Ekim. 18:19 - Ebaibul

¹⁹ Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

Ekim. 18:19 Iomraidhean Croise

2 Ŋirw. 12:16

Pa ayaununuyo Kai ka Akuj ŋisiliŋa ŋulu alemununuyo aŋuna ka alemarya ekaile aŋuna ka asecit ka ŋulu alemununuuyo aŋuna ka alemarya asecit, araakasi ŋisiliŋa ŋul ŋulu a ŋisacaradotin.

2 Ŋakiro a ŋirwa 13:5

Nyiyenete mono iyes atemar adau Ekapolon Akuj a Isirael anacamunet keŋ a ŋina ajik ainakin arwosiyo a Isirael neni a Daudi ka ŋipapae keŋ ŋikaru ka ŋikaru a?

2 Ŋakiro a ŋirwa 31:4

Tolimok erwosit ŋituŋa ŋulu eboiyete alo Yerusalem alemun ŋainakineta ŋuna emaikina inakinae ŋisacaradotin ka ŋilepi, ikotere ikes itiyaete apaki daadaŋ etic ŋolo ke Ekapolon lopite ŋolo elimunitere alotooma ŋikisila ŋulu ke Ekapolon.

Awos. 29:27

Kitaleiyo ŋinerin lu ŋulu a ibarasit a ŋini eturuworere Aron ka ŋidwe keŋ ŋulusapa ŋisacaradotin: Atorobu a emesek ŋina ekyaaritae ka amuro a emesek ŋina ekyaaritae, emaikina ŋinerin ŋul toruworos ainakinet neni ka Aron ka ŋidwe keŋ ŋulusapa.

Esek. 43:24

Emaikina iyoŋ ya ŋibaren ŋul kiŋaren Ekapolon, ŋisacaradotin towuatakis acumbi lobaren ŋul, ido inakis neni ke Ekapolon erae ŋainakineta ŋuna epeyo aŋuna a Ekapolon.

Ŋilep. 2:13

Nyikimuryak akiwuakin acumbi namuja kus ŋuna iyaunete iyes ikwapei ŋainakineta. Kiwuakisi acumbi namuja kus ŋuna iyaunete iyes, anerae itoodiunit acumbi acamuna kus ka Akuj kus.

Ŋilep. 21:22

Epedori ipapait ŋin akinyam akimuj ka Akuj ŋina asegan nooi, kaapei ka ŋamuja ŋunace ŋuna asegak.

Ŋilep. 7:14

Emaikina iŋes tolemu alotooma ŋina inakinet imugat ipei, yau erae ainakinet neni ke Ekapolon; eruwor ŋimugati ŋul ŋulu ke esacaradoti a ŋolo ewuasi ŋaokot ŋuna a ŋainakineta aŋuna ke ekisil ke Ekapolon.

Ekim. 18:11

Erae daŋ ŋainakineta nu ŋuna kus: Ŋainakineta daadaŋ ŋuna etyakanaryo anainakineta a Ŋisirael aŋuna ikyaanaryo, akainak ayoŋ iyoŋ kaapei ka ŋidwe kon ŋulusapa ka ŋulupesur ikwapei ainakinet ŋina a ŋikaru ka ŋikaru. Ituŋanan daadaŋ ŋini nyitoroniyaritae alokal kon epedori akinyam ŋainakineta ŋun.

Ekim. 18:8

Kirwor Ekapolon neni ka Aron tema, “Akainak ayoŋ iyoŋ apolokin ŋainakineta ŋuna eyaunio neni kaŋ, ŋainakineta a Ŋisirael ŋuna asegak daadaŋ. Adau ayoŋ ainakin ikes neni kon ka neni a ŋidwe kon a ŋulusapa, ikwapei ŋainakineta ŋuna emaikina ŋisacaradotin toryamut, erae ŋuna kus ŋikaru ka ŋikaru.

Ekim. 31:29

Kijau ainakinet ŋin alotooma atutubet ŋina a ibore a ŋini ekorakinio ikes, ido inak Eliasar a esacaradoti ikwapei ainakinet neni ke Ekapolon.

Ekim. 31:41

Abu Moses inak ŋainakineta ŋuna atyakakinitae Ekapolon neni ke Eleasar a esacaradoti, lopite ŋolo ecikitor Ekapolon Moses.

Ŋikis. 12:26

Nai ŋainakineta kus ŋuna italeoritae ka ŋainakineta kus ŋuna ikoŋito iyes ainakin neni ke Ekapolon, emaikina iyes iyaut nakibois ŋina eseuni Ekapolon.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.