Ekim. 22:5 - Ebaibul

⁵ Abu iŋes kiyakiya ŋituŋa anyarare Balaam lokoku a Beor ŋolo ayai Pesor, etaun ŋolo ayai diyete aŋolol Eupurate anakwap a ŋituŋa keŋ, ebala, “Eya ŋituŋa ŋulu apotu alo Ijipit, apetakinito kona akwap na daadaŋ ka aloma ne diyete kaŋ.

Ekim. 22:5 Iomraidhean Croise

Akisy. 13:16

Etipituni ayoŋ ŋiletok kon tolalata ikwa apuwa ŋina ka akwap, ani kepedori ituŋanan akimar apuwa, iŋes atemar epedor ŋiletok kon daŋ akimarun.

Ŋikiru. 105:24

Abu nai Ekapolon inak ŋituŋa keŋ ŋidwe ŋulu alalak, abu kitogogoŋ ikes akilo ŋimoe kec.

Awos. 10:15

Abu emaase ŋol toburusiya akwap ŋin daadaŋ, kiryoniar akwap cuc; kirika emaase ibore ŋini alomunit anakwap a Ijipit daadaŋ kaapei ka ŋaraito daadaŋ ŋuna sek kepotu ŋakako kimyekis. Mam ibore abu kidoŋ elib alokito, kori anibore a ŋini alomunit anakwap a Ijipit a daadaŋ.

Mika 6:5

Ŋikaatuŋa, totamutu ŋakiro ŋuna abu erwosit ŋolo a Moab ŋolo anyaritae Balak totuk akitiya neni kus, ka ŋuna abu Balaam lokoku a Beor toboŋok Balak. Totamutu ŋakiro ŋuna apotu kitiyakin neni kus alorot ameun alo Sitim tari Giligal. Totamutu ŋakiro ŋun, ikotere iyenunete ŋuna abu ayoŋ etiya aŋuna ka aiun iyes.”

Ekim. 23:7

Tosodi kirwor Balaam ŋakiro ŋuna kebu Akuj tolimok iŋes tema, “Akayau ayoŋ Balak alo Aram, akayau ayoŋ erwosit a Moab alomoru a ŋulu alo Kide ebala, ‘Bua, kicen ŋituŋa a Yakob aŋuna kaŋ, bua, kisitak Ŋisirael.’

Ekim. 31:8

Toara ikes ŋirwosi a Midian lu: Epi, Rekem, Sur ka Ur ta Reba. Arae ŋul ŋirwosi ŋikan ŋulu a Midian ŋulu apotu Ŋisirael toara kaapei ka ŋituŋa a Midian ŋice, toara daŋ Ŋisirael a ekileŋ Balaam lokoku a Beor.

Ŋikis. 23:4

anerae nyisiryamuna ikes iyes eyaunito akimuj ka ŋakipi apaki ŋina iwotuniata iyes alo Ijipit, nabo daŋ apotu ikes kipaŋggaut aŋuna kus Balaam lokoku a Beor ŋolo abunit alo Pesor etaun ŋolo a Mesopotamia ikotere ikiceni iyes.

Ŋikis. 23:5

(Kikote neni daŋ, abu Ekapolon nyiira ŋakiro a Balaam, abu Ekapolon Akuj kus kilocok ŋicen toruwor arereŋu aneni kus, anerae ikimina iyes Ekapolon Akuj kus)

Yos. 13:22

Epei alokidiŋ ŋulu apotu Ŋisirael toara, iŋes Baalam ekadwaran ŋolo arae lokoku a Beor.

Yos. 24:9

Apaki ŋina acamitor Balak lokoku a Sipor ŋolo arae erwosit a Moab akitijiore Ŋisirael, abu iŋes kiyakiya ŋituŋa neni a Balaam a lokoku a Beor abunore agatakin ikes ŋuna aronok.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.