Ekim. 18:20 - Ebaibul

²⁰ Abu nai Ekapolon tolimok Aron tema, “Nyiyakaunotor iyes ŋalup ŋuna eruworosi ŋuna kus anakwap a Ŋisirael, mam ŋalup ikikorakinio iyes, ayoŋ Ekapolon aruwor ibore ŋini iryamunete iyes ka ŋini eruwor ŋini kus aneni a Ŋisirael.”

Ekim. 18:20 Iomraidhean Croise

Akisy. 15:1

Kelunyar ŋun daadaŋ, bu akirot ke Ekapolon neni ka Aburam anatakanikinet ebala, “Aburam, nyikuryaniar! Arae ayoŋ aupal kon, iyatakin eropit kon nooi.”

Ŋikiru. 142:5

Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

Ŋikiru. 16:5

Iyoŋ bon Ekapolon ayakar ayoŋ, iyoŋ ikiinanakini ayoŋ ibore daadaŋ ŋini acamit; nakan kon eyai akiyar kaŋ.

Ŋikiru. 73:26

Epedori akuwan kaŋ ke etau kaŋ anyamun, nai Akuj erae agogoŋu kaŋ, iŋes bon eitanit ayoŋ ŋikaru ka ŋikaru.

Aum. 3:24

Abala ayoŋ erworo neni kaŋ bon, “Ekapolon bon ikiyakar ayoŋ, aŋun, iŋes bon ekinyomit ayoŋ.”

Esek. 44:28

“Alotooma ŋalup ŋuna akoranak ayoŋ Ŋisirael toruwor ŋuna kec, mam ŋuna emaikina toruwor ŋuna a ŋisacaradotin. Mam ibore emaikina toruwor ŋini a ŋisacaradotin, ayoŋ Ekapolon emaikina oruwor ŋolo a ŋisacaradotin.

Ekim. 18:7

Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ekim. 26:62

Arae ekimar a ŋilepi a daadaŋ a ŋulu aponi kimarunae ŋalipyo ŋatomoniarei ka ŋauni, arae ŋul ŋisapa ŋulu arae apolou kec elap epei ka adepar. Pa emarakinitae ikes neni a Ŋisirael a ŋuluce, anerae pa apotu ikes toryamut akwap adio lopite ŋolo aryamuniata ŋikabilae a Ŋisirael ŋuluce.

Ŋikis. 10:9

Aŋun, emam akwap ekorakinitae ŋituŋa a ekabila a Lepi aruwor ŋina kec, Araakau ŋisacaradotin ŋulu itiyanakinete Ekapolon iŋes erae akorakinet kec, lopite ŋolo abunio Ekapolon Akuj kus kiik ikes.)

Ŋikis. 12:12

Tosodi ilelyanete iyes alokiŋaren Ekapolon, iyes kaapei ka ŋidwe kus ŋulusapa ka ŋulupesur, ŋipi ka ŋapi kus ka ŋilepi ŋulu iboiyete alotaunio kus ŋulu emam akwap ekorakinitae ikes, kori eruwor ŋina kec.

Ŋikis. 14:27

Ani eruwor ŋilepi ŋulu iboiyete alotaunio kus, tocoito ijamakinete ikes, anerae emam akwap ekorakinio ikes, kori ŋina eruwor ŋina kec.

Ŋikis. 14:29

ikotere ŋilepi ikwapei nyeryamunitotor ikes akwap ŋina ekorakinitae ikes ŋina eruwor ŋina kec eryamunete akimuj ŋina itemokino kaapei ka ŋigelae, ŋikokyok ka ŋapuseru ŋituŋa ŋul ŋulu eya lotaunio kus, ikiterereŋi iyes Ekapolon Akuj kus aloticisyo a daadaŋ a ŋulu itiyaete iyes.

Yos. 13:14

Ekabila ŋolo a Lepi iŋes bon abu Moses nyekorak adiokwap toruwor ŋina kec, nai ŋainakineta ŋuna epeitoe aŋuna a Ekapolon Akuj a Ŋisirael, ikes erae ainakinet kec ikwapei ecikitor Akuj ikes.

Yos. 13:33

Nai abu Moses nyekorak adiokwap lokabila a Lepi. Abu tolimok ikes atemar ainakinet kus iŋes atutubet adio anainakineta a ŋuna einakinio Ekapolon Akuj a Ŋisirael.

Yos. 14:3

Aris sek Moses kekoraki ŋikabilae ŋiarei ka atutubet apei a ŋikabilae a Ŋisirael ŋakwapin kec alo Kide alokekwaye aŋolol Yorodan. Nai abu nyekorak ekabila a Lepi adiokwap toruwor ŋina kec,

Yos. 18:7

Emame akwap eryamunete ŋituŋa a Lepi aneni kus, anerae ainakinet kec iŋes asacaradotonu ŋina a Ekapolon. Adaut sek Gad ka Ruben ta atutubet apei ŋina a Manase aryamun ŋakwapin kec alo Kide Yorodan. Moses ŋolo erae eketiyan a Ekapolon abu tokorak ikes.”

Akis. 21:3

Abu eira etoil ŋolo apolon irworo alokicoloŋ a ŋolo ka apolou ebala, “Kiŋolik! Ameun tokona erukito Akuj ka ŋituŋa keŋ! Erukete iŋes ka ikes, eruworosi ikes ŋituŋa keŋ. Erukete Akuj alope ka ikes, eruwor iŋes Akuj kec.