Ekim. 14:10 - Ebaibul

¹⁰ Apaki ŋin, acamito ŋituŋa daadaŋ akicak Yosua ka Kaleb a ŋamoru. Abu nai totakanu aloeema a ŋolokilipet neni a Ŋisirael a daadaŋ akica ke Ekapolon.

Ekim. 14:10 Iomraidhean Croise

Awos. 16:10

Ani eriŋa Aron isirwori Ŋisirael daadaŋ, kiŋoliyasi ikes lowae ŋolo ka aloŋisat, kileereu Ekapolon anakica a ŋina ayai lodou.

Awos. 16:7

iŋolikinete iyes moi taparacu ebari ŋolo ke Ekapolon, anerae eira iŋes akiŋuruŋura kus neni keŋ. Ata ŋae mono isua, iŋuruŋurasi iyes neni kosi?”

Awos. 17:4

Aŋun, abu Moses kikalou neni ke Ekapolon kiŋit tema, “Nyo emaikina ayoŋ etiya neni a ŋituŋa a lu? Etenito ikes akicak ayoŋ a ŋamoru.”

Awos. 40:34

Ekaku, kimuko edou Eema ŋolo iryamununoi, kilelebikin akica ŋina ke Ekapolon ŋina akwaŋan kya tooma Eema ŋolo iryamununoi.

Ŋilep. 9:23

Toloto Moses ka Aron tolomasi loeema ŋolo elipere. Ani elomunete a nen, apotu kiterereŋo ŋituŋa; totakanu neni a ŋituŋa daadaŋ akica ŋina ke Ekapolon.

Ekim. 16:19

Abu nai Kora tocunak lopuke ke eema a ŋolokilipet atukot a ŋituŋa a ŋulu ariito ka iŋes akisibura Moses ka Aron. Bu akica ke Ekapolon totakanik atukot a ŋituŋa daadaŋ a nen.

Ekim. 16:42

Ani kedau atukot acunakin akiŋer ikes, toloto Moses ka Aron lowae ŋolo ke eema a ŋolokilipet; aris edou kerapuwa eema ka totakanu akica ke Ekapolon.

Ekim. 17:7

Abu nai Moses kiwuak ŋibelae ŋul kiŋaren Ekapolon tooma eema nakibois ŋina ayai Asaduku ŋina ka Acamunet.

Ekim. 20:6

Apotu nai Moses ka Aron toloto aneni ayai atukot a ŋituŋa, toloto lopuke ŋolo ke eema a ŋolokilipet, toryediko, todolo ŋireetin kwap, abu nai akica a Ekapolon totakanu neni kec.

Mat. 23:37

“Okoe Yerusalem, Yerusalem! Ŋituŋa kon ŋulu earete ŋikadwarak, tocaka a ŋamoru ŋulu iyakuunitae neni kus! Ŋarwa ŋayai acamitor ayoŋ acunakin ŋidwe kon, ikwaŋina ecunakinia akokoroit ŋimiyoi nabebenuk keŋ, nai nyikicamakis iyes ayoŋ!

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

Ŋitic. 7:59

Ani erubakinete ikes ecakete iŋes, kilip tema, “Ekapolon Yesu, kijaa etau kaŋ!”

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.