Ekim. 14:29 - Ebaibul

²⁹ Eperete ŋawat kus analoŋisat a na, ido iyes daadaŋ ŋulu aponi ikimari ameun ŋulu erae ŋikaru kec ŋatomoniarei ka adepar, ŋulu ipotu kiŋuruŋura neni kaŋ,

Ekim. 14:29 Iomraidhean Croise

Ŋikiru. 106:26

Aŋun, abu Akuj kiserau ŋakiro keŋ, kikoŋ neni kec atemar imyekini iyoŋ ikes kirikaros analoŋisat,

Ŋikiru. 78:33

Aŋun, abu Akuj kitasalu ŋirwa kec tojoŋoi atamunit, ido yau ŋinyas alorwa a ŋulu ka akiyar kec.

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Ekim. 1:45

Ekimar a Ŋisirael a ŋulu arae ŋikilyok ŋulu arae ŋikaru kec ŋatomoniarei ka adepar ka a ŋulu apedorito alosit lojie

Ekim. 1:46

arae ŋalipyo ŋamiae ŋakanikapei ka ŋauni ka ŋamiae ŋakan ka ŋatomonikan.

Ekim. 26:64

Alotuŋa a ŋulu imarunitae a ŋul, mam ipei daŋ ŋini edounitoe apaki ŋina emaryata Moses ka Aron esacaradoti Ŋisirael analoŋisat a ŋina a Sinai.

Ekim. 26:65

Apotu ŋituŋa ŋul daadaŋ totwaka, anerae alimunit Ekapolon aŋuna kec ebe, “Etwakete ikes analoŋisat.” Mam ikes ipei daŋ ŋini ariŋa eyari mati Kaleb lokoku a Yepune ka Yosua lokoku a Nun.

1 Ŋikor. 10:5

Nai pa alakara Akuj neni kec a ŋulu alalak, aŋun apotu ŋalyalin kec kiryama aloŋisat.

Ŋikis. 2:14

ido apaki ŋin, aponi iwon yaarae elosyo ameun alo Kades-Barinea tari ŋina adokere iwon ayonae Sered ŋikaru ŋatomoniuni ka ŋikanikauni, akitodol ŋina atwakyata ŋikajiok a anyamet a ŋin daadaŋ analomar, lopite ŋolo arisyo Ekapolon kikoŋio aŋuna kec.

Ŋibur. 3:17

Arae ataŋae koloŋ aŋoikinit Akuj ŋikaru ŋatomoniomwon? Arae ŋituŋa ŋulu asecito, ŋulu apotu totwaka analoŋisat.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.

Yud. 1:5

Acamit tokona akitatamun iyes, tari sek daŋ kikiteyenikinitae daadaŋ, atemar abu Ekapolon, kedau aiun ŋituŋa keŋ ŋulu a Isirael anakwap a Ijipit, tomunya ekaku ŋulu pa anupito.