Ekim. 12:2 - Ebaibul

² Temasi ikes, “Erwor mono Ekapolon aneni a Moses bon a? Nyirworit mono iŋes aneni kosi daŋ a?” Abu Ekapolon kiira ŋakiro ŋun.

Ekim. 12:2 Iomraidhean Croise

Akisy. 29:33

Topoti nabo Lea, kidou ikoku ŋinisapat, ido tema, “Aŋuna eirarya Akuj atemar nyakaminae ayoŋ, akainaki ayoŋ edya lo daŋ”; tolimok iŋes ekiro a edya Simeon.

2 Sam. 11:27

Ani elunyar ŋirwa ŋulu ka akigworo lokile keŋ, kiyakiya Daudi ituŋanan ayaun aberu ŋin kai keŋ, ido abu iŋes toruwor aberu a Daudi, kidou ikoku a Daudi ŋinisapat. Nai apotu nyitalakasi Ekapolon ŋakiro ŋuna abu Daudi kitiya.

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Awos. 4:14

Kitoŋoa nai ŋakiro a Moses ŋun Ekapolon tema, “Ani bo lokaato kon Aron ŋolo erae Elepit? Ayeni ayoŋ atemar irworo iŋes ejok. Ebunit iŋes alorot iryamunosi ka iyoŋ, ido elakar etau keŋ apaki ŋina ikiŋolikinia iŋes iyoŋ.

Awos. 4:30

Tolimok Aron ŋituŋa ŋakiro daadaŋ ŋuna kebu Ekapolon tolimok Moses, ido kitiya ŋakujuwuanisya alokiŋaren ŋituŋa.

Awos. 5:1

Ani ekaku, toloto Moses ka Aron neni a Parao temasi, “Ŋakiro ŋuna irworo Ekapolon Akuj a Isirael ikes nu ebe, ‘Kimyek ŋituŋa kaŋ toloto, ikotere kitiyata ŋasuban aŋuna kaŋ analoŋisat.’ ”

Awos. 7:10

Aŋun, apotu Moses ka Aron toloto neni a Parao, kitiyata ikwapei ecikitor Ekapolon ikes; abu Aron kimasak ebela keŋ kwap kiŋaren a Parao ka ŋulu apolok anapukan keŋ, ido abu ebela ŋol kilocokin toruwor emun.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Isa. 37:4

Acepaki iirarit Ekapolon Akuj kon ŋakiro ŋuna erwor ekapolokiniton a ŋasigarya ka Asiriya, ŋolo iyakuunit ekapolon keŋ erwosit ka Asiriya ajamuwanar Akuj ŋina eyari, ikotere nai Akuj itoŋoiyari iŋes aŋuna a ŋakiro a ŋuna eira Ekapolon Akuj kon. Aŋun, kilip a ŋuna a ŋituŋa a ŋulu eriŋa idoŋito.”

Mika 6:4

Abu ayoŋ okoyau iyes anakwap a Ijipit, okolaku anakwap a ŋina iraakatar ŋipi. Abu ayoŋ eyakiu Moses kaapei ka Aron ta Miriam akirik iyes.

Ekim. 11:1

Apotu Ŋisirael kisyakis akiŋuruŋura neni ke Ekapolon aŋuna a ŋatyokisyo a ŋuna, aryamunito ikes analoŋisat, ani iirari Ekapolon akiŋuruŋura kec, toŋo nooi, ido kiyaku akim tonom ikes, tonomiya ŋawaetin a alomar.

Ekim. 11:29

Nai tolimok Moses iŋes tema, “Ililit iyoŋ aŋuna kaŋ a? Okoe kerae ca torae ŋituŋa a Ekapolon daadaŋ ŋikadwarak, ido inakinite Ekapolon ikes etau keŋ!”

Ekim. 12:3

Arae Moses ituŋanan ŋini etiditeuna bon nooi akilo ŋituŋa daadaŋ anakwap.

Ekim. 16:3

Apotu ikes tocunakin akisibura Moses ka Aron temasi, “Itiyata iyes ŋuna alalak ŋuna nyiyookino. Erae ŋituŋa daadaŋ anatukot ŋulu esegak ka erukito ikes ka Ekapolon. Kaanukiro nai itopoloorotor iyes make anatukot a ŋituŋa ke Ekapolon a daadaŋ?”

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋirom. 12:3

Aŋuna ka ajokis a ŋina abu Akuj okoinak ayoŋ, akalimokini ayoŋ iyes daadaŋ atemar, nyitamete atemar kori ipolok iyes nooi, torae bo nyipolok. Nai torae ŋulu iyakatar ŋatameta ŋuna ecayete ka itemokino ŋinituŋanan aneni kus toyenu epite ŋolo eyakar iŋes alotyae a ŋolo ka anupit a ŋina einakinitae iŋes.

Ŋipil. 2:14

Kitiyata ŋinibore daadaŋ emam akiŋuruŋura kori apeganakin,

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

1 Pet. 5:5

Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”