Ekim. 18:8 - Ebaibul

⁸ Kirwor Ekapolon neni ka Aron tema, “Akainak ayoŋ iyoŋ apolokin ŋainakineta ŋuna eyaunio neni kaŋ, ŋainakineta a Ŋisirael ŋuna asegak daadaŋ. Adau ayoŋ ainakin ikes neni kon ka neni a ŋidwe kon a ŋulusapa, ikwapei ŋainakineta ŋuna emaikina ŋisacaradotin toryamut, erae ŋuna kus ŋikaru ka ŋikaru.

Ekim. 18:8 Iomraidhean Croise

2 Ŋirw. 12:16

Pa ayaununuyo Kai ka Akuj ŋisiliŋa ŋulu alemununuyo aŋuna ka alemarya ekaile aŋuna ka asecit ka ŋulu alemununuuyo aŋuna ka alemarya asecit, araakasi ŋisiliŋa ŋul ŋulu a ŋisacaradotin.

2 Ŋakiro a ŋirwa 31:4

Tolimok erwosit ŋituŋa ŋulu eboiyete alo Yerusalem alemun ŋainakineta ŋuna emaikina inakinae ŋisacaradotin ka ŋilepi, ikotere ikes itiyaete apaki daadaŋ etic ŋolo ke Ekapolon lopite ŋolo elimunitere alotooma ŋikisila ŋulu ke Ekapolon.

2 Ŋakiro a ŋirwa 31:5

Ŋinapei adolioto ŋakiro ke erwosit lotuŋa, apotu Ŋisirael tolemut ŋainakineta ŋuna alalak nooi, ŋuna a ŋikinyom a ŋulu alemunete ikes ekiŋaren, epiini, akimyet, ao, ka ŋamuja ŋace daadaŋ ŋuna a ŋimanikorin kec; yaut ikes ŋainakineta ŋuna alalak nooi, yaut atutubet apei alotooma ŋitomon a ŋinibore.

Awos. 28:43

Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”

Awos. 29:21

Kedaun ŋun, tolemu ŋaokot ŋadi a Namuroet ka adiokimyet ŋina kiosa, towuatak neni ka Aron ka lolowi keŋ ta neni a ŋidwe keŋ a ŋulusapa ka lolowi kec. Epite ŋol iŋes eruworotor Aron ka ŋidwe keŋ ŋulusapa ta ŋilowi kec ŋulu italeuno.

Awos. 29:28

Emaikina Ŋisirael inanakis Aron ka ŋidwe keŋ ŋulusapa ŋinerin ŋul ŋapakio daadaŋ. Erae ŋinerin ŋul ainakinet a Ŋisirael neni ke Ekapolon alotooma ŋiboro ŋulu einanakinete ikes Ekapolon epote akilip kaapei.

Awos. 29:29

“Emaikina ŋilowi ka Aron ŋulu italetoe ŋul toruwor ŋulu a ŋidwe keŋ a ŋulusapa ekaku keŋ; ani iosio ikes ka akimyet ituruworyo ŋisacaradotin, emaikina ikes enapito ŋilowi ŋul.

Awos. 40:13

Kitanapik Aron ŋilowi ŋulu ke etal a nen, ido kiosak akimyet neni keŋ, kitaleu iŋes, ikotere eketiyanak ayoŋ ikwapei esacaradoti.

Awos. 40:15

ido kiosak akimyet neni kec lopite ŋolo ibunio kiosakinia neni a papa kec, ikotere ikes eketiyanakis ayoŋ ikwapei ŋisacaradotin. Akiosakino kec akimyet ŋin, ituruwori ikes ŋisacaradotin ka eruwor ŋiletok kec ananyameta daadaŋ ŋisacaradotin.”

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Ŋilep. 21:10

“‘Esacaradoti daadaŋ ŋolo itopolooryo topolok ŋuluce, ŋolo iosakinio akimyet nakou keŋ ituruworyo ŋolo enapenene ŋilowi ŋulu ke esacaradoti, nyemaikina iŋes kimyek ŋitim keŋ pa ikyerara, kori tocili ŋilowi keŋ.

Ŋilep. 23:20

Emaikina esacaradoti kikyaa ŋikaalei ŋulumesekin ŋul alokiŋaren Ekapolon kaapei ka ŋamugati ŋuna a ŋikinyom a ŋulu ke ekiŋaren. Erae ikes ŋainakineta ŋuna asegak neni ke Ekapolon aŋuna ke esacaradoti.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ŋilep. 6:18

Enyamete ŋisapa daadaŋ ŋulu erae ŋiletok ka Aron ŋamugati a ŋakirya a ŋun. Eruwor ŋol ekiner kec, ŋoloruba ananyameta kec a daadaŋ, anainakineta a ŋuna epeyo aŋuna ke Ekapolon. Ŋini daadaŋ etapi ŋainakineta ŋun, eruwor ŋini eseg.’ ”

Ŋilep. 6:20

“Ainakinet na iŋes emaikina Aron ka ŋidwe keŋ ŋulusapa yaut neni ke Ekapolon akoloŋit ŋina ituruworere idio alokidiŋ kec esacaradoti: Atutubet apei alotooma ŋitomon a akilo a ŋakirya a ŋuna ajokak ikwapei ainakinet ŋina emaikina ikes tolemununeete a ŋinapaki. Tolemunae atutubet apei a ainakinet a ŋin taparacu, ido atutubet apei tolemunae eboŋ.

Ŋilep. 6:26

Emaikina esacaradoti ŋolo eai ainakinet kimuj adio a ainakinet a ŋin anakibois a ŋina asegan analapatu ke eema a ŋolo ilipere.

Ŋilep. 7:14

Emaikina iŋes tolemu alotooma ŋina inakinet imugat ipei, yau erae ainakinet neni ke Ekapolon; eruwor ŋimugati ŋul ŋulu ke esacaradoti a ŋolo ewuasi ŋaokot ŋuna a ŋainakineta aŋuna ke ekisil ke Ekapolon.

Ŋilep. 7:28

Tema Ekapolon neni a Moses,

Ŋilep. 7:6

Emaikina ituŋanan daadaŋ ŋini erae ŋinisapat aloletok a ŋisacaradotin kimuj ainakinet ŋin, itemokino kimujae anakibois a ŋina asegan; erae ainakinet ŋin ŋina eseg nooi.

Ŋilep. 8:30

Kedaun ŋun, abu Moses tolemu akimyet adio ŋina iosere ŋituŋa ka ŋaokot ŋadi alokidiama namuroet, kipakak neni ka Aron ka lolowi keŋ ta neni a ŋidwe keŋ a ŋulusapa ka lolowi kec. Epite ŋol iŋes abunio Moses kitaleunio Aron ka ŋilowi keŋ ta daŋ ŋidwe ka Aron ŋulusapa ka ŋilowi kec

Ekim. 18:9

Erae ŋainakineta ŋuna asegak nooi ŋuna nyicunyaryo anamuroet nu ŋuna kon: Ŋainakineta daadaŋ ŋuna akainakinete Ŋisirael ayoŋ ikwapei ŋuna asegak nooi, kerae aŋuna a ŋikinyom, ŋainakineta aŋuna ka asecit ka ŋainakineta aŋuna ke ekaile, erae ŋainakineta ŋun ŋuna kon ka ŋuna a ŋidwe kon a ŋulusapa.

Ekim. 5:9

Ŋainakineta daadaŋ ŋuna italeunitoe ŋuna eyaununeete Ŋisirael neni ke esacaradoti erae ainakinet, eruworosi ŋainakineta ŋun ŋuna ke esacaradoti a ŋolo ijauni ikes.

1 Ŋikor. 9:13

Kire, iyenete iyes atemar, ŋikilyok ŋulu itiyaete Kai ka Akuj eryamununeeteakimuj kec alo Kai ka ŋulu itiyaete Namuroet, eryamununeeteakimuj kec anamuronisya a ŋuna einanakinete ikes.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋikis. 18:1

Nyeryamunete ŋisacaradotin ŋulu erae ŋilepi ŋulu arae ŋituŋa a Lepi daadaŋ akwap ŋina eruwor ŋina kec anakwap a Ŋisirael. Epedorete ikes akinyam ŋamuronisya ka ŋainakineta ŋuna etyakakinitae Ekapolon,

Ŋikis. 26:13

ilimunete iyes nu alokiŋaren Ekapolon Akuj kus, “Adaun isua alemar anakais kosi atutubet apei a ŋikinyom kosi ŋina italeoritae, adaun isua ainakin ikes neni a ŋilepi, neni a ŋigelaanotin a ŋulu eboiyete alotaunio kosi, neni a ŋikokyok ka neni a ŋapuseru, iwuapitae ŋakiciketa kon daadaŋ ŋuna ibu iyoŋ ikiicik isua akiwuap, nyeŋero isua, kori nyimuryakina isua akiwuap ŋakiciketa kon daadaŋ.

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

1 Yoa. 2:20

Nai ikiinak iyes Kristo Etau ŋolo Asegan ka iyenete iyes daadaŋ ŋun.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.