Ekim. 21:25 - Ebaibul

²⁵ Apotu Ŋisirael kikamasi ŋitaunio a Ŋiamoni daadaŋ ka toloma lotaunio ŋul, toloma tari Esibon ka lorerya ŋulu edunyito Esibon.

Ekim. 21:25 Iomraidhean Croise

Eete a Ŋie. 7:4

Ecorot emosiriŋ kon ikwaan ka aduketait ŋina aoyan ŋina edukitoe a ŋikyal a ŋitome. Ejokak ŋakonyen kon ikwaan ka ŋataparin a etaun Esibon ŋuna eryamununiyata ŋituŋa ŋakipi alodiyete epuke ŋolo anyaritae Bas-Rabim. Ecorot ekume kon ikwaan ka aduketait ŋina aoyan ŋina a Lebanon, ŋina erounit Damasko.

Isa. 15:4

Igworosi ŋituŋa a Esibon ka ŋulu ka Eleale, epupyo ŋitoilon kec tari alo Yas; aŋun, abul ŋasigarya a Moab, ejaluwor ŋitai kec.

Yer. 48:2

adaun arwon a Moab. Apotu ikes toyeta ŋuna aronok aŋuna a Moab alo Esibon ebasi, ‘Potu, olemasi iŋes anaraakau akwap!’ Okoe iyes daŋ ŋituŋa ŋulu a ŋikerep, ikisililiŋio, ikiwuapakini iyes daŋ ejie.

Yer. 48:34

“Iyes ŋituŋa a Esibon ka ŋulu ka Eleale, kiworoutu todol akigworo kus Yaas, todolo ŋitoilon kus alo Soar tari Oranaim ka Egilas-Selisiya, anerae aono tari ecowa ŋolo a Nimirim.

Yer. 48:45

“Ieŋunete ŋituŋa ŋulu irimito alotolimon a Esibon eupit, anerae anepu akim alo Esibon, anepu arira alokai a Sikon, anomiya ŋaitae a ŋimoru a akwap a ŋituŋa a Moab a ŋulu sek eminasi ejie.

Esek. 16:46

Arae Samaria nakaato kon ŋina apolon, ŋina eboi alo Kuju kon eyakar ŋirerya keŋ; arae Sodoma nakaato kon ŋina cici, ŋina eboi alo Kwap kon eyakar ŋirerya keŋ.

Esek. 16:49

Asecit anakaato kon Sodoma iŋes na, abu iŋes ka ŋirerya keŋ kiturokinos, todakakiata nooi ka kiboiyoto anakinapakina, nai pa apotu ikes kiŋarakis ŋikulyak ka ŋulu ayakatar akiitanit.

Esek. 16:53

Tari kikote neni daŋ enyakakini ayoŋ nabo ŋarereŋisyo neni a Sodoma ka ŋirerya keŋ ta neni a Samaria ka ŋirerya keŋ. Ekenyakakini ayoŋ iyoŋ daŋ ŋarereŋisyo,

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Ekim. 21:26

Arae Esibon etaun ŋolo apolon ŋolo a Sikon a erwosit a Ŋiamori, a ŋolo abu kitiji erwosit ŋolo sek epukat Moab ka abu kikama akwap ŋin daadaŋ akitodol Arinon.

Ekim. 21:31

Aŋun, apotu Ŋisirael kiboikinos nakwap a Ŋiamori.

Ekim. 32:3

“Erae ŋakiboisyo nu: Atoros, Dibon, Yaser, Nimira, Esibon Eleale, Sebam, Nebo ka Beon

Ŋikis. 2:12

Nabo daŋ kiboiyete sek Ŋiorim alo Seir, nai apotu ŋiletok a Esau todemasi ikes Seir, tomunyasi Ŋiorim, ido kikamasi akwap kec, lopite ŋolo ekaku aponiata Ŋisirael kikamasi ŋina abu Ekapolon inak ikes toruwor ŋina kec.)

Yos. 24:8

Abu ayoŋ okoyau iyes nakwap a Ŋiamori a ŋulu eboiyete alo Kide aŋolol Yorodan. Apotu ikes ikitijikis iyes, nai abu ayoŋ epotokikes nakan kus. Abu ayoŋ omunya ikes alokiŋaren kus, ido ipotu iyes kikamasi akwap kec.

Ŋikat. 11:26

Apaki ŋina eboiyoto Ŋisirael ŋikaru ŋamiae ŋauni alo Esibon ka alorerya keŋ ka Aroer ka alorerya keŋ ta alotaunio a daadaŋ a ŋulu erekina lokipetetyo ka Arinon, kaanukiro pa ikamarya iyoŋ nabo ŋakwapin ŋun, alotooma apaki ŋin?