Ekim. 18:2 - Ebaibul

² Aŋun, yau daŋ ŋikaitotoi kon ŋulu a ekabila a Lepi, ekabila a papa kon, ikotere ikitiyanakinete iyoŋ apaki ŋina itiyaata iyoŋ kaapei ka ŋidwe kon ŋulusapa alokiŋaren eema ŋolo ka Acamunet.

Ekim. 18:2 Iomraidhean Croise

Akisy. 29:34

Topoti nabo Lea, kidou ikoku ŋinisapat, tema, “Apaki na tokona epedorya lokile kaŋ aminakin ayoŋ, anerae edou ayoŋ ŋisapa ŋiuni aŋuna keŋ.” Aŋun, aponi tolimokinae ekiro a ŋol Lepi.

2 Ŋakiro a ŋirwa 30:16

Tosodo nai kibaka lopite ŋolo elimunitere alotooma Ŋikisila a Moses a ŋolo arae ituŋanan ŋini ka Akuj. Inakis nai ŋilepi ŋisacaradotin ŋaokot a ŋamuronisya, towuatakis ŋisacaradotin Namuroet.

Esek. 44:11

Eruwor ikes ŋiketiyak nakibois ŋina asegan alo Kai ka Akuj, ŋulu iyokiyete ŋipukei ŋulu ka Akai ka Akuj ka ŋulu itiyaete Kai ka Akuj; epedorete ikes akiar ŋibaren ŋulu eyaunitae nen erae ŋainakineta ŋuna epeyo ka ŋamuronisya a ŋuna a ŋituŋa. Emaikina ikes kitiyata etic aŋuna a ŋituŋa.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Mal. 2:4

“Ipedorete nai iyes ayenun atemar akainak ayoŋ iyes akiciket ŋin, ikotere erubakini Acamunet kaŋ ŋina abu ayoŋ ocamunotor ka Lepi.

Ekim. 1:53

nai edukokinete ŋilepi ŋiemae kec diyete eema ŋolo eyai Asaduku ŋina ka Acamunet irimokinito eema ŋol, ikotere nyeyakaun anyunyura ŋina ka Akuj natukot a Ŋisirael, ŋilepi make emaikina iyokiyete eema ŋol ŋolo eyai Asaduku ŋina ka Acamunet.”

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 17:7

Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.

Ekim. 18:4

Emaikina iyoŋ kitiyata ka ikes ikotere iteete eema ŋolokilipet ka itiyaete ŋiticisyo daadaŋ aloeema, mam ituŋanan ŋinigela ŋini emaikina toapu neni kus.

Ekim. 3:5

Abu nai Ekapolon kirwor neni a Moses tema,

Ekim. 4:15

Kedaut Aron ka ŋidwe keŋ ŋulusapa akimuk akibois ŋina asegan ka ŋiboro daadaŋ ŋulu isitiyao a nen, apaki ŋina ewotokinere edakete Ŋikoati ŋiboro ŋul, nyemaikina ikes etapete ŋiboro ŋulu italeunitoe, anerae ketapa ikes ŋiboro ŋul etwakete. Erae ŋul ŋiboro ŋulu a eema a ŋolokilipet ŋulu emaikina Ŋikoati todaka apaki ŋina ewotokinere.

Ekim. 8:19

Nabo daŋ adau ayoŋ ainakin ŋilepi erae ainakinet neni ka Aron ka ŋidwe keŋ ŋulusapa aneni a Ŋisirael akitiya ŋiticisyo aŋuna a Ŋisirael alo eema a ŋolokilipet ka amookuunun Ŋisirael, ikotere nyeyakaun edeke ŋolo emunyari Ŋisirael apaki ŋina eapiyaryata ikes nakibois ŋina asegan.”

Ekim. 8:22

Kedaun ŋun, apotu ŋilepi toloto akitiya ŋiticisyo kec alotooma eema ŋolokilipet akiŋarakin Aron ka ŋidwe keŋ ŋulusapa. Apotu Ŋisirael kitiyata ŋun neni a ŋilepi lopite ŋolo ecikitor Ekapolon Moses!

Ŋibur. 9:6

Etiyao ŋakiro ŋun daadaŋ ikona. Elomanarete ŋisacaradotin ŋirwa daadaŋ nagule ŋina esyaunan, ido kitiyata etic kec,