Ekim. 17:10 - Ebaibul

¹⁰ Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.”

Ekim. 17:10 Iomraidhean Croise

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Awos. 16:32

Tema Moses neni kec, “Ŋakiro nu ikes ikicik iyes Ekapolon ebe, ‘Kipimutu ŋakiloi ŋaarei ŋuna a Manna, kirica aŋuna a ŋanyameta a daadaŋ a ŋuna epote, ikotere ikes iŋolikinete akimuj ŋina abu ayoŋ okoinak iyes kimuja analoŋisat apaki ŋina akayaunia ayoŋ iyes alo Ijipit.’ ”

Awos. 16:34

Abu nai Aron kitiya lopite ŋolopei alimokinitor Moses iŋes, tosipok amot ŋina ayai Manna kiŋaren Asaduku ŋina a Acamunet, ikotere kidarae a nen.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Osea 10:9

Okoe Isirael, ŋinapei alorwa a ŋulu iyakatar iyes Gibea, irubakis iyes iseceneneete. Nyikirukauni mono iyes ejie, iyes ŋulu itiyaete aronis alo Gibea a?

Ekim. 14:5

Aŋun, abu Moses ka Aron toramakinos kwap, tobuburiyaros alokiŋaren atukot a Ŋisirael daadaŋ.

Ekim. 16:21

“Totyakaros anatukot a na, ikotere omunya ayoŋ ikes daadaŋ alotooma apaki ŋina euruwuana.”

Ekim. 16:38

anerae aruworosi ŋisipiryae a ŋikasecak a ŋul ŋulu asegak aŋuna atwakyata ikes. Tolemu ŋisipiryae ŋul, kityeku ŋababati ŋunadapal ŋuna erapanakinio namuroet, anerae ainakinito ikes neni ke Ekapolon, ido aruworosi ŋuna esegak. Aŋun eruworosi akitoodikinet aneni a Ŋisirael.”

Ekim. 16:40

erae ŋin akitoodikinet neni a Ŋisirael atemar mam ituŋanan ŋinigela, ŋini nyerae iletonit ka Aron, ŋini epedori abunore ainakin ekinyate alokiŋaren Ekapolon ikotere nyikwaanikin ka Kora ta ŋirukitos keŋ. Kitiya Eleasar lopite ŋolo alimokinitor Ekapolon iŋes aneni a Moses.

Ekim. 17:11

Kitiya Moses ŋun lopite ŋolo ecikitor Ekapolon iŋes.

Ekim. 17:4

Kiwuak ŋibelae ŋul tooma eema diyete Asaduku ŋina ka Acamunet ke Ekapolon, neni ikiryamununor ayoŋ ka iyes.

Ekim. 17:9

Abu nai Moses yau ŋibelae daadaŋ kiŋa alokiŋaren Ekapolon neni a Ŋisirael a daadaŋ; kiŋolikis ikes, ido abu ŋinituŋanan tolema ebela keŋ.

Ekim. 20:9

Aŋun, abu Moses tolemu ebela totiŋ alokiŋaren Ekapolon, ikwapei ecikitor Ekapolon iŋes.

Ekim. 4:18

“Nyimyekis ŋituŋa ateker a Ŋikoati emunyarosi alotuŋa a ekabila a ŋilepi

1 Ŋikor. 10:10

Nyitemokino iwon eŋuruŋuras ikwa eŋuruŋuratar ŋice kec; aŋun, abu Emalaika ŋolo ka Atwanare tomunya ikes.

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋikis. 9:24

Iŋereneneete iyes Ekapolon ŋinapei koloŋ akayenunia ayoŋ iyes.

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Ŋibur. 9:4

Tooma agule ŋin, ayai Namuroet ŋina etiyaunitae a egolid, ŋina ecunyeneneere ŋimina ŋulu akukunyok ka ayai Asaduku ŋina ka Acamunet ŋina aburusiyaritae a egolid. Ayakasi tooma asaduku egalan ŋolo ayai akimuj ŋina enyaritae Manna ka ebela ŋolo ka Aron ŋolo eminiaunito ŋakwii, ta ŋamoru ŋaarei ŋuna egiritae Ŋakiciketa ŋunatomon.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;

1 Sam. 30:22

Nai apotu ŋikilyok ŋulu aronok ka ŋasyanisya ŋulu arukito ka Daudi temasi, “Aŋuna pa aponiata ikes orukosi ka isua, mam ibore einakinio isua ikes anibore a ŋini enyakun isua. Nai elamari ŋinituŋanan kec akeeberu ka ŋidwe keŋ, torotokinio.”