Ekim. 19:13 - Ebaibul

¹³ Ŋituŋa daadaŋ ŋulu etapete akuwan a ituŋanan a ŋini etwanit, ido nyitaleunosi, emunaarete eema ŋolo ke Ekapolon. Emaikina ŋituŋa ŋulu ikote ŋul totyakarae alo Isirael; anerae nyewuatakina ŋakipi ŋuna italeere ŋituŋa neni kec, aŋun, erubakinete ikes itoroniyaritae ka eyakatar aronis kec.

Ekim. 19:13 Iomraidhean Croise

Awos. 30:33

Ituŋanan daadaŋ ŋini inyaluni ace ŋina ikwaan ka ŋin, kori ituŋanan daadaŋ ŋini iosakini akimyet ŋin neni a ituŋanan a ŋini nyemaikina kitaleunoe, emaikina ituŋanan ŋin totyakarae alotuŋa keŋ.’”

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Esek. 44:26

Tosodi ekaku, italeunio iŋes, nai emaikina kiboi pa itiyae ŋirwa ŋikanikaarei.

Ŋilep. 15:31

“‘Alopite a ŋol, iyokiuni iyoŋ Ŋisirael erae ŋulu nyitoroniyaritae ikotere nyetwaka erae ŋulu itoroniyaritae aŋuna ka amunaar eema kaŋ ŋolo eyai kidiŋ kec.’ ”

Ŋilep. 20:3

Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan.

Ŋilep. 22:3

Tolimok ikes ebe, ‘Ananyameta a daadaŋ a ŋuna eponito, ani pa kitaleuno idio alopapae kon, ido toapu nainakineta ŋuna asegak ŋuna italeikinito Ŋisirael Ekapolon, emaikina ituŋanan ŋin totyakarae tojoŋo atakanu aneni kaŋ. Arae ayoŋ Ekapolon.

Ŋilep. 22:4

Ani keyai ipapait ka Aron idio ŋini eyakar edeke ŋolo ka amuny a akuwan, kori ibore idio anakuwan, nyemaikina iŋes tonyam ŋainakineta ŋuna asegak ŋun, akitodol ŋina italeunere. Eruwor daŋ iŋes ŋini itoroniyaritae erae ketapakin ibore idio ŋini kebu totapakin neni a ituŋanan a ŋini etwanit, kori ketapakin neni a ituŋanan a idio ŋini kebukuno ŋaokot ŋuna ka aur,

Ŋilep. 5:17

“Ani kesec ituŋanan idio alokidiŋ kus pa iredakinit, kitiya ŋuna nyecamakinito ŋakiciketa ŋuna ke Ekapolon, adau ituŋanan ŋin akisec, ido emaikina kisicanae.

Ŋilep. 5:3

Ani ketap ituŋanan ibore ŋini italeo akitap, tari pa kiredakinit iŋes akitap, ani eyenunio iŋes a ŋun eruwor iŋes ŋini eyakar ekaile ŋolo ka asecit.

Ŋilep. 5:6

Nai ikwapei akisicanet aŋuna ka asecit keŋ, emaikina iŋes yau neni ke Ekapolon akine ŋinaberu alosipan kerae amesek, kori ameot ikwapei ainakinet aŋuna ka asecit keŋ; tosodi nai esacaradoti tomooku ituŋanan ŋin anasecit keŋ.

Ŋilep. 7:20

Nai ituŋanan daadaŋ ŋini enyami akiriŋ ŋina ka ainakinet a ŋina ke ekisil ke Ekapolon, ido nyitaleunitoe iŋes, emaikina ituŋanan ŋin kiritarae alotuŋa keŋ.

Ŋilep. 7:21

Ani ketap ituŋanan ido ibore ŋini italeo, kerae ituŋanan ŋini italeo iŋes akitap, kori etyaŋ ŋolo italeo akitap, ido tonyam akiriŋ ŋina ka ainakinet a ŋina ke ekisil, ŋina einakinitae neni ke Ekapolon, emaikina ituŋanan ŋin kiritarae alotuŋa keŋ.’”

Ekim. 15:30

Nai ituŋanan daadaŋ ŋini iredakini akisec, kerae Esiraelit, kori igelaanot, adau akiyany Ekapolon, aŋun etyakaryo iŋes alotuŋa.

Ekim. 19:14

Erae lo ekisil aŋuna a ituŋanan a ŋini etwani alotooma eema: Ituŋanan daadaŋ ŋini elomuni loeema ka ituŋanan daadaŋ ŋini eyai tooma eema, eruwor ŋini itoroniyaritae akidol ŋirwa ŋikanikaarei.

Ekim. 19:18

tolemu ituŋanan ŋini nyitoroniyaritae ekitoe ŋolo enyaritae Isop, kilumok nakipi, ido towuatak ŋakipi loeema ka loboro daadaŋ ŋulu eya tooma eema ka neni a ituŋanan a daadaŋ a ŋini ayai loeema ka a ŋini atapit akoit a ituŋanan, kori a ŋini atapit ituŋanan ŋini kearyo, kori akuwan a ituŋanan a ŋini etwanit, kori alyal.

Ekim. 19:19

Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae.

Ekim. 19:20

Ituŋanan daadaŋ ŋini itoroniyaritae, ido nyitaleun, emaikina ituŋanan ŋin totyakarae anatukot aŋuna amunaarya iŋes eema ŋolo ke Ekapolon, anerae nyewuatakina iŋes ŋakipi ŋuna italeere ŋituŋa, aŋun, itoroniyaritae iŋes.

Ekim. 19:9

Emaikina nai ituŋanan ŋini nyitoroniyaritae tomuda ekuron a ataok, kiwuak nakibois ŋina eseg ŋina ke etal alokiŋa alomar. Iŋadaaryo ekuron ŋol aŋuna a Ŋisirael ka aŋuna ka akiwuakin nakipi ŋuna italeununeere ŋituŋa. Arae ŋin ainakinet ŋina italeunere ŋituŋa.

Ekim. 8:7

Kitiya nu neni kec kitaleunio ikes: Towuatak ikes ŋakipi ŋuna kitaleunet, tolimok ikes tobanya a ewembe ŋawat kec daadaŋ ka kilotasi ŋilowi kec, kitaleunos.

Ekim. 9:13

Nai ituŋanan daadaŋ ŋini nyitoroniyaritae ka nyelosit iwace, ido nyitiya ŋasuban a Paska nyelosi iwace, ido nyinumunum ŋasuban a Paska, nyeriŋa imarakinio iŋes erae ipei a ŋituŋa kaŋ aŋuna pa ainakinia iŋes ainakinet neni ke Ekapolon akoloŋit ŋina etubunitoe. Eryamuni iŋes akisicanio aŋuna ka asecit keŋ.

Yoa. 8:24

Akalimokinit ayoŋ iyes atemar, itwakete anasecit kus. Kire itwakete anasecit kus, erae pa kinupa atemar ‘Arae Ayoŋ ŋolo Arae Ayoŋ.’”

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:11

Iŋes ŋini itiyae ŋuna aronok, torubak itiyae ŋuna aronok; iŋes ŋini esiilyana, torubak itiyae asiilyo; iŋes ŋini itiyae ŋuna iyookino, torubak itiyae ŋuna iyookino ka iŋes ŋini erae ŋini ka Akuj, torubak erae ŋini ka Akuj.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.