Ekim. 12:13 - Ebaibul

¹³ Abu nai Moses kikaloik Ekapolon tema, “Okoe Akuj, kitoŋaleu kare ca iŋes.”

Ekim. 12:13 Iomraidhean Croise

Akisy. 20:17

Kilip nai Aburaam neni ka Akuj aŋuna ka Abimelek, tolema Akuj ŋilam aneni ka Abimelek ka aneni ka aberu keŋ ta aneni a ŋaberu keŋ a ŋuna pa eitit, togeut akidore,

1 Ŋirw. 13:6

Tema erwosit neni a ekile a ŋol a ŋolo arae ituŋanan ŋini ka Akuj, “Kilip tokona neni ke Ekapolon Akuj kon, kilipakinae ayoŋ, ikotere tojokyar akan kaŋ.” Aŋun, abu ekile ŋolo arae ituŋanan ŋini ka Akuj kilip neni ke Ekapolon, ido abu akan a erwosit tojokyar, kikok nenipei sek.

Ŋikiru. 30:2

Okoe Ekapolon Akuj kaŋ, abu ayoŋ ekalou neni kon eŋita akitaŋaleuno, ido ibu iyoŋ ikitaŋaleu ayoŋ.

Ŋikiru. 41:4

Ani eruwor ayoŋ, abu otema, “Okoe ekapolon, torimakinae ayoŋ; kitaŋaleunoe ayoŋ, anerae asec ayoŋ aneni kon.”

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 4:7

Tema nai Ekapolon neni keŋ, “Kinyakak akan kon lolou kon.” Aŋun, abu Moses kinyakak akan keŋ lolou keŋ, ido ani elemuni kiŋa, toryamu kitaŋaleun, kikwaanikin ka akuwan keŋ neni ce.

Isa. 30:26

Akoloŋit ŋina imadya Ekapolon neni ewanan alotuŋa keŋ ka ŋina itaŋaleunio Ekapolon ŋajemei ŋuna abu iŋes kiteryamu ŋituŋa keŋ, ecauni elap ikwa akoloŋ ekwaŋiar akica a akoloŋ akilo tari ŋarwa ŋakanikaarei, ikwaanikin akica ŋin bon ka ŋina a ŋirwa a ŋikanikaarei.

Yer. 17:14

Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Ekim. 11:2

Apotu ŋituŋa kigworokis Moses, tosodi Moses kilip neni ke Ekapolon ka abu akim toduŋe.

Ekim. 12:12

Nyimyek Miriam ikwaanikin ka ikoku ŋini idounio eriŋa apaki keŋ, ŋini emunaara akuwan keŋ epeiwae daadaŋ apaki ŋina elomunia iŋes anakook a toto keŋ.”

Ekim. 14:2

Kiŋuruŋura Ŋisirael daadaŋ neni a Moses ka Aron, tolimok atukot a ŋituŋa a daadaŋ ikes tema, “Okoe, kerae ca paaran totwakitetei anakwap a Ijipit, kori analoŋisat daŋ.

Ekim. 16:41

Kikote neni daŋ, akoloŋit ŋina atupakini, abu atukot a Ŋisirael daadaŋ toŋer Moses ka Aron ebasi, “Iar iyes ŋituŋa a Ekapolon.”

Luk. 23:34

Kirworik Yesu tema, “Papa kisyoni ikes, anerae nyeyenete ŋuna itiyaete.” Tokora ikes ŋikeelowi ka akilamilam ŋisigirya.

Luk. 6:28

Togatakisi arereŋu neni a ŋulu ikilamete iyes, kilipakinito ŋulu ikibolyatar iyes.

Ŋitic. 7:60

Toryedik nai tocelu a etoil a ŋolo apolon tema, “Ekapolon! Nyimarak asecit na neni kec!” Ani kedau iŋes alimun ŋun, kiridak.

Ŋirom. 12:21

Kiurya ŋuna aronok nyikireut iyoŋ, nai toreu ikes kan ajokis.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.