Ekim. 15:39 - Ebaibul

³⁹ Erae abilet ŋin ŋina ani iŋolikinete iyes iŋes totamut ŋakiciketa daadaŋ ŋuna ke Ekapolon ka kiricakis ikes, ido nyiwuapa ekibure a ŋitai kus, kori ekibure a ŋakonyen kus,

Ekim. 15:39 Iomraidhean Croise

1 Ŋirw. 12:33

Ani edoli ŋirwa ke elap ŋitomon ka ŋikan, elap ŋolo abu Yeroboam bon toseu, abu iŋes ya ŋamuronisya Namuroet ŋina aris iŋes kedukoki Besel. Aŋun, abu iŋes. togeu ŋasuban ŋun aŋuna a Ŋisirael, ido abu tolot Namuroet akicuny ekinyate.

Yob 31:7

“Ani kaoliyorit ayoŋ alorot a ŋolo iyookino ka kewuapit ayoŋ alotau kaŋ ŋuna eŋolikini, ido kidoŋit emacar ka aronis a ŋina etiyat ayoŋ nakan kaŋ;

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Ŋikiru. 73:27

Kire jik, edaunosi ŋulu ikiŋerito iyoŋ, imunyari iyoŋ ŋulu nyiwuapito ŋakiro kon.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Ŋakit. 3:1

Ikaakoku, nyikimuryakis ŋakiro ŋuna eketatami ayoŋ iyoŋ, totamunite alotau kon ŋakiciketa kaŋ;

Ekal. 11:9

Emaikina iyes ŋisorok tolelyana eriŋa irae ŋisorok. Kitiyata daadaŋ ŋuna icamito iyes akitiya ka kiwuapa ŋuna ecamito ŋitai kus. Nai totamunito atemar ikitubokini iyes Akuj anakiro a daadaŋ a ŋuna itiyaete iyes.

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Esek. 6:9

Ikes ŋulu ebucarosi akatamunete ayoŋ anakwapin a ŋuna erikoryo erae ŋirikon. Etamunete ikes epite ŋolo abunio ayoŋ oŋoya aŋuna aponiata ikes tomalaaketa alotai kec toŋero anupit ayoŋ ka ŋuna aponiata ikes okoŋero ayoŋ toloto neni a ŋakujo kec. Nyepedorete nabo ikes acamun akitiya ŋuna aronok ŋuna etiyata ka ŋuna ka asiilyo daadaŋ ŋuna adaut ikes akitiya.

Osea 2:2

Ŋidwe kaŋ, kisirworiutu toto kus, kisirworiutu iŋes, anerae nyeriŋa iŋes erae aberu kaŋ ka nyeriŋa ayoŋ arae ekile keŋ. Tolimokisi tojoŋo alaerekinit amalao keŋ, tojoŋo alomenen.

Ŋikis. 29:19

Ŋulu daadaŋ iirarete ŋakiro a akikoŋiet a na, ido kitojokas make etamete alotai kec ebe, ‘Mam ŋace apote neni yok, tari kikiwuapit iwon ŋipitesyo yok ŋulu aronok.’ (Eyaunete ŋul ŋican neni a ŋulu iyookino ka ŋulu nyiyookino),

Ŋikis. 4:23

Aŋun, tocoikinito nai, nyikimuryak acamunet ŋina ipotu iyes tocamunotor ka Ekapolon, nyitiyaut aŋuna kus etorube a akuj eyakar ŋasima a idiobore, awou Ekapolon Akuj kus iyes akitiya ŋun,

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikis. 8:11

Tocoito nai nyikimuryak Ekapolon Akuj kus, anakimyekin akiwuap ŋakiciketa keŋ, ŋikisila ka ŋakiro keŋ ŋuna etubunit iŋes ŋuna akalimok ayoŋ iyes nakoloŋit na.

Ŋikis. 8:14

nyiturokinosi aŋun, ikimuryak Ekapolon Akuj kus, ŋina ikiyauni iyes anakwap a Ijipit a ŋina iraakatar iyes ŋipi,

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.