Ekim. 22:12 - Ebaibul

¹² Tolimok Akuj Balaam tema, “Nyilot kaapei ka ikes, nyicen ŋituŋa ŋul, anerae iterereŋitoe ikes.”

Ekim. 22:12 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

2 Ŋakiro a ŋirwa 31:10

ido abu Asaria lapapait a Sadok, esacaradoti ŋolo Apolon nooi tema neni a erwosit, “Ŋinapei esyakiniata ŋituŋa ayaunun ŋainakineta Kai ke Ekapolon, imujio isua akimuj ŋina ikitemokino ka eŋadaar ŋina alalan nooi. Eŋadaar isua akimuj ŋina alalan nooi, anerae abu Ekapolon kiterereŋ ŋituŋa keŋ.”

Ŋikiru. 144:15

Elakara ŋituŋa ŋulu eryamunete ŋarereŋisyo ŋun; elakara ŋituŋa ŋulu erae Akuj Ekapolon kec.

Ŋikiru. 146:5

Elakara ŋulu iŋarakinit Akuj a Yakob, ŋulu eyai akigeno kec neni ke Ekapolon Akuj kec,

Isa. 61:9

Eyenunio ŋiletok kec anakwapin ka eyenunio ŋidwe kec alotuŋa, ŋituŋa daadaŋ ŋulu iŋolikinete ikes, ecamunete atemar erae ikes ŋituŋa ŋulu adau Akuj akiterereŋ.”

Mika 6:5

Ŋikaatuŋa, totamutu ŋakiro ŋuna abu erwosit ŋolo a Moab ŋolo anyaritae Balak totuk akitiya neni kus, ka ŋuna abu Balaam lokoku a Beor toboŋok Balak. Totamutu ŋakiro ŋuna apotu kitiyakin neni kus alorot ameun alo Sitim tari Giligal. Totamutu ŋakiro ŋun, ikotere iyenunete ŋuna abu ayoŋ etiya aŋuna ka aiun iyes.”

Ekim. 22:11

‘Eya ŋituŋa ŋulu apotu alo Ijipit, apetakin kona akwap na daadaŋ, bua tokona kicen ŋituŋa lu aŋuna kaŋ, acepaki apedori ayoŋ akiloun ikes, ido erita ikes anakwap kaŋ.’”

Ekim. 22:13

Ani ekyenyuni Balaam taparacu, tolimok ŋikasikou ŋulu eyakuunit Balak tema, “Toboŋosi nakwap kus, anerae awou Ekapolon ayoŋ alosit ka iyes.”

Ekim. 22:6

Bua tokona kicen ŋituŋa lu aŋuna kaŋ, anerae egogoŋ ikes akilo ayoŋ, acepaki apedori ayoŋ akiloun ikes, ido erita ikes anakwap kaŋ, anerae ayeni ayoŋ atemar ituŋanan daadaŋ ŋini iterereŋi iyoŋ, erereŋior ka ŋini iceni iyoŋ, eruwor ŋini icenen.”

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Ekim. 23:3

Tosodi Balaam tolimok Balak tema, “Kiboiye a ne alodiyete ŋainakineta kon ŋuna epeyo, alosi mono ayoŋ nawae; acepaki ebuni Ekapolon akirwor ka ayoŋ, ŋuna daadaŋ eketoodikini iŋes ayoŋ abuni ayoŋ alimokin iyoŋ.”

Ekim. 23:8

Ekokini ayoŋ eceni ŋini nyecamit Akuj akicen ai? Ekokini ayoŋ esitakini ŋini nyecamit Akuj akisitakin ai?

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Ŋirom. 11:29

Anerae nyiloconokini Akuj ŋatameta keŋ alotooma ŋuna ikamunito ŋini adau iŋes aseun kori akiterereŋ.

Ŋiep. 1:3

Olakaros neni ka Akuj a ŋina erae daŋ Papa ke Ekapolon yok Yesu Kristo! Anerae anakimorikina yok ka Kristo, ikiterereŋ iŋes iwon anainakin ŋarereŋisyo daadaŋ ŋuna ke Etau ŋuna anakuj.

Ŋikis. 2:7

Kire jik, ikiterereŋ Ekapolon Akuj kus iyes anakiro a daadaŋ a ŋuna itiyata iyes, eyeni iŋes alosit kus ŋina ilosyoto iyes analoŋisat na a ŋina apolon nooi. Ŋikaru ŋatomoniomwon lu daadaŋ irukito iyes ka Ekapolon Akuj kus, mam ibore ipotu iyes kicanakin.’ ”

Ŋikis. 23:5

(Kikote neni daŋ, abu Ekapolon nyiira ŋakiro a Balaam, abu Ekapolon Akuj kus kilocok ŋicen toruwor arereŋu aneni kus, anerae ikimina iyes Ekapolon Akuj kus)

Ŋikis. 28:6

“‘Ikiterereŋi Ekapolon iyes ilomarete kiŋa ka ilomunete tooma lorerya kus.

Ŋikis. 33:29

Irereŋ iyes, okoe Ŋisirael, alutuŋa ikwaanatar iyes? Irae iyes ŋituŋa ŋulu ikiiunit Ekapolon ŋolo erae ekaiunan kus ka ekeŋarakinan kus, iŋes ikiinakini iyes akiloun ŋimoe kus. Epote ŋimoe kus akirworo alyokonu neni kus, ido imunaarete iyes ŋaduketa kec ŋuna ka apukan.

Ŋikis. 7:14

Iruworosi iyes ŋituŋa ŋulu ikiterereŋitoe akilo ŋituŋa daadaŋ, mam ituŋanan ekolupani alotuŋa kus, kori mam ibarasit ekolupani alobaren kus.