Ekim. 16:14 - Ebaibul

¹⁴ Ileere jik atemar nyeyauna iyoŋ isua nakwap ŋina eleleata ŋakile ka ao ka nyeinakina iyoŋ isua ŋimanikorin ŋulu eruworosi ŋulu kosi, ŋulu a ŋikinyom ka ŋulu a ŋikito a epiini. Icamit tokona iyoŋ aditari ŋakonyen a ŋikilyok a lu a? Nyikiponi isua!”

Ekim. 16:14 Iomraidhean Croise

Awos. 22:5

“Ani kitanyam ituŋanan ŋibaren keŋ emanikor, kori epiini a ituŋanan a ice, emaikina iŋes totac a ŋikinyom a ŋulu ajokak nooi alomanikor keŋ, kori a epiini keŋ a ŋolo ajokan nooi.

Awos. 23:10

“Kitata ka tolema ŋimanikorin kus ŋikaru ŋikanikapei;

Awos. 23:11

ani edoli ekaru ŋolo a ŋikanikaarei, emaikina kimyekinae kieŋut nyitae. Nen nai elemuniata ŋituŋa kus ŋulu a ŋican akimuj ŋina elomuni bon a nen, ido ŋina imyekinete ŋul, toryamut ŋityaŋ tonyama. Kitiyata ŋakiro ŋun tari alomanikorin kus a ŋulu ke epiini ka alomanikorin kus a ŋulu a ŋikito a akimyet.

Awos. 3:17

Adau ayoŋ atubun atemar akayauni ayoŋ iyes eketipeunio anakwap a Ijipit a ŋina iryamunitotor ŋican, okoyau nakwap a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi, nakwap ŋina elelyaata ŋakile ka ao.’

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ekim. 13:27

Tolimokis ikes Moses temasi, “Adoli isua nakwap ŋina ikiyakiyarit iyoŋ isua; eleleete ŋakile ka a ao anakwap a ŋin, ŋaraito keŋ ikes nu.

Ekim. 14:8

Ani kikijokak iwon aneni ke Ekapolon, ikiyai iŋes iwon nakwap ŋin ka ikiinakini iŋes iwon akwap ŋin ŋina eleleata ŋakile ka ao.

Ekim. 20:5

Kaanukiro ikiyaunia iyoŋ isua anakwap a Ijipit, nakibois na ŋina aronon nooi? Nyerae na akwap ŋina eya ŋikinyom, kori a ŋaboboryo, kori ŋikito a epiini ka ŋina emam ŋakipi ŋuna emasyo.”

Ŋikat. 16:21

Aŋun, kikamut Ŋipilistin Samuson, togoronosi ŋakonyen keŋ. Yaasi iŋes Gasa, toena iŋes a ŋiriko a ŋulu etiyaunitae a eburonis, inakinae akiryerea amoru a ŋinakiryeet alojera.

1 Sam. 11:2

Nai toboŋok Naas erwosit a Ŋiamoni ikes tema, “Ikicamun iwon erae kicamut iyes nu, ogorono ayoŋ akoŋu a ŋinituŋanan kus ŋina aloteten, olema ajokis aneni a Ŋisirael a daadaŋ.”