Ekim. 15:30 - Ebaibul

³⁰ Nai ituŋanan daadaŋ ŋini iredakini akisec, kerae Esiraelit, kori igelaanot, adau akiyany Ekapolon, aŋun etyakaryo iŋes alotuŋa.

Ekim. 15:30 Iomraidhean Croise

Akisy. 17:14

Isapat daadaŋ ŋini nyileŋeritae, eruwor igela alotuŋa keŋ, ido adau akimen acamunet kaŋ ka iyes.”

Yob 38:15

Elemaritae akica aneni a ŋulu aronok, ebilibilaaritae ŋakan kec ŋuna etenito akiar.

Ŋikiru. 19:13

Kiuryarae daŋ ayoŋ eketiyan kon anakiredanakin asecenen; ekelipit kiurya nyekepukata ayoŋ ŋasecisya; ikotere oruwor ayoŋ ŋolo emam ŋuna eketoronitere, ŋolo nyabilit ŋikisila ŋulu alalak nooi.

Ŋikiru. 69:9

anerae amina kaŋ Akai kon enepi alotau kaŋ ikwa akim, apotu neni kaŋ ŋiyany ŋulu ikiyanyata ikes iyoŋ Akuj.

Ŋikiru. 74:18

Okoe Ekapolon, totamu epite ŋolo ikijamuwaritotor iyoŋ ŋimoe kon, totamu epite ŋolo iyanyata ŋibaŋaanotin ekiro kon.

Ŋikiru. 74:22

Okoe Akuj, tonyou, kitoodik ŋimoe kon atemar nyiyookino ikes; totamu epite ŋolo ikijamuwaritotor iyoŋ ŋibaŋaanotin apaaran jwii.

Ŋikiru. 79:12

Toboŋok akisican ŋikidunyet kosi ŋarwa ŋakanikaarei, aŋuna a ŋiyany a ŋulu ikiyenyata ikes iyoŋ Ekapolon.

Ŋikiru. 89:51

ŋiyany ŋulu ekeyanyata ayoŋ ŋimoe kon Ekapolon, ŋiyany ŋulu iyanyata ikes eseuna kon aneni daadaŋ itori.

Awos. 21:14

Nai ani kiredak ituŋanan aŋoikin ŋinice toar, emaikina iyes torikosi ituŋanan ŋin a Namuroet kaŋ toara iŋes.

Awos. 30:33

Ituŋanan daadaŋ ŋini inyaluni ace ŋina ikwaan ka ŋin, kori ituŋanan daadaŋ ŋini iosakini akimyet ŋin neni a ituŋanan a ŋini nyemaikina kitaleunoe, emaikina ituŋanan ŋin totyakarae alotuŋa keŋ.’”

Ŋakit. 14:31

Ituŋanan ŋini ekyenar ŋikulyak, iyanyi ituŋanan ŋin Akuj ŋina abu tosub ŋikulyak, nai ituŋanan ŋini erimaana aneni a ŋikulyak, itopoloorit ituŋanan ŋin Akuj.

Esek. 20:27

“Aŋun nai, lokoku a ituŋanan, kirwor neni a Ŋisirael atemar, ŋakiro ŋuna irworo Ekapolon Akuj ikes nu; epite ece ŋolo aponiata atapapaa kec ekeyanyata ayoŋ iŋes lo, apotu toruwor ŋulu pa ekekinyomito ayoŋ.

Ŋilep. 20:10

“‘Ani kelom ekile edio aberu a ekidunyet keŋ, emaikina toarae ekaloman ŋol kaapei ka akaloman ŋin.

Ŋilep. 20:3

Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan.

Ŋilep. 20:6

“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ.

Ekim. 15:29

Aŋuna a ŋinituŋanan daadaŋ a ŋini eseci pa eyeni, kerae Esiraelit, kori igelaanot erae ekisil epei ŋolo emookunere ituŋanan ŋini edyakarit.

Ekim. 9:13

Nai ituŋanan daadaŋ ŋini nyitoroniyaritae ka nyelosit iwace, ido nyitiya ŋasuban a Paska nyelosi iwace, ido nyinumunum ŋasuban a Paska, nyeriŋa imarakinio iŋes erae ipei a ŋituŋa kaŋ aŋuna pa ainakinia iŋes ainakinet neni ke Ekapolon akoloŋit ŋina etubunitoe. Eryamuni iŋes akisicanio aŋuna ka asecit keŋ.

Mat. 12:32

Ŋinituŋanan irworo akirot ŋina ka akitidiŋit Lokoku a Ituŋanan, isyonio iŋes; nai ŋini irworo itidiŋit Etau ŋolo Asegan, nyisyoniyo iŋes alorwa a lu ka alorwa a ŋulu eponito.

Ŋikis. 1:43

Tari ŋina akalimokinitor ayoŋ iyes ŋakiro ŋun, ipotu iyes nyicamut. Ipotu iyes toŋero ŋakiro ŋuna kicikit Ekapolon, ido ipotu toloto aŋuna kus, kitipeiyosi nakwap ŋina a ŋikamukumukui.

Ŋikis. 32:27

nai abu ayoŋ nyacamak kiturokinos ŋimoe, anerae acepaki etemarete ikes, ‘Eloun isua ikes, meere Ekapolon etiyae ŋun.’

Ŋibur. 10:26

Emam nabo amuronot ace ŋina elemari ŋasecisya erae kikiredak iwon ikirubakinit ikisecenene, tari kedaun akiteyenikin iwon ŋakiro ŋuna a kire.

Ŋibur. 10:29

Ikokini nai ai ituŋanan ŋini ejamuwarit Lokoku ka Akuj? Ŋini itusubunit koŋin ŋaokot ŋuna ka Acamunet a ŋina ka Akuj ŋuna etesegunere iŋes anasecisya, ŋini nabo iyanyi Etau ŋolo etoodikini ajokis neni keŋ? Totama mono iyes, etya ai akisicanet ŋina eryamuni ituŋanan ŋin!

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.

1 Sam. 2:25

Ani kesec ituŋanan ipei neni a ŋinice, epedori ituŋanan ice akirwor neni ke Ekapolon aŋuna a ekasecan a ŋol. Nai ani kesec ituŋanan aneni ke Ekapolon, ŋae epedori akirwor aŋuna keŋ?” Nai apotu ŋidwe ke Eli ŋul nyiirasi ŋuna alimokini papa kec, anerae arae acamit ŋina ke Ekapolon atemar totwaka ikes.

1 Sam. 3:14

Aŋun, ekoŋi ayoŋ etoroniyarit ekal ke Eli atemar, nyepedori asecit ŋina a ekal ke Eli amookun ŋikaru ka ŋikaru a ŋamuronisya, kori a ŋainakineta.”