Ekim. 21:7 - Ebaibul

⁷ Apotu ŋituŋa potu neni a Moses a nen temasi, “Ikisec isua aŋuna erworore ŋuna aronok neni ke Ekapolon ka neni kon; kilip kareca neni ke Ekapolon tolema ŋimuno lu aneni kosi.” Aŋun, abu Moses kilip neni ke Ekapolon aŋuna a ŋituŋa.

Ekim. 21:7 Iomraidhean Croise

Akisy. 20:17

Kilip nai Aburaam neni ka Akuj aŋuna ka Abimelek, tolema Akuj ŋilam aneni ka Abimelek ka aneni ka aberu keŋ ta aneni a ŋaberu keŋ a ŋuna pa eitit, togeut akidore,

Akisy. 20:7

Kinyaka tokona aberu a ituŋanan, anerae erae ekile aberu a na ekadwaran, ikilipakini iŋes iyoŋ, ido toyar. Nai ani pa kinyaka iyoŋ iŋes, kire jik, itwani iyoŋ; iyoŋ ka ibore kon daadaŋ ŋini eyari.”

1 Ŋirw. 13:6

Tema erwosit neni a ekile a ŋol a ŋolo arae ituŋanan ŋini ka Akuj, “Kilip tokona neni ke Ekapolon Akuj kon, kilipakinae ayoŋ, ikotere tojokyar akan kaŋ.” Aŋun, abu ekile ŋolo arae ituŋanan ŋini ka Akuj kilip neni ke Ekapolon, ido abu akan a erwosit tojokyar, kikok nenipei sek.

2 Ŋirw. 13:4

Nai abu Yeowas erwosit kikalou neni ke Ekapolon, kiira Ekapolon akilip keŋ, anerae abu kiŋolik ŋican ŋulu arukaunito Ŋisirael aŋuna esicanitor erwosit ka Aram ikes.

Yob 42:10

Kedau Ekapolon akiirar akilip a Yob aŋuna a ŋikonei keŋ, abu kinyakak Yob ŋiboro ŋulu sek ayakar, kiyatak a ŋolo kimar etiyae ŋolo sek a ekiŋaren.

Yob 42:8

Aŋun, tolemutu tokona ŋimoŋin ŋikanikaarei ka ŋimeesekin ŋikanikaarei, ido toloto neni a Yob a eketiyan kaŋ, iinakis erae amuronot ŋina epeyo aŋuna kus. Ikilipakini iyes Yob eketiyan kaŋ, acamuni ayoŋ akilip keŋ ŋina akadyekitor iŋes ayoŋ nyetiya neni kus ikwa emaikina aŋuna ka abaŋao kus; anerae ipotu iyes nyirworo ŋuna iyookino aŋuna kaŋ lopite ŋolo erworitor Yob eketiyan kaŋ.”

Ŋikiru. 106:23

Aŋun, abu Akuj tolimu atemar amunyari ikes. Ani kerae nyedyekit Moses ŋolo arae eseuna ŋolo ka Akuj aŋuna kec Akuj, nyemunya ikes ananyunyura keŋ, kemunyarit Akuj ikes.

Ŋikiru. 78:34

Apaki daadaŋ ŋina earya Akuj ŋice kec, aminasi ŋuluce aponenen neni ka Akuj akiŋaranakino, aminasi akienen ŋasecisya kec, potu kilipa Akuj iitanito nooi.

Awos. 10:17

Kisyoni ayoŋ anasecit kaŋ anapei ca a na bon, kilipa neni ke Ekapolon Akuj kus tolema akisicanet ŋina aaran na aneni kaŋ.”

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 32:30

Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Awos. 8:28

Aŋun, abu Parao tema, “Ekemyekini ayoŋ iyes toloto inakis ŋamuronisya neni a Ekapolon Akuj kus analoŋisat, erae ca pa kiloto iyes neni elwana nooi. Kilipakinae ayoŋ.”

Awos. 8:4

Ikidokakinete iyoŋ ŋakidodoka ka edokakinete tari neni a ŋituŋa kon ka neni a ŋikapolok a ŋulu ipukatotor iyoŋ.”

Awos. 8:8

Abu nai Parao tonyarau Moses ka Aron tema, “Kilipa neni a Ekapolon tolema ŋakidodoka aneni kaŋ ka alotuŋa kaŋ, ido emyekini ayoŋ Ŋisirael toloto kitiyata amuronot neni a Ekapolon.”

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yer. 37:3

Abu Sedekia kiyakiya Yeukal lokoku a Semaia ka esacaradoti Sepania lokoku a Mesaia neni a ekadwaran Yeremia tema, “Okoe, kilip kareca aŋuna kosi neni a Ekapolon Akuj yok.”

Osea 5:15

Aboŋori ayoŋ nabo nakibois kaŋ tari ŋina eyenuniata ikes atemar esecito, ido kiwara akiŋarakino aneni kaŋ. Alotooma akiyaloloŋ kec, epote ikes anacamit a ŋina a kire akiwarit ayoŋ.

Ekim. 11:2

Apotu ŋituŋa kigworokis Moses, tosodi Moses kilip neni ke Ekapolon ka abu akim toduŋe.

Mat. 27:4

ebala, “Asec ayoŋ aŋuna apwakakinia ekile ŋolo nyesecit atwanare.” Toboŋokis ikes temasi, “Erae ŋun ŋuna kon. Emam ŋuna ikikamunito isua a nen!”

Ŋitic. 8:24

Toboŋok Simoni tema, “Kilipa neni ke Ekapolon aŋuna kaŋ, ikotere nyitiyakin idiobore ŋini ilimu iyoŋ neni kaŋ.”

Ŋirom. 10:1

Ŋikaitotoi kaŋ! Agasi ayoŋ alotau kaŋ a daadaŋ atemar toiun ŋituŋa kaŋ! Elipit ayoŋ Akuj aŋuna kec!

Ŋikis. 9:20

Abu Ekapolon toŋoo nooi neni ka Aron tocamu akiar iŋes, nai abu ayoŋ odyek Ekapolon aŋuna keŋ apaki ŋinapei ŋin.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Sam. 15:24

Tema Saul neni a Samuel, “Asec ayoŋ aŋuna abunio oŋer akiwuap akiciket a Ekapolon ka ŋakiro kon. Arae ŋun aŋuna abunio ayoŋ oker ŋituŋa, ido ewuap ŋuna abasi ikes.

1 Sam. 15:30

Toboŋok Saul tema, “Adau ayoŋ akisec, nai inakinae ayoŋ apolou tokona alokiŋaren ŋikasikou ŋulu a ŋituŋa kaŋ ka alokiŋaren Ŋisirael. Oboŋosi ka ayoŋ, ikotere ayoŋ elip neni ke Ekapolon Akuj kon.”