Ekim. 12:8 - Ebaibul

⁸ Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Ekim. 12:8 Iomraidhean Croise

Akisy. 32:30

Tolimok Yakob ekiro a akibois a ŋin Peniel, ebala, “Erae nu aŋuna ikiŋolikinor ayoŋ ka Akuj ŋireetin, ido nyeara Akuj ayoŋ.”

Ŋikiru. 17:15

Ani eruwor ayoŋ, eŋolikini ereet kon, anerae eyookino ayoŋ, ani akyenyuni, alakar ayoŋ eŋolikini epite ŋolo iyakar iyoŋ.

Ŋikiru. 49:4

Apupokini ayoŋ ŋakitadapeta, esileereu apolou kec arami agita.

Awos. 19:19

Apaki daadaŋ ŋina iyatakinor eruye ŋolo ka arupepe, erworyanakini Moses, ido toboŋok Akuj iŋes anagiro.

Awos. 20:4

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Awos. 33:11

Amina Ekapolon akisirworyanakin Moses apaki ŋin etakani, lopite ŋolo isiyania ituŋanan lokone keŋ. Ani irikakin, toboŋo nai Moses nalomar, nai pa arotonokini Yosua lokoku a Nun alotooma Eema ŋolo iryamununoi. Arae iŋes ŋolo eŋarakinit Moses.

Awos. 33:19

Tema Ekapolon, “Emyekini ayoŋ ajokis daadaŋ ŋina ebunit aneni kaŋ kitoru kiŋaren kon, ido alimori ayoŋ ekiro kaŋ ebe, ‘Arae ayoŋ Ekapolon’ ” iyai iyoŋ. Esyoni ayoŋ ŋini acamit akisyon, etimi ŋini acamit akitim.

Awos. 33:23

olema nai ayoŋ akan kaŋ, kiŋolik iyoŋ akau kaŋ; nai ereet kaŋ, nyiŋolikini iyoŋ.”

Awos. 34:30

Ani iŋolikinete Aron ka Ŋisirael daadaŋ Moses, kiŋolikis ereet keŋ ecai, ido apotu ikes tokuryaketa alosit diyete keŋ.

Ŋakit. 1:6

ikotere eyenunete ŋakitadapeta ŋuna nyepatana ayenun ka ŋakiro ŋuna irworosi ŋikaosok ka ŋuna eteduniyete ŋikaosok.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 46:5

Ŋae ipedorete iyes akisikwaanikinia ayoŋ, kori ŋae ikitiriyaniata iyes ayoŋ? Ŋae ikitamyata iyes ayoŋ esibit ikikwaan?

Esek. 17:2

“Lokoku a ituŋanan, tolimu ibore ŋini emaikina totedoroe, ido tolimok Ŋisirael akitadapet.

Esek. 20:49

Abu nai ayoŋ otema, “Ekapolon Akuj! Ebasi ŋituŋa irworosi aŋuna kaŋ ebe, ‘Meere mono ŋakitadapeta irworo iŋes a?’ ”

Osea 12:13

Abu Ekapolon kisitiya ekadwaran ayaun Ŋisirael alo Ijipit ka abu Akuj kisitiya ekadwaran akiyokuunio ikes.

Ekim. 14:14

ido elimokinete Ŋijipitian ŋituŋa ŋulu iboiyete anakwap a na ŋakiro ŋun. Adaut ikes Ekapolon akiirar atemar irukito iyoŋ ka ŋituŋa lu, anerae ikiteo iyoŋ Ekapolon ka ewoi adis kon alokidiama kec ka iŋarenikinit iyoŋ ikes elosete naparan a adis ka nakwaare a akim.

Ekim. 7:89

Apaki ŋina alomarya Moses loeema ŋolokilipet akirwor ke Ekapolon, abu iŋes kiira etoil irworo neni keŋ alokidiama akibois ŋina ka akisyonio ŋina ayai kidiama Asaduku ŋina ka Acamunet, abunit etoil ŋol alokidiŋ Ŋisubuna ŋulu a ŋabebenuk ŋuluarei kirwor neni keŋ.

Mat. 13:35

Etiyae iŋes ŋun, ikotere kiyookinotor ŋuna kirworit ekadwaran ebe, “Erwori ayoŋ neni kec a ŋakitadapeta, alimori daŋ ŋakiro ŋuna ewuaitae ameun anasubunet akwap.”

Luk. 10:16

Tolimok Yesu ŋikeekasyomak tema, “Ituŋanan daadaŋ ŋini ikiirari iyes, ekeira tari ayoŋ; ituŋanan daadaŋ ŋini ikiŋeri iyes, akaŋer tari ayoŋ; ŋini akaŋer ayoŋ, aŋer tari ŋini ekeyakuunit ayoŋ.”

Yoa. 1:18

Emam ituŋanan eanyunit Akuj; nai Lokoku ŋolo donupei ŋolo erae epei ka Papa, iŋes ikitaanyu iwon Akuj.

Yoa. 15:15

Nyeriŋa ayoŋ akanyarit iyes ŋiketiyak, anerae nyeyeni eketiyan ŋuna itiyae ekapolon keŋ, nai tokona akanyarit ayoŋ iyes ŋikonei, anerae akalimok ayoŋ iyes ŋuna daadaŋ eira aneni a Papa kaŋ.

Yoa. 15:24

Kerae nyetiyat ayoŋ alokidiŋ kec ŋiticisyo ŋulu nyitiya idiotuŋanan, kemam ikes asecit; nai tokona adaut ikes akiŋolikin ŋun ka akitidiŋ ayoŋ ka Papa kaŋ daŋ.

1 Ŋikor. 13:12

Ibore ŋini ikite iwon tokona ikoni etorube ŋolo emuimui anaroet, nai moi, ikianyuni iwon Akuj; ŋuna ayeni ayoŋ tokona erae ŋuna eriŋa nyirikakina, nai moi, ayenuni ejok lopite ŋolopei akayenia Akuj ayoŋ.

2 Ŋikor. 3:18

Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.

Ŋikis. 18:15

Ebuni Ekapolon Akuj kus aseun aŋuna kus alotuŋa kus ekadwaran ece ŋolo ikikwaan ka ayoŋ, emaikina iyes kiwuapa ŋakiro a ekadwaran a ŋol.

Ŋikis. 34:10

Mam nabo apaki ace ŋina ayakar ekadwaran Isirael ŋolo ekoni Moses ŋolo abu kirworo ka Ekapolon iteosi.

Ŋikis. 4:15

Ikwaŋina pa iŋolikinitotor iyes ŋasima keŋ apaki ŋina erworor Ekapolon neni kus alo Oreb eyai narira, tocoito nu ka kiricunito akiyar kus,

Ŋikis. 5:8

“Nyitiyaut aŋuna kus etorube a idiobore erae akuj kus, kerae etorube a ibore a ŋini eyai kidiama nakuj, kori a ŋini eyai kwap tooma ŋalup, kori a ŋini eyai nakipi ŋuna alokwap ŋalup.

Ŋikol. 1:15

Erae Kristo etorube ŋolo ka Akuj a ŋina nyetakani. Erae iŋes ekiyai ŋolo ka Akuj Papa, akisyakinet ŋina a ŋisubuna a daadaŋ.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 1:1

Koloŋ sek, abu Akuj kirwor neni atapapaa yok alotooma ŋikadwarak ŋarwa ŋakalalak, alopitesyo a ŋulu agelegelya;

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

Yud. 1:8

Nai itiyaete ŋituŋa ŋul daŋ ikwaŋinapei: anatakanikineta kec emunaanarete ikes ŋawat kec, eŋerito ŋakiro ŋuna a ŋikapolok, iyanyete ŋisubuna ŋulu itopolooritae alokidiama.