Ekim. 22:7 - Ebaibul

⁷ Torotokis nai ŋikasikou a Moab ka ŋikasikou a Midian etiŋito ŋisiliŋa ŋulu etacere emuron Balaam, todolo ikes neni a Balaam, ido tolimokis iŋes ŋakiro a Balak.

Ekim. 22:7 Iomraidhean Croise

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 21:21

Apaki ŋina ebunio erwosit a Babilon, ewoi aneni iwuakinitae akitoodikinet ŋina itoodiunit etaun, anakikicaret a ŋirotin, ikotere eanyuni erot ŋolo emaikina kiwuapak. Iikikokini iŋes ŋikaleŋeleŋe a nen, iŋisi iŋes ŋakujo ŋakiro a nen ka isyeme iŋes ŋamoliteny a ajulot keŋ a nen.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Ekim. 22:8

Tolimok Balaam ŋikasikou ŋulu eyakuunit Balak tema, “Topero ne akuwar na, ani moi taparacu eketeyenikini ayoŋ iyes ŋakiro daadaŋ ŋuna akalimokini ayoŋ Ekapolon.” Kiriyata nai ŋikasikou ŋul ka Balaam.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Ekim. 24:1

Abu Balaam apaki ŋin toyenu atemar ajok aneni ka Akuj akiterereŋ Ŋisirael, aŋun abu iŋes nyelot akiŋita akisileerekinet aneni ka Akuj aŋuna a Balak lopite ŋolo etiyator ekiŋaren; aŋun kiŋoliya lowae ŋolo ka aloŋisat.

Ŋirom. 16:18

Anerae nyerae Kristo itiyanakinete ŋituŋa ŋulu ikote ŋul, nai itiyanakinete etic ŋolo ka akiwarit akimuj. Irworosi ikes ŋakiro ŋuna abobok, kirapirapete ŋituŋa alorwor kec ecamito amodikin ŋituŋa ŋulu epalag!

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

Yos. 13:22

Epei alokidiŋ ŋulu apotu Ŋisirael toara, iŋes Baalam ekadwaran ŋolo arae lokoku a Beor.

2 Pet. 2:15

Aesikis ikes erot ŋolo idiiri, aoliyosi alorot kec; atupakis erot a Balaam, a lokoku a Bior a ŋolo amina ŋisiliŋa ŋulu aryamununui iŋes alorotin a ŋulu aronok.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.