Ekim. 21:24 - Ebaibul

²⁴ Apotu Ŋisirael toara ka kikamasi akwap keŋ ameun anayonae Arinon tari nayonae Yabok akitodol lokukoru a akwap a Ŋiamoni, atyono akitub ekukoru a Ŋiamoni, anerae ayakatar Ŋiamoni ŋasigarya ŋuna ajiok nooi.

Ekim. 21:24 Iomraidhean Croise

Akisy. 32:22

Akuwar ŋinapei ŋin, tonyou Yakob nakwaare ya ŋaberu keŋ ŋunaarei, ŋaketiyak keŋ ŋunaarei ka ŋidwe keŋ ŋulutomon ka ipei, todoka ayonae ŋina enyaritae Yabok.

Neem. 9:22

Tosodi ibu iyoŋ inak ikes areun ŋapukasinei ka ŋituŋa a ŋakwapin ka ibu tokorak ikes akwap ŋin daadaŋ. Apotu ikes kikamasi akwap a erwosit Sikon a ŋolo a Esibon ka akwap a Og a erwosit a Basan.

Ŋikiru. 136:19

Abu iŋes toar Sikon erwosit ŋolo a Ŋiamori, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Ekim. 21:13

Towotokis a nen tolomiyasi yaye Arinon, naloŋisat ŋina egeuni alokukoruu a Ŋiamoni, erae Arinon ekukoru a Ŋimoabi; kitoro Ŋisirael kidiŋ Ŋimoabi ka Ŋiamori.

Ŋikis. 1:4

Abu Moses kirwor ŋakiro nu kedau iŋes akiloun erwosit Sikon ŋolo a Ŋiamori ŋolo epukat alo Esibon ka kedau akiloun erwosit Og ŋolo a Basan ŋolo epukat alo Asitaros ka alo Edirei.

Ŋikis. 29:7

Apaki ŋina adolunere iwon nakibois na, apotu erwosit Sikon ŋolo a Esibon ka erwosit Og ŋolo a Basan ikitijikis iwon, nai aponi iwon kilounae ikes.

Ŋikis. 3:16

ka abu oinak neni a Ŋirubeni ka Ŋigadi akwap ŋina a Gilead akitodol nayonae Arinon, torae kidiŋ ayonae ekukoru kec, adolit akwap kec nayonae Yabok, ayonae iŋes arae ekukoru kec ka Ŋiamoni;

Ŋikis. 31:4

Itiyae Ekapolon neni kec ŋuna abu kitiya neni a Sikon ka Og, a ŋulu arae ŋirwosi a Ŋiamori ka nakwap kec apaki ŋina amunyarya ikes.

Ŋikis. 4:46

eriŋa eya ekekwaye Yorodan nakadipaalat ŋina iteosi ka Bes-Peor, anakwap a erwosit Sikon a ŋolo a Ŋiamori, a ŋolo epukat alo Esibon, a ŋolo abu Moses ka Ŋisirael kilout apaki ŋina aponiata alo Ijipit.

Yos. 13:12

Iŋes atemar Bacan daadaŋ neni epukat erwosit Og ŋolo sek epukat Acitorot ka Edirei. Og bon abu topiyanun emunyaryo Ŋirepaim apaki ŋina etijio Moses ikes kiela.

Yos. 24:8

Abu ayoŋ okoyau iyes nakwap a Ŋiamori a ŋulu eboiyete alo Kide aŋolol Yorodan. Apotu ikes ikitijikis iyes, nai abu ayoŋ epotokikes nakan kus. Abu ayoŋ omunya ikes alokiŋaren kus, ido ipotu iyes kikamasi akwap kec.

Yos. 9:10

ka epite ŋolo atiŋia Akuj ŋirwosi a Ŋiamori ŋuluarei, Sikon ŋolo a Ecibon ka Og ŋolo a Bacan, ŋulu alomito Acitorot.

Ŋikat. 10:11

Tolimok Ekapolon ikes tema, “Pa mono abu ayoŋ okolaku iyes aneni a Ŋijipitian, aneni a Ŋiamori, aneni a Ŋiamoni ka aneni a Ŋipilistin a?

Ŋikat. 11:13

Toboŋok erwosit a Ŋiamoni ŋituŋa ŋulu eyakiyarit Yepesa neni keŋ tema, “Erae ŋun anerae apaki ŋina aponiata Ŋisirael alo Ijipit, apotu ikes yaasi akwap kaŋ, ameun alo Arinon tari Yabok ta Yorodan, aŋun tokona, kinyakakinae ayoŋ akwap ŋin emam ejie.”

Ŋikat. 21:8

Tolimut nai ikes iŋitasi temasi, “Eyai mono ituŋanan idio alotooma ŋituŋa a ŋikabilae a Ŋisirael ŋini nyitipeunit Misipa neni ke Ekapolon a?” Aponi toryamunae atemar mam ituŋanan alo Yabes-Gilead ŋini ebunit natukot neni eboikino ŋituŋa.