Ekim. 20:5 - Ebaibul

⁵ Kaanukiro ikiyaunia iyoŋ isua anakwap a Ijipit, nakibois na ŋina aronon nooi? Nyerae na akwap ŋina eya ŋikinyom, kori a ŋaboboryo, kori ŋikito a epiini ka ŋina emam ŋakipi ŋuna emasyo.”

Ekim. 20:5 Iomraidhean Croise

Neem. 9:21

Ibu iyoŋ kiteyar ikes analoŋisat ŋikaru ŋatomoniomwon, ikotere nyicanakin idiobore; nyenyamuna ŋilowi kec ka nyebuuno ŋakejen kec.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Esek. 20:36

Lopite ŋolopei abunio ayoŋ otubokinia atapapaa kus analoŋisat a ŋina ka akwap a Ijipit, akatubokini ayoŋ iyes.

Ekim. 16:14

Ileere jik atemar nyeyauna iyoŋ isua nakwap ŋina eleleata ŋakile ka ao ka nyeinakina iyoŋ isua ŋimanikorin ŋulu eruworosi ŋulu kosi, ŋulu a ŋikinyom ka ŋulu a ŋikito a epiini. Icamit tokona iyoŋ aditari ŋakonyen a ŋikilyok a lu a? Nyikiponi isua!”

Ekim. 20:24

“Emaikina Aron totwana ikwapei atapapaa keŋ, anerae nyelomari iŋes nakwap ŋina ainak ayoŋ Ŋisirael aŋuna iponiata iyes toŋero ŋuna alimuni ayoŋ aŋuna a ŋakipi a Meriba.

Ekim. 27:14

anerae ipotu iyoŋ ka Aron toŋero ŋakiro kaŋ, analoŋisat a ŋina a Sin apaki ŋina eŋuruŋurar atukot a Ŋisirael neni kaŋ, ipotu iyes nyikitopoloosi ayoŋ anasegis kaŋ alokiŋaren kec anakipi a ŋuna a Meriba.” (Erae ŋun ŋakipi a Meriba a ŋina alo Kades analoŋisat a Sin.)

Ŋikis. 8:15

nyikimuryak Ekapolon ŋolo abu ikirik iyes analoŋisat a ŋina apolon nooi ka a ŋina a ŋican a ŋulu apolok a ŋina eleleba ŋimuno ka ŋitwania ŋulu aarak. Abu Ekapolon kiteleleu ŋakipi aŋuna kus anataaba a ŋinasulut