Ekim. 17:8 - Ebaibul

⁸ Ani taparacu keŋ elosi Moses loeema ŋolo ayai Asaduku ŋina ka Acamunet, toryamu atemar kiminiaut ŋakwii alobela a ŋolo ka Aron a ŋolo arae ŋuna a ekabila a Lepi; toryamu kiminiaut ŋakwii, keturout ŋatur ka kerau ŋaraito ŋuna ka Alimond ŋuna akokito.

Ekim. 17:8 Iomraidhean Croise

Akisy. 40:10

ayakar ekitoe ŋol ŋaten ŋauni. Ani apaki ŋinapei epuriteunio ekitoe, tolomunete ŋatur kiŋa ka tokoni enene a ŋaraito, toruwor epiini.

Ŋikiru. 110:2

Iatakini Ekapolon apedor ŋina ka apolou kon alo Sion tari nakiboisyo ŋace; ipukae iyoŋ ŋimoe kon ŋulu eya diyete kon.

Eete a Ŋie. 2:3

Ikwaŋina ibusya ekitoe ŋolo enyaritae Apol alokidiŋ ŋikito ŋulu ka amoni, ibus ŋolominat kaŋ alokidiŋ ŋisorok, akabobokinito ayoŋ ŋaraito keŋ.

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Esek. 17:24

Eyenunete ŋikito ŋulu ka ariet daadaŋ atemar arae ayoŋ Ekapolon. Etuuruwuanuni ayoŋ ŋikito ŋulu aoyak, etooyauni ayoŋ ŋikito ŋulu euruwuaka; etooniyori ayoŋ ŋikito ŋulu alibak, ido etilibu ŋikito ŋulu eokito. Ayoŋ Ekapolon alimu ŋun; ido etiyakini ayoŋ ŋun.”

Esek. 19:12

Nai apotu ŋituŋa ŋulu aŋoito torutut iŋes, kimasakis kwap. Abu ekuwuam ŋolo akutunit alo Kide kitooniyo iŋes, toraraar ŋaraito keŋ, toiniya atorom keŋ ŋin ŋina agogoŋon, ido abu akim tonomiya.

Esek. 19:14

Amyaa akim ŋinapei anatorom keŋ, anomiya ŋaten keŋ ka ŋaraito keŋ. Emam nabo atorom keŋ ŋina agogoŋon ŋin neni idoŋit, neni emaikina tolemunae ebela a erwosit. “Erae lo eete ŋolo ka aumonokin ka emaikina kisitiyae erae eete ŋolo ka aumonokin.”

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 17:5

Ebela ŋolo a ekile a ŋolo aseuni ayoŋ iminiaunete ŋakwii, ido etojoŋoe ayoŋ Ŋisirael akiŋuruŋura ŋina erubakinitotor ikes iŋuruŋurasi neni kus.”

Ekim. 17:9

Abu nai Moses yau ŋibelae daadaŋ kiŋa alokiŋaren Ekapolon neni a Ŋisirael a daadaŋ; kiŋolikis ikes, ido abu ŋinituŋanan tolema ebela keŋ.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.