Ekim. 18:13 - Ebaibul

¹³ Ŋaraito ŋuna esyaunak ŋuna a ŋinyomen a daadaŋ a akwap kec, ŋuna eyaunete ikes neni ke Ekapolon, eruworosi ŋuna kon. Ituŋanan daadaŋ ŋini nyitoroniyaritae alokal kon, epedori akinyam ikes.

Ekim. 18:13 Iomraidhean Croise

2 Ŋirw. 4:42

Akoloŋit apei, bu ekile ece alo Baalsalisa, ainunit iŋes neni ke Elisa ŋamugati ŋatomoniarei ŋuna ke erau a ŋolo esyaunio alemun alokaru a ŋol. Ayaunit iŋes tari ŋakyes a ŋimomwa a ŋulu apaalak eya loguniya. Kirworik Elisa tema, “Tokorakisi ŋituŋa akimuj na kimuja.”

2 Ŋakiro a ŋirwa 31:5

Ŋinapei adolioto ŋakiro ke erwosit lotuŋa, apotu Ŋisirael tolemut ŋainakineta ŋuna alalak nooi, ŋuna a ŋikinyom a ŋulu alemunete ikes ekiŋaren, epiini, akimyet, ao, ka ŋamuja ŋace daadaŋ ŋuna a ŋimanikorin kec; yaut ikes ŋainakineta ŋuna alalak nooi, yaut atutubet apei alotooma ŋitomon a ŋinibore.

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 23:19

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Awos. 34:26

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Yer. 24:2

Aya nadita apei ŋaboboryo ŋuna ajokak, ikote ŋaboboryo ŋuna esyaunak akokore, nai aya nadita ŋinace ŋaboboryo ŋuna aronok nooi, ŋuna pa apedori ituŋanan akinyam.

Esek. 44:30

Ŋaraito daadaŋ ŋuna ajokak ŋuna esyaunak ka ŋainakineta daadaŋ ŋuna a ŋolokabila eyaunete Ŋisirael, eruwor ŋuna a ŋisacaradotin. Emaikina daŋ iyes inakis ŋisacaradotin ŋamugati kus ŋuna isyaunete akokore ipoo, ikotere torubak arereŋu eyai lokalya kus.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Ŋilep. 22:7

Ani edoiyori akoloŋ, eruwor iŋes ŋini nyitoroniyaritae, ido ekaku, epedori akinyam ŋainakineta ŋuna asegak ŋun, anerae erae akimuj keŋ.

Ŋilep. 23:17

Aneni iboiyoto iyes a daadaŋ, yautu ŋabopuloe ŋaarei emaikina ŋinabopulo itiyaunitae a ŋakirya a ŋuna erae ŋakiloi ŋaarei toyakas ŋakinyalet. Yautu ŋun erae ŋainakineta ŋuna ikyaaryo, anaraito a ŋuna ke ekiŋaren neni ke Ekapolon.

Mika 7:1

Emam akigeno apei daŋ eyai neni kaŋ! Ikikwaanikin ayoŋ ka ituŋanan ŋini enyamit akoro, ŋini ani elosi lokitoe ecamit ŋaraito, nyeryamu tari apei imyekinitae ka nyeryamu tari arait ke epiini apei daŋ, toryamu epiini ka ŋaboboryo ŋuna akonok daadaŋ kigyeror.

Ŋikis. 18:4

Eryamunete ŋisacaradotin aneni a ŋituŋa ŋikinyom ŋulu eŋarenok, epiini ŋolo a ekiŋaren, akimyet ŋina a ekiŋaren ka ŋajul a ŋamesekin ŋuna etubunio ekiŋaren. Emaikina ŋituŋa inakis ikes ŋiboro ŋul;

Ŋikis. 26:2

emaikina iyes tolemut alokinyom a daadaŋ ŋaraito ŋuna esyaunak ŋadi ŋuna itaunete iyes anakwap a ŋina ikiini iyes Ekapolon Akuj kus, kiwuakis lobukit, yaasi nakibois ŋina eseuni Ekapolon Akuj kus aruwor neni ilipere iŋes.