Ekim. 16:19 - Ebaibul

¹⁹ Abu nai Kora tocunak lopuke ke eema a ŋolokilipet atukot a ŋituŋa a ŋulu ariito ka iŋes akisibura Moses ka Aron. Bu akica ke Ekapolon totakanik atukot a ŋituŋa daadaŋ a nen.

Ekim. 16:19 Iomraidhean Croise

Awos. 16:10

Ani eriŋa Aron isirwori Ŋisirael daadaŋ, kiŋoliyasi ikes lowae ŋolo ka aloŋisat, kileereu Ekapolon anakica a ŋina ayai lodou.

Awos. 16:7

iŋolikinete iyes moi taparacu ebari ŋolo ke Ekapolon, anerae eira iŋes akiŋuruŋura kus neni keŋ. Ata ŋae mono isua, iŋuruŋurasi iyes neni kosi?”

Ŋilep. 9:23

Toloto Moses ka Aron tolomasi loeema ŋolo elipere. Ani elomunete a nen, apotu kiterereŋo ŋituŋa; totakanu neni a ŋituŋa daadaŋ akica ŋina ke Ekapolon.

Ŋilep. 9:6

Tema Moses neni kec, “Ŋakiro ŋun ikes abu Ekapolon ikicikak iyes akitiya, ikotere etakanuni akica ŋina ke Ekapolon neni kus.”

Ekim. 12:5

Abu nai Ekapolon bu neni kec eyai nadis, towo alopuke ke eema a ŋolokilipet, tosodi tonyara Aron ka Miriam, ido toloto ŋuluarei ŋul kiŋaren.

Ekim. 14:10

Apaki ŋin, acamito ŋituŋa daadaŋ akicak Yosua ka Kaleb a ŋamoru. Abu nai totakanu aloeema a ŋolokilipet neni a Ŋisirael a daadaŋ akica ke Ekapolon.

Ekim. 16:18

Aŋun, abu ŋolokile tolemu isipirya keŋ kiwuak akim tooŋa isipirya, ido kiwuak ekinyate, towua nai ikes daadaŋ alopuke a ŋolo ke eema a ŋolokilipet kaapei ka Moses ta Aron.

Ekim. 16:20

Kirwor nai Ekapolon neni a Moses ka Aron tema,

Ekim. 16:42

Ani kedau atukot acunakin akiŋer ikes, toloto Moses ka Aron lowae ŋolo ke eema a ŋolokilipet; aris edou kerapuwa eema ka totakanu akica ke Ekapolon.

Ekim. 20:2

Amam ŋakipi ŋuna emasete ŋituŋa a nen; aŋun, apotu ŋituŋa daadaŋ tocunun kisiburata Moses ka Aron.

Ekim. 20:6

Apotu nai Moses ka Aron toloto aneni ayai atukot a ŋituŋa, toloto lopuke ŋolo ke eema a ŋolokilipet, toryediko, todolo ŋireetin kwap, abu nai akica a Ekapolon totakanu neni kec.