Ekim. 19:22 - Ebaibul

²² Ibore daadaŋ ŋini etapi ituŋanan ŋini itoroniyaritae, eruwor ŋini itoroniyaritae ka ituŋanan daadaŋ ŋini etapi ŋiboro ŋulu abu ituŋanan ŋin totap, eruwor ŋini itoroniyaritae akitodol eboŋ.

Ekim. 19:22 Iomraidhean Croise

Ŋilep. 15:1

Tema Ekapolon neni a Moses ka Aron,

Ŋilep. 15:10

Ituŋanan daadaŋ ŋini etapi ŋiboro ŋulu sek eboiyo ekile ŋol, eruwor ŋini itoroniyaritae akitodol eboŋ; ido daadaŋ ŋulu iwokete ŋiboro ŋul, emaikina kilotasi ŋilowi kec, kiloŋaros, ido erubakinete erae ŋulu itoroniyaritae akitodol eboŋ.

Ŋilep. 15:11

Ituŋanan daadaŋ ŋini kebu ekile ŋolo elele ibore anakuwan totap eriŋa nyilotara ŋakan keŋ, emaikina kilotasi ŋilowi kec, kiloŋaros, ido erubakinete erae ŋulu itoroniyaritae akitodol eboŋ.

Ŋilep. 15:21

Ituŋanan daadaŋ ŋini etapi ibore ŋini eperyo aberu ŋin, emaikina kilota ŋilowi keŋ, kiloŋar, ido erubakini erae ŋini itoroniyaritae akitodol eboŋ.

Ŋilep. 15:22

Ituŋanan daadaŋ ŋini etapi ibore ŋini sek eboikino aberu ŋin, emaikina kilota ŋilowi keŋ, kiloŋar, ido erubakini erae ŋini itoroniyaritae akitodol eboŋ.

Ŋilep. 15:23

Ketapit ituŋanan ibore ŋini aperyo, kori eboikino aberu ŋin, eruwor ituŋanan ŋin ŋini itoroniyaritae akitodol eboŋ.

Ŋilep. 15:27

Ituŋanan daadaŋ ŋini etapi ŋiboro ŋul, eruwor ŋini itoroniyaritae; emaikina kilota ŋilowi keŋ, ido erubakini erae ŋini itoroniyaritae akitodol eboŋ.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 15:6

Ituŋanan daadaŋ ŋini iboikin neni sek eboikino ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 15:7

Ituŋanan daadaŋ ŋini etapi ekile ŋol, ŋolo elele ibore anakuwan, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 15:8

Ani kimwaak ekile ŋolo elele ibore anakuwan ituŋanan ŋini nyitoroniyaritae, emaikina ŋini nyitoroniyaritae ŋin kilota ŋilowi keŋ, kiloŋar, ido erubakini erae ŋini itoroniyaritae akitodol eboŋ.

Ŋilep. 22:5

kori erae ketap ŋiboorei ŋulu elyato ŋulu epedorete akituruwor iŋes ŋini itoroniyaritae, kori ketap ituŋanan ŋini ituruwori iŋes ŋini itoroniyaritae, kori ibore ca daadaŋ ŋini itoroniyaritae.

Ŋilep. 22:6

Ipapait ka Aron daadaŋ ŋini etapi ŋulu imarunitae ŋul tari ipei, erubakini erae ŋini itoroniyaritae akitodol eboŋ. Nyemaikina iŋes tonyam ŋainakineta ŋuna asegak ŋun adio, mati mono kiloŋar.

Ŋilep. 5:2

Kori ani ketap ituŋanan ibore ŋini italeo pa iredakinit akitap, kerae etyaŋ ŋolo etwanit ŋolo sek italeo akitap, kori ibarasit ŋini etwanit ŋini sek italeo akitap, ityaŋ ŋini elyat, ŋini etwanit, ŋini sek italeo akitap, aruwor iŋes ŋini itoroniyaritae ka eyakar ekaile ŋolo ka asecit.

Ŋilep. 5:3

Ani ketap ituŋanan ibore ŋini italeo akitap, tari pa kiredakinit iŋes akitap, ani eyenunio iŋes a ŋun eruwor iŋes ŋini eyakar ekaile ŋolo ka asecit.

Ŋilep. 7:19

“‘Akiriŋ daadaŋ ŋina etapakin nibore ŋini itoroniyaritae, nyemaikina tonyamae, emaikina kicunyae. Nai akiriŋ ŋinace daadaŋ, epedori ituŋanan ŋini italeunitoe akinyam akiriŋ ŋin.

Ŋilep. 7:21

Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”

Agai 2:13

Kiŋit nai Agai ikes tema, “Ani mono ketap ituŋanan ŋini etapit ituŋanan ŋini etwanit apei a ŋamuja a ŋun, eruwor mono akimuj ŋin ŋina nyitaleoritae a?” Toboŋokis ŋisacaradotin temasi, “Ee, eruwor ŋina nyitaleoritae.”

Ekim. 19:7

Emaikina nai esacaradoti kilota ŋilowi keŋ ka kiloŋar, kedau ŋun epedori alomar nalomar, nai erubakini esacaradoti itoroniyaritae akitodol eboŋ.