Ekim. 15:3 - Ebaibul

³ ido inakis neni ke Ekapolon ainakinet ŋina epeyo ŋina elemunitae alosipan a ŋaatuk, kori alosipan a ŋamesekin, kerae ainakinet ŋin ŋina epeyo, kori amuronot aŋuna ka akisiyookin akikoŋet, kori ainakinet ŋina elemunit ituŋanan ka acamit keŋ, kori aŋuna a ŋasuban a ŋuna etubunitoe;

Ekim. 15:3 Iomraidhean Croise

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

Esir 7:17

Emaikina iyoŋ kisitiya ŋisiliŋa ŋul agyelya ŋimoŋin, ŋimeesekin, ŋikaalei ŋulumesekin ka ŋainakineta ŋuna a ŋikinyom ta ŋainakineta ŋuna a ŋimaten, emaikina iyoŋ inak ikes neni ke Ekapolon a Namuroet a ŋina ka Akai ka Akuj kon alo Yerusalem.

Ŋikiru. 54:6

Alotooma acamit kaŋ nooi, ayauni ayoŋ amuronot neni kon; alakar ayoŋ neni kon. Okoe Ekapolon, anerae ijok iyoŋ.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Awos. 29:25

Ani edaun ŋun, kijau aneni kec, ido tope idokokinit kidiama ainakinet ŋinace ŋina epeyo a Namuroet; ŋina emaikina epeitoe einakinio Ekapolon, ŋina ebob eure keŋ aneni ke Ekapolon.

Awos. 29:41

Ya imesek ŋinice daŋ eboŋ, ido iya ikwapei ainakinet akimuj ŋina etya ŋina iyait iyoŋ iyai ikale ŋini ka ataparacu. Erae ŋun ŋamuja ŋuna akainakinitae ayoŋ Ekapolon, ŋamuja ŋuna epeyo akabobokinit ayoŋ eure kec eketalakarit.

Ŋilep. 10:13

Emaikina iyes tonyama ainakinet ŋin anakibois a ŋina asegan, anerae erae ŋina ikityakakinitae iyoŋ ka ŋidwe kon ŋulusapa, anainakinet a ŋina epeyo aŋuna ke Ekapolon; epite ŋol iŋes ekecikitor Ekapolon ayoŋ.

Ŋilep. 27:2

“Tolimok Ŋisirael ebe, ‘Ani ikiini Ekapolon ibore ŋini iriyan etiyae keŋ ka ŋolo a ituŋanan,

Ŋilep. 7:16

Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin,

Ekim. 28:27

Emaikina iyes yaut ŋainakineta nu ŋuna epeyo, ŋuna ebob eure kec aneni ke Ekapolon: Ŋimoŋin ŋiarei ŋulusorok, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit.

Ekim. 29:8

Emaikina iyes yaut neni ke Ekapolon ŋainakineta nu ŋuna epeyo ŋuna ebob eure aneni ke Ekapolon: Emoŋ, emesek ka ŋikaalei ŋikanikaarei ŋulumesekin ŋulu emam neni eŋwalit.

Ekim. 6:15

emaikina ikes yaut ainakinet ŋina a ŋamugati a ŋuna emam ŋakinyalet ileleba ebukit, ŋimugati ŋulu ipounitoe a ŋakirya a ŋuna ajokak nooi a ŋuna iguritoe ka akimyet ka ŋabisikotyo ŋuna emam ŋakinyalet kiwosakinitetei akimyet, emaikina daŋ ikes yaut ŋainakineta kec ŋuna a ŋikinyom ka ŋuna a ŋimaten.

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

2 Ŋikor. 2:15

Kire, ikirae iwon aneni ka Akuj eure ŋolo akukunyon ŋolo a Kristo ŋolo ielakin lotuŋa ŋulu eiunitae ka ŋulu ebukoro.

2 Ŋikor. 2:16

Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Ŋikis. 12:17

Nyemaikina daŋ iyes tonyama alotaunio kus atutubet apei alotooma ŋitomon a ŋikinyom kus, a epiini kus, a akimyet kus, a ŋikiyae a ŋaatuk kus ka ŋamesekin kus, ŋainakineta daadaŋ ŋuna ikoŋito iyes ainakin neni ka Akuj, ŋainakineta kus ŋuna iyaunete iyes ka acamit kus, kori ŋainakineta kus ca daadaŋ.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.