Ekim. 18:1 - Ebaibul

¹ Kirwor Ekapolon neni ka Aron tema, “Ŋiyany daadaŋ ŋulu iyanyere akibois ŋina asegan, eruwor nakou kon ka nakyes a ŋidwe kon a ŋulusapa ta nakyes a ŋituŋa a daadaŋ a ŋulu a ekabila a papa kon; nai iyanyi ŋulu iyanyere asacaradotonu, eruwor nakou kon bon ka nakyes a ŋidwe kon a ŋulusapa bon.

Ekim. 18:1 Iomraidhean Croise

Awos. 28:38

Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.

Isa. 53:11

Kedau iŋes akidaŋidaŋ ŋican, eryamuni iŋes alelyanu nabo, eyenuni iŋes anaosou keŋ atemar pa abu oryamu ŋican ikoŋin. Ituruwori eketiyan kaŋ ŋolo iyookino ŋikalalak ŋulu iyookino ka iwuoki iŋes aronis kec.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Esek. 4:4

“Ani irikakini ŋun, toper alosyep kon a ŋolo alokedyeny, kidaŋidaŋ akisicanio a Ŋisirael toruwor akisicanio ŋina kon ŋirwa daadaŋ ŋulu iperyo iyoŋ a nen.

Ŋilep. 10:17

“Kaanukiro pa inyamyata iyes ainakinet aŋuna ka asecit ŋin anakibois a ŋina italeunitoe? Anerae erae ŋin ainakinet ŋina eseg nooi, ido adau Akuj ainakin iyes ainakinet ŋin alemarya asecit aneni a ŋituŋa, tomookut ikes alokiŋaren Ekapolon.

Ŋilep. 22:16

inak ikes aryamun akiilit ŋina itelemuni ikes ainakinet ŋina ka akiilit aŋuna anyamyata ŋainakineta ŋuna asegak. Arae ayoŋ Ekapolon, ŋolo abu eturuwo ikes ŋulu esegak.’ ”

Ŋilep. 22:9

Emaikina ŋisacaradotin kirica ŋakiro kaŋ, ikotere nyeruwor ŋulu iilit, ido totwaka anakibois a ŋina asegan aŋuna emunaaryata akibois ŋin. Arae ayoŋ Ekapolon ŋolo abu eturuwo ikes ŋulu esegak.

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

Ekim. 16:10

Ikicamak iŋes iyes alosenen diyete keŋ, iyoŋ Kora kaapei ka ŋikaitotoi kon ŋilepi, tosodi icamito tokona asacaradotonu daŋ!

Ekim. 17:13

Ituŋanan daadaŋ ŋini eapiyari Nasaduku ŋina ka Acamunet ke Ekapolon etwani. Etwakyo mono isua daadaŋ a?”

Ekim. 17:3

ido ikigir ekiro ka Aron lobela ŋolo a ekabila a Lepi. Emaikina toyai ebela epei aŋuna a ŋolokabila.

Ekim. 17:7

Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.

Ekim. 18:11

Erae daŋ ŋainakineta nu ŋuna kus: Ŋainakineta daadaŋ ŋuna etyakanaryo anainakineta a Ŋisirael aŋuna ikyaanaryo, akainak ayoŋ iyoŋ kaapei ka ŋidwe kon ŋulusapa ka ŋulupesur ikwapei ainakinet ŋina a ŋikaru ka ŋikaru. Ituŋanan daadaŋ ŋini nyitoroniyaritae alokal kon epedori akinyam ŋainakineta ŋun.

Ekim. 3:6

“Toseu ŋituŋa a ekabila a Lepi, inak ikes neni ka Aron esacaradoti, ikotere kiŋarakis ikes iŋes.

Ŋikis. 10:8

Apaki ŋin abu Ekapolon totyaka ekabila a Lepi aŋuna ke etic a ŋolo ka adakit Asaduku ŋina ka Acamunet ke Ekapolon ka aŋuna ke etic ŋolo ka akiwo alokiŋaren Ekapolon akitiyanakin iŋes ta aŋuna ke etic ŋolo ka akiterereŋ ŋituŋa alokiro ke Ekapolon. Tari tokona ŋiticisyo a ŋilepi ikes ŋul.

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

Ŋikat. 17:12

Kituruwo Mika esorokit ŋol esacaradoti keŋ, kiboi daŋ ekile ŋol alokai a Mika.