Ekim. 18:7 - Ebaibul

⁷ Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ekim. 18:7 Iomraidhean Croise

Ŋikiru. 115:10

Okoe ŋituŋa ka Aron, kikinyoma Ekapolon! Iŋes erae ekeŋarakiniton kus ka ekaiunan kus.

Awos. 28:1

“Tonyarau lokaato kon Aron ka ŋidwe keŋ ŋulusapa neni kon aneni a Ŋisirael a ŋuluce, eketiyanakis ayoŋ ikwapei ŋisacaradotin. Tonyarau iŋes ka ŋidwe keŋ ŋulusapa lu: Nadab, Abiu ka Eleasar ta Isamar.

Awos. 29:9

toenik nai nacirin kec ŋarokobae, ido kiwuak nakyes kec ŋakopiyae, toruworos ikes ŋisacaradotin. Epite ŋol iŋes ituruworya iyoŋ Aron ka ŋidwe keŋ ŋulusapa ŋisacaradotin, eruwor asacaradotonu etal a ŋiletok ka Aron ŋoloruba.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Esek. 44:16

Ikes bon emaikina tolomasi nakibois kaŋ ŋina asegan; ikes bon emaikina toapiyasi namuroet kaŋ akitiya etic a nen alokiŋaren kaŋ akisilip alo Kai ka Akuj.

Esek. 44:8

Akilo iyes akitiya ŋiticisyo kus ŋulu a ŋitalyo kaŋ alo Kai kaŋ, iwuakis iyes ŋituŋa ŋulugelaanotin apolokin Akai kaŋ.

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Ŋilep. 7:35

Ŋinerin a ŋibaren ŋul, ikes etyakakinitae Aron ka ŋidwe keŋ ŋulusapa anainakineta a ŋuna epeyo neni ke Ekapolon. Isyanakinete ikes aryamunun ŋinerin ŋul, apaki ŋina isyakiniata akitiyanakin Ekapolon ikwapei ŋisacaradotin.

Ekim. 1:51

Ani iwuotokinete iyes anakibois a adio, ŋilepi ikes elacunete eema ŋol ka ikes pei edukokinete nabo nakibois ŋina ilomete iyes, ituŋanan daadaŋ ŋini eapuuni loeema ŋol emaikina toarae.

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 18:20

Abu nai Ekapolon tolimok Aron tema, “Nyiyakaunotor iyes ŋalup ŋuna eruworosi ŋuna kus anakwap a Ŋisirael, mam ŋalup ikikorakinio iyes, ayoŋ Ekapolon aruwor ibore ŋini iryamunete iyes ka ŋini eruwor ŋini kus aneni a Ŋisirael.”

Ekim. 18:3

Itiyaete ikes ŋiticisyo aŋuna kon ka aŋuna ke eema daadaŋ. Nai nyecamitae ikes etapete ŋiboro ŋulu isitiyao anakibois a ŋina asegan, kori anamuroet, ani ketapa ikes ŋiboro ŋul etwakete kaapei ka iyoŋ.

Ekim. 3:10

Nai Aron bon ka ŋiletok keŋ ikes iinakini iyoŋ akitiya loeema ŋolokilipet ikwapei ŋisacaradotin. Ituŋanan daadaŋ ŋini elomari neni itiyaete ikes, emaikina toarae.”

Ekim. 3:38

Emaikina Moses ka Aron ta ŋidwe ka Aron ŋulusapa toloma kiŋaŋaren eema ŋolokilipet, lowae ŋolo alo Kide, ŋolo elomununia akoloŋ, etic kec akitiya ŋitalyo alotooma akibois ŋina asegan aŋuna a Ŋisirael. Ituŋanan daadaŋ ŋini aapiyari nen, amaikina toarae.

Mat. 10:8

Kitaŋaleutu ŋikadyakak, kiteyarutu ŋikatwak, kitesegutu ŋulu ka atapon ka kiritanasi ŋipyan; ipotu iyes toryamut koŋin, aŋun, kipotosi iyes daŋ koŋin.

Yoa. 3:27

Toboŋok Yoana tema, “Nyepedori idiotuŋanan aryamun idiobore, mati einakinitae anakuj.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋikis. 18:2

nai nyeryamunete ikes akwap ŋina eruwor ŋina kec lopite ŋolo eryamuniata Ŋisirael ŋuluce; Ekapolon iŋes erae akorakinet kec, lopite ŋolo eikinitor Ekapolon ikes.

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

Yos. 18:7

Emame akwap eryamunete ŋituŋa a Lepi aneni kus, anerae ainakinet kec iŋes asacaradotonu ŋina a Ekapolon. Adaut sek Gad ka Ruben ta atutubet apei ŋina a Manase aryamun ŋakwapin kec alo Kide Yorodan. Moses ŋolo erae eketiyan a Ekapolon abu tokorak ikes.”

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

1 Pet. 5:3

Nyipukato ka agogoŋu ŋituŋa ŋulu ikiinakinitae iyes, nai toruworos akitaanyikinet neni a ŋamesekin a daadaŋ.

1 Sam. 2:28

Abu ayoŋ oseu papaa kon alokabilae a Isirael a daadaŋ aruwor esacaradoti kaŋ, tolosenenee Namuroet kaŋ akicuny ekinyate ka tonapenenee arapet alokiŋaren kaŋ. Abu daŋ ayoŋ oinak ŋituŋa a ekal a papaa kon ŋainakineta a ŋituŋa a Isirael daadaŋ ŋuna epeyo.