Ekim. 15:20 - Ebaibul

²⁰ Anamuret a ŋakirya a ŋuna igeunete iyes amurakin, emaikina iyes inakis Ekapolon abopulo ŋina esyaunan. Iinakinete iyes iŋes lopite ŋolo einakinere ainakinet ŋina a ŋikinyom a ŋulu isyaunio aramun analos.

Ekim. 15:20 Iomraidhean Croise

Neem. 10:37

Eyaununuyo daŋ isua amurat kosi ŋina esyaunan ka ŋainakineta kosi, ŋaraito ŋuna a ŋikito a daadaŋ ŋuna esyaunak a epiini ka akimyet. Eyaununio isua ŋul neni a ŋisacaradotin ka nagulei ŋuna iŋadao ŋiboro alo Kai ka Akuj kosi, acamun daŋ isua ayaunun neni a ŋilepi atutubet apei alotooma ŋitomon a ŋiboro a ŋulu itaunio isua, anerae ŋilepi ikes iriraete atutubet apei alotooma ŋitomon a ŋiboro alotaunio kosi a ŋulu cicik a daadaŋ.

Awos. 23:19

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Awos. 34:26

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Esek. 44:30

Ŋaraito daadaŋ ŋuna ajokak ŋuna esyaunak ka ŋainakineta daadaŋ ŋuna a ŋolokabila eyaunete Ŋisirael, eruwor ŋuna a ŋisacaradotin. Emaikina daŋ iyes inakis ŋisacaradotin ŋamugati kus ŋuna isyaunete akokore ipoo, ikotere torubak arereŋu eyai lokalya kus.

Ŋilep. 2:12

Ipedorete iyes ayaun ŋakinyalet, kori ao neni ke Ekapolon erae ŋamuja ŋuna ajokak nooi, nai nyemaikina iyes yaasi ikes namuroet erae ŋuna ibasi kicunyae ebob eure aneni ke Ekapolon.

Ŋilep. 2:14

Ani keyau ituŋanan ainakinet keŋ ŋina a ŋaraito a ŋuna esyaunak neni ke Ekapolon, emaikina ikes iryetae ka epeitoe.

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Ŋilep. 23:20

Emaikina esacaradoti kikyaa ŋikaalei ŋulumesekin ŋul alokiŋaren Ekapolon kaapei ka ŋamugati ŋuna a ŋikinyom a ŋulu ke ekiŋaren. Erae ikes ŋainakineta ŋuna asegak neni ke Ekapolon aŋuna ke esacaradoti.

Ekim. 15:21

Ananyameta kus a daadaŋ, emaikina iinakis Ekapolon ainakinet anakirya a ŋuna igeunete iyes amurakin.

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋirom. 11:16

Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

1 Ŋikor. 15:20

Nai kire, adaun akiteyarun Kristo alokatwak ka itoodiunito ŋun atemar iteyarunio daŋ ŋulu etwakito.

Ŋikis. 14:22

Totyakasi atutubet apei alotooma ŋitomon a ŋaraito a ŋikinyom kus a daadaŋ a ŋulu elemununiyete iyes a ŋolokaru alomanikorin kus.

Ŋikis. 14:23

Tonyama atutubet apei alotooma ŋitomon a ŋikinyom kus, a epiini kus, a akimyet kus kaapei ka ŋikiyae a ŋaatuk ka a ŋamesekin kus, tonyama ikes alokiŋaren Ekapolon Akuj kus, anakibois a ŋina ebuni iŋes aseun aruwor neni ilipere enyaritae ekiro keŋ, kitiyata ŋun ikotere iyenuniata akitopoloorit Ekapolon Akuj kus jwi jwi.

Ŋikis. 16:13

Totamunito akitiya ŋasuban ŋuna a ŋisakaitei ŋirwa ŋikanikaarei kidaut iyes acunun ŋikinyom kus analosin kus ka epiini kus anacueta kus a ŋuna ke epiini.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.