Ekim. 20:21 - Ebaibul

²¹ Aŋun, apotu Ŋiedomi towout Ŋisirael akitor nakwap kec, ido apotu Ŋisirael nyitor nakwap a Ŋiedomi.

Ekim. 20:21 Iomraidhean Croise

2 Ŋakiro a ŋirwa 20:10

Kiŋolik tokona ŋituŋa lu ŋulu eponito alo Moab, Amon ka lomoru Seir, ŋulu ibu iyoŋ nyicamak Ŋisirael toremo ŋakwapin kec apaki ŋina aponiata Ŋisirael alo Ijipit; apotu Ŋisirael kitoro iwace kimyekis ikes nyemunyasi.

Ekim. 21:23

Nai towou Sikon Ŋisirael atubor anakwap keŋ. Abu Sikon tocunak ŋituŋa keŋ daadaŋ, tolot akitijikin Ŋisirael analoŋisat; bu tari Yaas, kitijik Ŋisirael.

Ekim. 21:4

Towotokis Ŋisirael alomoru Or, kitoro lowae ŋolo ka Anam a ŋina Areŋan, kilugokis ekeereto akwap ke Edom. Nai abu tokadanak ŋituŋa alorot.

Ŋikis. 2:27

“Ani kikimyek iyoŋ isua etoro nakwap kon, iwuapyo isua erot bon, nyikirii isua kedyeny, kori teten.

Ŋikis. 2:29

lopite ŋolo aponiata ŋiletok a Esau ŋulu iboiyete alo Seir kitiyaata aŋuna kosi ka lopite ŋolo aponiata Ŋimoabi daŋ ŋulu iboiyete alo Ar kitiyaata, kimyekinae isua olunyar tari ŋina ikidokarya ekekwaye a ŋolol Yorodan olomasi nakwap ŋina ikiinakinit Ekapolon Akuj isua.”

Ŋikis. 23:7

Nyijamuwasi Ŋiedomi, anerae erae ikes ŋiyeneta kus. Nyijamuwasi Ŋijipitian, anerae irae iyes ŋigelaanotin apaki ŋina iboiyoto anakwap kec.

Ŋikat. 11:17

Apotu nai Ŋisirael kiyakiyasi ŋituŋa neni a erwosit a ŋolo ke Edom temasi, ‘Ikilipit isua iyoŋ ikimyek isua totuboretei anakwap kon,’ nai abu erwosit ŋolo ke Edom nyecamu ŋakiro ŋun. Apotu daŋ ikes kiyakiyasi ŋituŋa neni a erwosit a Moab, abu ŋol daŋ nyecamu ŋakiro kec. Aŋun apotu Ŋisirael torubakis iboiyete alo Kades.

Ŋikat. 11:18

Apotu nai Ŋisirael towotokis a nen kitoro naloŋisat, kiloda ayaaye akwap a Edom ka akwap a Moab todolo Kide akwap a Moab, ido toloma ekekwaye ayonae Arinon. Nyelomara ikes nakwap a Moab, arae Arinon ekukoru a akwap a Moab.

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?