Ekim. 11:1 - Ebaibul

¹ Apotu Ŋisirael kisyakis akiŋuruŋura neni ke Ekapolon aŋuna a ŋatyokisyo a ŋuna, aryamunito ikes analoŋisat, ani iirari Ekapolon akiŋuruŋura kec, toŋo nooi, ido kiyaku akim tonom ikes, tonomiya ŋawaetin a alomar.

Ekim. 11:1 Iomraidhean Croise

Akisy. 38:10

Pa ajokak alokiŋaren Ekapolon ŋakiro ŋuna etiyae Onan, aŋun, abu Ekapolon toar iŋes daŋ.

2 Sam. 11:27

Ani elunyar ŋirwa ŋulu ka akigworo lokile keŋ, kiyakiya Daudi ituŋanan ayaun aberu ŋin kai keŋ, ido abu iŋes toruwor aberu a Daudi, kidou ikoku a Daudi ŋinisapat. Nai apotu nyitalakasi Ekapolon ŋakiro ŋuna abu Daudi kitiya.

2 Ŋirw. 1:12

Nai abu Eliya toboŋok iŋes tema, “Ani karae ayoŋ ituŋanan ŋini ka Akuj, elipi ayoŋ akim totiyaun alokidiyama, itonomiya iyoŋ ka ŋasigarya kon!” Abu nai akim ŋina ka Akuj totiyaun alokidiyama, tonomiya ekarikon ŋol ka ŋasigarya keŋ.

Yob 1:16

Ani eriŋa iŋes irworo, todolu ece tema, “Abu akim ŋina ka Akuj totiyaun alokidiama, tonomiya ŋamesekin ka ŋiketiyak, tomunya ikes daadaŋ, ayoŋ bon abu osi ainun iyoŋ ŋakiro ŋuna apotu kitiyakin,”

Ŋikiru. 106:18

Abu daŋ akim bu alokidiama nalomar kec; tonyamuwa akim ŋulu aronok.

Ŋikiru. 78:21

Ani iirari Ekapolon ŋakiro ŋuna erworosi ikes, abu toŋo nooi, abu toŋoik ŋiletok a Yakob ka abu anyunyura keŋ min neni a Ŋisirael, kiatakin, nooi,

Ŋikiru. 78:63

Aponi tomunyarae ŋisorok a ŋituŋa keŋ alojie, todaunos ŋikilyok ŋulu iisete ŋasorok a ŋituŋa keŋ;

Awos. 16:7

iŋolikinete iyes moi taparacu ebari ŋolo ke Ekapolon, anerae eira iŋes akiŋuruŋura kus neni keŋ. Ata ŋae mono isua, iŋuruŋurasi iyes neni kosi?”

Awos. 16:9

Tema nai Moses neni ka Aron, “Tolimok Ŋisirael daadaŋ ebe, ‘Potu neni ke Ekapolon, anerae eiira iŋes akiŋuruŋura kus.’ ”

Isa. 10:17

Eruwor Akuj ŋina erae akica a Isirael akim, eruwor Akuj ŋina asegan ŋina a Ŋisirael arira a akim ka enomiyari ŋikukwa keŋ alotooma akoloŋit apei.

Isa. 30:33

Itemokinitoe sek ka aŋorot akibois, itemokinitoe akibois ŋin aŋuna a erwosit ka Asiriya. Ecukul ka elapat neni inokakinitae akim ŋin ka elal akim a nen ka elalak ŋakito. Ekieŋanu a Ekapolon itule akim ŋin torirau ikwa apetoron.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Aum. 3:39

Kaanukiro ikiŋuruŋurar iwon, iwon ŋituŋa apaki ŋina ikisicanere aŋuna ka asecit yok?

Esek. 20:36

Lopite ŋolopei abunio ayoŋ otubokinia atapapaa kus analoŋisat a ŋina ka akwap a Ijipit, akatubokini ayoŋ iyes.

Ŋilep. 10:2

Aŋun, abu Ekapolon kiyaku akim tonomiya ikes, totwanikis kiŋaren Ekapolon.

Naum 1:5

Emaranikinete ŋimoru alokiŋaren Ekapolon ka ecelarete ŋikamukumukui; emaranikini akwap alokiŋaren keŋ kaapei ka ŋinibore daadaŋ eyai nen.

Abak. 3:5

Iyakuununui iŋes ŋican eriŋa iŋes nyebuno, ido icikakini atwanare kiwuapu iŋes.

Ekim. 10:33

Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete,

Ekim. 11:18

Tolimok nai ŋituŋa ŋakiro nu, ‘Kitaleunos aŋuna a moi taparacu, ido inyamete iyes akiriŋ,’ anerae igworo iyes epupi Ekapolon ibasi, ‘Okoe, kerae ca oryamutu akiriŋ adio onyama! Kire jik, ajok aneni kosi akiboi alo Ijipit!’ Aŋun ikiinakini Ekapolon iyes akiriŋ ka inyamete iyes!

Ekim. 12:2

Temasi ikes, “Erwor mono Ekapolon aneni a Moses bon a? Nyirworit mono iŋes aneni kosi daŋ a?” Abu Ekapolon kiira ŋakiro ŋun.

Ekim. 14:2

Kiŋuruŋura Ŋisirael daadaŋ neni a Moses ka Aron, tolimok atukot a ŋituŋa a daadaŋ ikes tema, “Okoe, kerae ca paaran totwakitetei anakwap a Ijipit, kori analoŋisat daŋ.

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Ekim. 14:27

“Tari apaki ŋina etya ai erubakinito ŋituŋa lu aronok lu iŋuruŋurasi neni kaŋ? Eira ayoŋ akiŋuruŋura a Ŋisirael ŋina iŋuruŋuratar neni kaŋ,

Ekim. 14:28

tolimok ikes ebe, ‘Ikwapei ayarya ayoŋ, etiyae ayoŋ neni kus ŋakiro ŋuna ilimut iyes ŋikulepek.

Ekim. 16:11

Iŋes atemar icunakina iyes aŋuna ka akiŋer Ekapolon. Ŋae mono Aron iŋuruŋurasi iyes neni keŋ.”

Ekim. 16:35

Tosodi abu akim bu aneni ke Ekapolon tonomiya ŋikilyok ŋul ŋulu arae ŋamiae ŋaarei ka ŋatomonikan ŋulu ainanakinete ekinyate pa ecamakinitae.

Ekim. 17:5

Ebela ŋolo a ekile a ŋolo aseuni ayoŋ iminiaunete ŋakwii, ido etojoŋoe ayoŋ Ŋisirael akiŋuruŋura ŋina erubakinitotor ikes iŋuruŋurasi neni kus.”

Ekim. 21:5

Kirworo ŋituŋa ŋuna aronok neni ka Akuj ka neni a Moses ebasi, “Kaanukiro ikiyauniata iyes isua alo Ijipit atwakare analoŋisat? Emam akimuj ka emam ŋakipi a ne; ikiup isua akinyam akimuj ŋina apyanan na.”

1 Ŋikor. 10:10

Nyitemokino iwon eŋuruŋuras ikwa eŋuruŋuratar ŋice kec; aŋun, abu Emalaika ŋolo ka Atwanare tomunya ikes.

Ŋikis. 25:18

epite ŋolo ikitijikinio iŋes iyes alorot apaki ŋina ikiupitor iyes ka ikibulitor iyes, abu iŋes toar daadaŋ ŋulu asaunito alokaku kus, abu iŋes nyitopoloo Akuj.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋikis. 9:22

Alo Tebera daŋ ka alo Masor ta alo Kibiros-Ataapa, ipotu iyes kitoŋoa Ekapolon.

Ŋibur. 12:29

anerae ikwaan Akuj yok ka akim ŋina ikinyamuwari.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.

Yud. 1:16

Erae ŋituŋa lu ŋikeŋuruŋurak, ŋikokopyanotin, iwuapito ekibure ŋolo a ŋawat kec make; iturosi ikes nooi ka isupete ŋituŋa ŋuluce, ikotere eryamuniata ibore ŋini ecamito ikes.