Ekim. 18:3 - Ebaibul

³ Itiyaete ikes ŋiticisyo aŋuna kon ka aŋuna ke eema daadaŋ. Nai nyecamitae ikes etapete ŋiboro ŋulu isitiyao anakibois a ŋina asegan, kori anamuroet, ani ketapa ikes ŋiboro ŋul etwakete kaapei ka iyoŋ.

Ekim. 18:3 Iomraidhean Croise

Esek. 44:13

Nyemaikina ikes toapuut neni kaŋ, kitiyata etic kaŋ ikwapei ŋisacaradotin, kori kidunya ibore kaŋ idio ŋini italeunitoe, kori ŋainakineta ŋuna asegak nooi ŋuna eyaunitae neni kaŋ. Nai emaikina ikes kiruma ŋileec ŋulu ka asiilyo a ŋina adaut ikes akitiya.

Ekim. 1:51

Ani iwuotokinete iyes anakibois a adio, ŋilepi ikes elacunete eema ŋol ka ikes pei edukokinete nabo nakibois ŋina ilomete iyes, ituŋanan daadaŋ ŋini eapuuni loeema ŋol emaikina toarae.

Ekim. 1:53

nai edukokinete ŋilepi ŋiemae kec diyete eema ŋolo eyai Asaduku ŋina ka Acamunet irimokinito eema ŋol, ikotere nyeyakaun anyunyura ŋina ka Akuj natukot a Ŋisirael, ŋilepi make emaikina iyokiyete eema ŋol ŋolo eyai Asaduku ŋina ka Acamunet.”

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 18:4

Emaikina iyoŋ kitiyata ka ikes ikotere iteete eema ŋolokilipet ka itiyaete ŋiticisyo daadaŋ aloeema, mam ituŋanan ŋinigela ŋini emaikina toapu neni kus.

Ekim. 18:7

Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ekim. 3:25

Ainakinitae ŋisapa a ateker a Gerison etic ŋolo ka akibois a ŋina asegan ka eema ŋolokilipet, ŋarapeta ŋuna alokidiama, anaŋga ŋina ayai neni elomarere loeema ŋolokilipet,

Ekim. 3:31

Ainakinitae Ŋikoasi ŋiticisyo lu: Ŋolo ka Asaduku a ŋina ka Acamunet, ŋolo a emesa a ŋolo a awoet a ŋina ke etaa, ŋolo a ŋamuroeta ka ŋolo a ŋikopoi ka ŋabakulei ŋuna isitiyaete ŋisacaradotin anakibois a ŋina asegan ta ŋolo ka anaŋga. Ainakinitae ikes ŋiticisyo daadaŋ ŋulu eitana aŋuna a ŋiboro a ŋul.

Ekim. 3:36

Ainakinitae Ŋimerari ŋiticisyo lu: Ŋolo a ŋakito a ŋuna adukunitere akibois ŋina asegan, ŋolo a ŋakito a ŋuna eriwonokinitae loeema, a ŋipirin, a ŋakito a ŋuna ewuar eema ka ŋiboro kec daadaŋ ŋulu esitiyao a nen. Ainakinitae ikes ŋiticisyo daadaŋ ŋulu etiyao a nen,

Ekim. 31:30

“Nai alotooma atutubet ŋina ekorakinio Ŋisirael ŋuluce, emaikina iyoŋ tolemu ipei alotooma ŋatomonikan, kerae a ŋituŋa, a ŋimoŋin, a ŋisigirya, a ŋamesekin, kori a ŋamee, kori ŋibaren ŋuluce daadaŋ, tosodi inakis neni a ŋilepi, a ŋiketiyak loeema ŋolo ke Ekapolon.”

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.