Ekim. 22:8 - Ebaibul

⁸ Tolimok Balaam ŋikasikou ŋulu eyakuunit Balak tema, “Topero ne akuwar na, ani moi taparacu eketeyenikini ayoŋ iyes ŋakiro daadaŋ ŋuna akalimokini ayoŋ Ekapolon.” Kiriyata nai ŋikasikou ŋul ka Balaam.

Ekim. 22:8 Iomraidhean Croise

1 Ŋirw. 13:8

Nai tema ekile ŋolo arae ituŋanan ŋini ka Akuj neni a erwosit, “Tari kikiinak iyoŋ ayoŋ atutubet apei ŋina ka akwap kon, nyikilosi ayoŋ ka iyoŋ lore kon, mam tari nyemuji ayoŋ akimuj, kori nyamasi ŋakipi anakibois a na,

1 Ŋirw. 22:14

Nai tema Mikaia neni keŋ, “Ikwapei eyarya Ekapolon erwori ayoŋ ŋuna akalimokini Ekapolon ayoŋ.”

Yer. 12:2

Idupakini iyoŋ ikes, toruba ŋataagor kec, epolounete ikes toraut ŋaraito. Irworosi ikes ŋuna ajokak aŋuna kon, nai nyikimisito ikes iyoŋ alotai kec.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Ekim. 12:6

Tema Ekapolon, “Kiirasi ŋakiro kaŋ nu: Ani eyakasi ŋikadwarak kidiŋ kus, ayoŋ Ekapolon, atakanikini neni kec, erworo ayoŋ neni kec anakirujaeta.

Ekim. 22:18

Nai tolimok Balaam ŋikapolok ŋulu eyakuunit Balak tema, “Tari kakainaki ayoŋ Balak akai keŋ ileleba esilipa ka egolid, nyetiyae ayoŋ ŋuna nyakalimokinit ayoŋ Ekapolon Akuj kaŋ, nyapedori ayoŋ akitiya ŋuna ekudyoko, kori ŋuna alalak.

Ekim. 22:38

Toboŋok Balaam Balak tema, “Abu ayoŋ neni kon tokona, nai ayakar mono ayoŋ apedori adio ŋina a ŋakiro a ŋadi a? Akirot ŋina akalimokini ayoŋ Ekapolon, iŋes emaikina ayoŋ olimu.”

Ekim. 22:7

Torotokis nai ŋikasikou a Moab ka ŋikasikou a Midian etiŋito ŋisiliŋa ŋulu etacere emuron Balaam, todolo ikes neni a Balaam, ido tolimokis iŋes ŋakiro a Balak.

Ekim. 22:9

Abu Akuj totakanu neni a Balaam, kiŋit Akuj Balaam tema, “Ata ŋae ŋikilyok lu ŋulu irukitotor iyoŋ?”

Ekim. 23:12

Toboŋok Balaam tema, “Nyemaikina mono ayoŋ ocoite alimun ŋakiro ŋuna akalimokini Ekapolon ayoŋ a?”

Ekim. 23:3

Tosodi Balaam tolimok Balak tema, “Kiboiye a ne alodiyete ŋainakineta kon ŋuna epeyo, alosi mono ayoŋ nawae; acepaki ebuni Ekapolon akirwor ka ayoŋ, ŋuna daadaŋ eketoodikini iŋes ayoŋ abuni ayoŋ alimokin iyoŋ.”

Ekim. 24:13

‘Tari kakainaki ayoŋ Balak akai keŋ ileleba esilipa ka egolid, nyapedori ayoŋ akitiya ŋadikiro ŋuna nyakalimokinit ayoŋ Ekapolon, nyapedori ayoŋ akitiya ŋuna ajokak, kori ŋuna aronok ikwa acamitor ŋuna akalimokini ayoŋ Ekapolon ikes alimuni ayoŋ a?’