Ekim. 21:8 - Ebaibul

⁸ Tolimok Ekapolon Moses tema, “Kitiyau etorube a emun a ŋolo a akisorit, ido kikacak lopir, ituŋanan daadaŋ ŋini ekonyi emun, emaikina kiŋoliya lotorube a emun a ŋol, ido eyari ituŋanan ŋin.”

Ekim. 21:8 Iomraidhean Croise

2 Ŋirw. 18:4

Abu iŋes tobwaŋabwaŋaiya neni elipeneneere ŋakujo ka ŋipirin. Touko daŋ epir ŋolo etaletoi. Tari emun ŋolo etiyaunitae a eburonis ŋolo koloŋ ewuakini Moses nen, abu iŋes tobilibili, anerae ariŋa Ŋisirael emuroete neni ke emun a ŋol akitodol apaki ŋin. Anyaritae ekiro ke emun aŋol Neusutan.

Ŋikiru. 145:8

Isyoniono Ekapolon ka erimaana, nyepatana iŋes akiŋo, epol amina keŋ ŋina nyiryaŋiryaŋa.

Isa. 14:29

Nyilelyana iyes Ŋipilistin daadaŋ, anerae alemar ituŋanan ŋini sek ikisicanit iyes. Nyemaikina iyes ilelyanete aŋuna atwania ŋolo aronon ikwa emun ŋol, anerae analyasit a ŋolo aronon a ŋol, ebuni ece ŋolo aronon ikwa akipom, eletonit ŋolo ikwaan ka emun ŋolo adedeŋan ŋolo epori.

Isa. 30:6

Erae nu ŋakiro ŋuna aponi todwarae aŋuna a ŋityaŋ a ŋulu eya Negeb: Elosete ŋikiyakitono itorito nakiboisyo ŋuna a ŋatyokisyo, ŋuna eya ŋican, nakiboisyo ŋuna eya ŋaŋatunyo ka ŋiŋatunyo ŋulu ipopolaete, nakiboisyo ŋuna eya ŋapomya ka ŋimuno ŋulu eporete. Elosete ikes nen iwokito abaru kec a ŋisigirya ka iwokito ŋisiliŋa kec a ŋikaala, eayete ikes ŋiboro ŋul neni a ŋituŋa a ŋulu nyepedorete akiŋarakin ikes.

Isa. 45:22

Toboŋutu neni kaŋ, ido toiunos. iyes ŋituŋa anakwapin a daadaŋ; anerae ayoŋ Akuj ka emam akuj ace.

Yoa. 3:14

Ikwaŋina abunio Moses kikyaarya analoŋisat emun ŋolo etiyaunitae a asuat, itemokino Lokoku a Ituŋanan daŋ kikyaarae kidiama ikwaŋinapei,