Ekim. 20:14 - Ebaibul

¹⁴ Alo Kades, abu Moses kiyakiya ŋituŋa neni ke erwosit a Edom ebala; “Ŋakiro alokaato kon a Isirael ikes nu, iyeni iyoŋ ŋatyokisyo daadaŋ ŋuna aponi isua toryamunae:

Ekim. 20:14 Iomraidhean Croise

Akisy. 25:23

Tolimok Ekapolon iŋes tema, “Eyakasi ŋituŋa a ŋakwapin a ŋaarei nakook kon, ido ŋituŋa a ŋakwapin ŋulu ŋiarei ŋulu idouni iyoŋ, etyakasi, egogoŋioto ŋituŋa ka akwap a apei akilo ŋinace, eruwor edya ŋolo apolon eketiyan a ŋolo cici.”

Akisy. 25:25

Tolomu ŋini esyaunan kiŋa erae ŋini areŋ torae ŋinicekum a akuwan a daadaŋ ikwa elou amesek a ŋinacekum, tolimokinae ŋin ekiro Esau.

Akisy. 25:26

Ekaku tolomu lokaato keŋ ikamunit atotinyo a Esau; ŋun alimokinere ekiro keŋ Yakob. Arae ŋikaru a Isaka ŋatomonikanikapei apaki ŋina edounere Esau ka Yakob.

Akisy. 32:29

Kiŋit nai Yakob ekile ŋol tema, “Ŋae mono ekiro kon.” Toboŋok nai ekile ŋol tema, “Kaanukiro iŋisitor iyoŋ ekiro kaŋ?” A nen, kiterereŋ ekile ŋol Yakob.

Awos. 18:8

Kitatamik nai Moses lokamuran keŋ ŋakiro daadaŋ ŋuna etiya Ekapolon neni a Parao ka neni a Ŋijipitian aŋuna a Ŋisirael. Kitatamik tari ŋatyokisyo ŋuna kepotu Ŋisirael toryamut alorot ka epite ŋolo abunio Ekapolon toiunia ikes anatyokisyo a ŋun.

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Mal. 1:2

Ebala Ekapolon neni a Ŋisirael, “Adau ayoŋ amina iyes jwi jwi. Nai iŋitasi iyes ibasi: ‘Alipite ikiminakinia iyoŋ isua?’ ” Iŋita Ekapolon ebe, “Pa mono arae Esau lokato a Yakob a? Abu robo ayoŋ ominak Yakob,

Ekim. 13:26

potu ikes neni a Moses ka Aron ta neni ka atukot a Ŋisirael a ŋulu ayakasi apaki ŋin naloŋisat ŋina a Paran nakibois ŋina anyaritae Kades, yaut ŋikarebok ŋul ŋakiro kec neni a Moses ka Aron ta neni ka atukot a Ŋisirael, kitoodikis daŋ ŋikarebok Ŋisirael ŋuluce ŋaraito ka akwap a Kanaan, ŋuna ayaunete ikes.

Ekim. 20:15

Iyeni iyoŋ epite ŋolo atiyaarotor atapapaa kosi Ijipit, kiboi isua alo Ijipit apaki ŋina aoyan ka apotu Ŋijipitian ikisicana isua ka atapapaa kosi,

Ekim. 20:22

Towotokis Ŋisirael daadaŋ alo Kades todolo Moru Or.

Ŋikis. 23:7

Nyijamuwasi Ŋiedomi, anerae erae ikes ŋiyeneta kus. Nyijamuwasi Ŋijipitian, anerae irae iyes ŋigelaanotin apaki ŋina iboiyoto anakwap kec.

Yos. 2:10

anerae ikidau isua akiirar epite ŋolo kitoonio Ekapolon Akuj anam ŋina enyaritae Anam ŋina Areŋan idolunete iyes nen apaki ŋina irotokinioto anakwap a Ijipit. Ikiirarit nabo epite ŋolo kiaryata iyes Sikon ka Og, ŋirwosi ŋiarei ŋulu a Ŋiamori a ŋulu elomito Kide aŋolol Yorodan.

Yos. 2:9

bu Raab neni aya ikes tema, “Ayeni ayoŋ atemar adau Ekapolon Akuj ainakin iyes akwap na. Elelebun akuryanu neni kosi ka ebulit ituŋanan daadaŋ ŋini ka akwap a na aŋuna kus,

Yos. 9:10

ka epite ŋolo atiŋia Akuj ŋirwosi a Ŋiamori ŋuluarei, Sikon ŋolo a Ecibon ka Og ŋolo a Bacan, ŋulu alomito Acitorot.

Yos. 9:9

Toboŋokis ikes temasi, “Ikiponit isua anakwap a ŋina alwanan nooi ekapolon, anerae ikipotu eirasi ŋakiro ŋuna a Ekapolon a ŋolo erae Akuj kus. Ikipotu eirasi ŋakiro daadaŋ ŋuna etiyae iŋes alo Ijipit