Ekim. 12:14 - Ebaibul

¹⁴ Nai toboŋok Ekapolon Moses tema, “Ani kerae kimwaakinete papa keŋ iŋes loreet, pa mono kidaŋidaŋit iŋes ŋileec keŋ ŋirwa ŋikanikaarei a? Kimyek togoloroe iŋes kiŋa alomar ŋirwa ŋikanikaarei, ani elunyar ŋirwa ŋul kinyakunae iŋes nalomar.”

Ekim. 12:14 Iomraidhean Croise

2 Ŋirw. 15:5

Abu Ekapolon kisican erwosit Asaria, inak adyak atapon anakiyar keŋ a daadaŋ, kiboiye epakara kai keŋ bon. Arae Yosam lokoku keŋ iŋes apolokinit akai ŋina ke erwosit ka daŋ kipukate ŋituŋa.

Yob 17:6

“Eketuruwo Akuj ayoŋ ŋolo ekerworotor ŋituŋa, aruwor ayoŋ ŋolo ekemwanarete ŋituŋa.

Yob 30:10

Akajamuwarito ikes ayoŋ, nyecamito arukit ka ayoŋ; nyitimenene ikes akimwaanar ayoŋ ekeŋolikinete.

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Ŋilep. 13:4

Nai ani kekwaŋ ibore ŋini eyai nakuwan keŋ ŋin, ido nyicukuliyoro anamuny ka akuwan ka nyekwaŋak ŋajul ka a akuwan ŋuna eya neni elomunitor edeke, emaikina esacaradoti toseta ituŋanan ŋin neni keŋ bon ŋirwa ŋikanikaarei.

Ŋilep. 14:8

Emaikina ituŋanan ŋini italeunio ŋin kilota ŋilowi keŋ, tobanya ŋitim keŋ daadaŋ, ido kiloŋar, eruwor iŋes ŋini nyitoroniyaritae. Ani kirikak ŋun, bu nai nalomar, nai emaikina toper kiŋa eema keŋ ŋirwa ŋikanikaarei.

Ekim. 5:1

Kirwor Ekapolon neni a Moses tema,

Mat. 26:67

Kisyakis ikes akimwaanakin iŋes loreet, kibuŋata ŋice ka kibapabapata ŋice iŋes

Ŋikis. 25:9

elosi nai apuserut ŋin neni alokaato alokile keŋ iteete ŋikasikou, tolacu amukat a ekile a ŋol apei, kimwaak ŋakimul loreet a ekile a ŋol, ido tolimu tema, “Ŋun itiyakinio neni a ekile a ŋolo nyecamit akiturubakin ekal alokaato keŋ eyai.”

Ŋibur. 12:9

Atapapa yok ŋulu ikiuruunete iwon, ikisicanete ikes iwon, ido okera iwon ikes. Etya nai ai akerit ŋina itemokino iwon okeritotor Papa yok ŋolo eyai nakuj, ikotere oyara!