukok aŋuna kaŋ ne ŋamuroeta ŋakanikaarei ka kitemok ŋimoŋin ŋikanikaarei ka ŋimeesekin ŋikanikaarei aŋuna kaŋ.”

Ekim. 23:30

Abu nai Balak kitiya lopite ŋolo alimokinitor Balaam iŋes, tosodi inak erae amuronot emoŋ epei ka emesek epei alokidiama ŋinamuroet.

Ekim. 29:32

Ani epete ŋirwa ŋikanikaarei, emaikina iyes yaut ŋimoŋin ŋulusorok ŋikanikaarei, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu emam neni eŋwalit, ŋulu erae apolou kec ekaru epei.

Mat. 23:13

“Nai ekaŋ iyes ŋiketatamak a Ŋikisila ka Ŋiparisayon! Ŋikaŋisoswae! Igolokis iyes ekek ŋolo ka Apukan a ŋina anakuj alokiŋaren ŋituŋa, anerae nyilomarete iyes ŋilopeyek ka iretakis ŋulu acamito alomar tooma. [

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,