Ekim. 10:29 - Ebaibul

²⁹ Kirwor Moses neni ka Obab a lokoku a Reuel a ŋolo arae lokamuran a Moses a ŋolo abunit anakwap a Midian tema, “Awotokin tokona isua nakwap ŋina ikilimokinit isua Ekapolon ebe, ‘Akainakini ayoŋ iyes,’ bua orukosi ka isua, itiyao isua ejok neni kon; anerae iikinit Ekapolon ajokis neni a Ŋisirael.”

Ekim. 10:29 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:15

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Akisy. 32:12

Nai idau iyoŋ Akuj atemar itiyae ŋuna ajokak neni kaŋ, ido italalauni ŋiletok kaŋ ikwa asinyon ŋina ananam ŋina nyepedor akimarun.”

Ŋikiru. 100:1

Ŋituŋa a ŋakwapin a daadaŋ, toeikisi ka alelyanu neni ke Ekapolon.

Ŋikiru. 34:8

Kikatakisi, iyenunete iyes atemar ejok Ekapolon, erereŋ ituŋanan ŋini elosi aiuno neni ke Ekapolon.

Ŋikiru. 95:1

Potu, epuro Ekapolon; oeikisi ka alelyanu neni ka Akuj a ŋina erae akaiunan yok!

Awos. 18:1

Kebu Yesiro esacaradoti a Midian ŋolo arae lokamuran a Moses, kiira ŋakiro daadaŋ ŋuna kebu Akuj kitiya aŋuna a ŋituŋa keŋ a Ŋisirael ka aŋuna a Moses ka epite ŋolo keyaunia Ekapolon Ŋisirael alo Ijipit.

Awos. 18:12

Tolemik nai Yesiro Akuj ainakinet ŋina apeyo ka ŋamuronisya ŋace. Potu nai Aron ka ŋikasikou a Ŋisirael daadaŋ akimuj ka Yesiro ŋamugati, ayai Akuj kaapei ka ikes a nen

Awos. 18:27

Abu nai Moses kimyek lokamuran keŋ torotok aneni keŋ toboŋo Midian nakwap keŋ.

Awos. 2:18

Ani eboŋorete ŋapesur ŋun neni a papa kec Reuel, kiŋit papa kec ikes tema, “Kaanukiro iboŋunito iyes nakoloŋit na atipei?”

Awos. 2:21

Tocamu Moses akiboi ka ekile ŋol, ŋolo abu inak iŋes nakoku keŋ Sipora toruwor aberu keŋ.

Awos. 3:1

Apei koloŋit etwarit Moses ŋamesekin alokamuran keŋ a Yesiro a ŋolo arae esacaradoti anakwap a Midian, abu iŋes totwara ŋamesekin yaye aloŋisat, todolo lomukura ŋolo enyaritae Oreb, emukura ŋolo ka Akuj.

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 6:4

Abu daŋ ayoŋ ewuak Acamunet kaŋ ka ikes, iŋes ainakin ikes akwap ŋina a Kanaan, akwap ŋina eboitotor ikes erae ŋigelaanotin.

Isa. 2:3

Epote ŋituŋa anakwapin nen, ido temasi, “Potu, emaikina iwon etipeiyosi lokamukumukut ŋolo ke Ekapolon, Kai ŋina ka Akuj a Yakob, ikotere Ekapolon ikitatam iwon ŋuna ebala kiwuapa, ido opedosi iwon akiwuap ŋuna ebala iŋes.” Anerae Sion iŋes elomuniata ŋikisila, Yerusalem iŋes elomunia akirot ke Ekapolon.

Yer. 50:5

Iŋisete ikes ŋituŋa neni eyai erot ŋolo elosere Sion kiteorito ina, epote nai ikes kimorikinos ke Ekapolon alotooma acamunet ŋina a ŋikaru ka ŋikaru, acamunet ŋina nyimuryakin nabo.

Ekim. 10:28

Arae ŋol epite ŋolo awosyata Ŋisirael a ŋatuketa kec apaki ŋina ewotokiniata.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ŋitic. 7:5

Tari kikote neni, abu Akuj apaki ŋin nyeinak iŋes tari atutubet adio ŋina ka akwap a na; nai kiik iŋes ka ŋiletok keŋ akwap na, tari eriŋa iŋes nyeuruuna idiokoku.

Ŋikis. 30:5

ikiyauni iyes Ekapolon Akuj kus nakwap ŋina erae ŋina atapapaa kus ka eruwor akwap ŋin ŋina kus, ikitabari iŋes iyes ilounete ka akilo atapapaa kus,

Ŋikis. 4:40

Kiwuapa ŋakiro keŋ ŋuna etubunitoe ka ŋakiciketa keŋ ŋuna ekecik ayoŋ iyes nakoloŋit na akiwuap, kiwuapa ikes aŋuna ka alakara kus ka aŋuna ka alakara a ŋiletok kus, ikotere iyes iboiyete akaoyan anakwap a ŋina elosi Ekapolon Akuj kus ainakin iyes toruwor ŋina kus ŋikaru ka ŋikaru.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Ŋikat. 1:16

Apotu ŋiletok a Obab a ŋolo arae Ekenait ŋolo arae lokamuran a Moses kitipeiyosi kaapei ka ŋituŋa a Yuda, alotaun a ŋolo a ŋikito a ŋidukan, tolomasi naloŋisat ŋina a Yudaya, ŋina eyai Negeb diyete Arad. Tosodi toloto kiboiyoto kaapei ka Ŋiamaleki.

Ŋikat. 4:11

Apaki ŋin, kebu Eber Ekenait totyakar aneni a Ŋikeni a ŋuluce, ikes ŋiletok ka Obab alokamuran a Moses. Kebu Eber kigurok ŋiemae keŋ Elon-Besananim, etaun ŋolo ayai diyete Kedec.

1 Sam. 15:6

Tolimok Saul Ŋikeni tema, “Toloto! Toema nariet! Topakaros aneni a Ŋiamaleki, ani kemam, akamunyari ayoŋ iyes kaapei ka ikes; kitiyata ŋun, anerae ipotu iyes kitoodiut arimao neni a Ŋisirael a daadaŋ apaki ŋina aponiata ikes alo Ijipit.” Aŋun, apotu Ŋikeni topakaros aneni a Ŋiamaleki.