Ekim. 14:18 - Ebaibul

¹⁸ nyepatana ayoŋ Ekapolon akiŋo, epol amina kaŋ ŋina nyiryaŋiryaŋa, esyoniyene aronis ka akisyaanu a ŋituŋa, esicani ŋidwe aŋuna ka asecit atapapaa kec akitodol nanyemet ŋina a ŋauni ka ŋina a ŋaomwon.

Ekim. 14:18 Iomraidhean Croise

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Yob 21:19

Ibasi iyes, ‘Idyasi Akuj ŋasecisya a ŋikaronok aŋuna a ŋidwe kec.’ Emaikina ŋikaronok kisicanae aŋuna ka aronis kec, ikotere eyenunete ikes atemar esecito.

Ŋikiru. 103:8

Isyoniono Ekapolon ka erimaana nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 108:4

anerae epol nooi amina kon ŋina nyiryaŋiryaŋa eyai tari kidiama; edolit akikinyoma kon tari lodouwon.

Ŋikiru. 109:14

Emaikina Ekapolon totamu ŋadyakanareta atapapa a keŋ, emaikina ŋasecisya a toto keŋ nyisyoni.

Ŋikiru. 145:8

Isyoniono Ekapolon ka erimaana, nyepatana iŋes akiŋo, epol amina keŋ ŋina nyiryaŋiryaŋa.

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 20:6

nai etoodikini amina kaŋ ŋina nyiryaŋiryaŋa nanyamet ŋina ka aliput a ŋulu akaminasi ayoŋ, ido kiricito ŋakiciketa kaŋ.

Yer. 23:2

Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 32:18

Itoodikinit iyoŋ amina ŋina nyiryaŋiryaŋa nanyameta ŋalipyo, nai isicani ŋidwe aŋuna a ŋasecisya a ŋikauruunak kec. Okoe Akuj ŋina apolon ka ŋina etiron ŋina erae ekiro kon Ekapolon ŋolo a ŋajoresyo,

Aum. 5:7

Apotu atapapa kosi toseca, emam tokona ikes a ne, ikiryamunit tokona isua ŋican aŋuna a ŋasecisya kec.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Ekim. 14:17

Aŋun, kimyek apedor kon Ekapolon kileereu, ido kitiya ŋuna ibu iyoŋ ikiik isua ibala,

Ekim. 23:21

Mam aronis eŋolik Akuj itiyaete ŋituŋa a Yakob, mam akisyanu eŋolik Akuj itiyaete ŋituŋa a Isirael. Erukito ikes ka Ekapolon Akuj kec, elimorito ikes atemar arae Akuj erwosit kec.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋikis. 5:10

nai etoodikini amina kaŋ ŋina nyiryaŋiryaŋa neni a ŋanyameta a ŋulu akaminasi ayoŋ, ido kiricito ŋakiciketa kaŋ.

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ŋikis. 7:10

ka erae iŋes. Akuj ŋina inyaŋari ŋuna a ŋulu eŋerete iŋes anakisican ikes. Nyedidi iŋes akinyaŋar ŋakiro a ŋulu eŋerete iŋes.

Ŋikis. 7:9

Aŋun, toyenutu atemar erae Ekapolon Akuj kus Akuj, erae iŋes Akuj ŋina ikinyoma, ŋina iricit jik acamunet keŋ akitodol ŋanyameta aliput ka ŋituŋa ŋulu eminasi iŋes ka kiwuapito ŋakiciketa keŋ