Ekim. 11:17 - Ebaibul

¹⁷ Abuni ayoŋ, ido erworo ka iyoŋ a nen, tosodi alemari ayoŋ etau kaŋ edyo ŋolo sek ainakinit ayoŋ iyoŋ, oinak neni a ŋikasikou a ŋul, ido idaŋidaŋete ikes ŋakiro a ŋituŋa a lu kaapei ka iyoŋ, ikotere nyidaŋidaŋ iyoŋ bon ŋakiro kec.

Ekim. 11:17 Iomraidhean Croise

Akisy. 11:5

Abu Ekapolon bu kwap akiŋolikin etaun ŋol ka aduketait ŋin ŋina potu ŋituŋa ŋul toduko.

Akisy. 17:22

Kedau Akuj akirworo ka Aburaam, tolot Akuj, kimyek Aburaam.

Akisy. 17:3

Toryedik Aburam, kijuuru todol ereet kwap, tosodi Akuj tema,

Akisy. 18:33

Ani kedau Ekapolon akirworo ka Aburaam, torotok kimyek Aburaam. Tosodi Aburaam toboŋo tolot nakibois keŋ.

2 Ŋirw. 2:15

Kiŋolik atukot a ŋikadwarak a ŋulu a Yeriko Elisa elwana, tolimu tema, “Aryamu Elisa apedor ŋina ke Eliya.” Potu ŋikadwarak ŋul, kisiryama iŋes, kijuuroto a lokiŋaren keŋ.

2 Ŋirw. 2:9

Kedaut ikes atubor ekekwaye, kiŋit Eliya Elisa tema, “Tolimokinae, inyoni icamit iyoŋ ayoŋ etiya aŋuna kon eriŋa nyeyaara ayoŋ aneni kon?” Toboŋok Elisa tema, “Kimyekinae ayoŋ oryamu apedori ŋina iyakar iyoŋ kiyatak ace ŋina etya nenipei.”

Neem. 9:20

Ibu iyoŋ inak ikes etau kon ŋolo ajokan akitatam ikes, nyelemara iyoŋ Manna kon anakituka kec ka ibu iinak ikes ŋakipi aŋuna ka akure.

Awos. 18:18

Kire jik, ipedori iyoŋ akiteŋedar etic, iyoŋ kaapei ka ŋituŋa lu ŋulu irukitotor iyoŋ, anerae elal etic lo nooi; nyipedori iyoŋ bon akitiya.

Awos. 18:22

Kimyek ŋikapolok ŋul totubo ŋakiro a ŋituŋa ŋapakio daadaŋ, nai emaikina ikes yaut neni kon ŋiburasinei daadaŋ ŋulu atyonikis ikes; emaikina ikes totubo ŋiburasinei ŋulu epataka daadaŋ. Ikiinakini iyoŋ nen akitiya etic ŋolo edit, anerae iŋarakinosi iyoŋ ka ikes etic.

Awos. 19:11

kitemokinos aŋuna ka akoloŋit a ŋina epeniata ŋirwa ŋiuni, anerae ani edoli akoloŋit ŋin, ebuni Ekapolon anakuj min kidiama emoru Sinai iteete ŋituŋa daadaŋ.

Awos. 19:20

Totiyaun Ekapolon min kidiama emoru Sinai, tonyaraiya Ekapolon Moses kidiama emoru, ido abu Moses kitipeiyo kidiama emoru,

Awos. 34:5

Bu Ekapolon alokidiama eyai lodou, towua ka Moses alokidiama emoru, kiserau Ekapolon ekiro keŋ ebe, “Arae ayoŋ Ekapolon.”

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 63:11

Apotu nai ikes totamut ŋirwa ŋulu koloŋ, ŋirwa ŋulu a Moses a eketiyan a Akuj. Ai eyai ŋolo abu kitipeunio ikes ananam kaapei ka ŋikeyokok a ŋamesekin keŋ? Ai eyai ŋolo abu kiwuak etau keŋ ŋolo asegan tooma kec,

Yoel 2:28

“Ekaku, eyakikini ayoŋ Etau kaŋ lotuŋa daadaŋ. Edwarete ŋikusidwe ŋulusapa ka ŋulupesur, irujaete ŋikasikou kus, ka eanyunete ŋikusisorok ŋatakanikineta.

Ekim. 11:25

Abu nai Ekapolon totiyaun eyai lodou kirwor neni a Moses, tolema etau keŋ edyo aneni a Moses inak neni a ŋikasikou a ŋulutomonikanikaarei, ani emini etau a Ekapolon neni kec, apotu ikes todwara. Nai nyedwara ikes nabo.

Ekim. 12:5

Abu nai Ekapolon bu neni kec eyai nadis, towo alopuke ke eema a ŋolokilipet, tosodi tonyara Aron ka Miriam, ido toloto ŋuluarei ŋul kiŋaren.

Ekim. 12:8

Erworo ayoŋ neni keŋ iteoi ŋireetin, ileerete ŋakiro, meere a ŋakitadapeta, ekete iŋes ayoŋ. “Kaanukiro nai pa ikeritotor iyes akirwor itoroniarito eketiyan kaŋ Moses?”

Ekim. 27:18

Aŋun tolimok Ekapolon Moses tema, “Tonyarau Yosua lokoku a Nun, ekile ŋolo eyai etau ŋolo ka Akuj, tosodi kidokok ŋakan kon nakou keŋ,

Ekim. 7:89

Apaki ŋina alomarya Moses loeema ŋolokilipet akirwor ke Ekapolon, abu iŋes kiira etoil irworo neni keŋ alokidiama akibois ŋina ka akisyonio ŋina ayai kidiama Asaduku ŋina ka Acamunet, abunit etoil ŋol alokidiŋ Ŋisubuna ŋulu a ŋabebenuk ŋuluarei kirwor neni keŋ.

Yoa. 3:13

Emam ituŋanan ipei daŋ adol nakuj, mati Lokoku a Ituŋanan bon ŋolo ebunit anakuj.”

Yoa. 7:39

Alimuni Yesu ŋakiro ŋun aŋuna ke Etau a ŋolo aryamunete ŋulu enupito iŋes. Anapaki a ŋin ariŋa Etau nyeinakina lokanupak, anerae ariŋa Yesu nyitopolooro.

Ŋirom. 8:9

Nai nyiyarete iyes alopitesyo a ŋulu ka aseconu, nai iyarete alopitesyo a ŋulu ecamitor Etau ŋolo ka Akuj iyes toyaryata--ikwapei kire eyakar Etau ŋolo ka Akuj tooma kus. Ituŋanan ŋini nyeyakar Etau ŋolo a Kristo, nyerae ŋini a Kristo.

1 Ŋikor. 2:12

Nai aryamun isua Etau ŋolo ebunit aneni ka Akuj, meere ŋolo ka akwap, ikotere oyenuniata ibore daadaŋ ŋini ikiinak isua Akuj ikoŋin.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

Yud. 1:19

Ŋul ikes ŋulu eyaunito atyakatyaka, ikes ŋulu iricakinito ŋiboro ŋulu ka akwap bon; emamukatar ikes Etau ŋolo ka Akuj.

1 Sam. 10:6

Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.