Ekim. 10:12 - Ebaibul

¹² Apotu nai Ŋisirael towotokis analoŋisat a ŋina a Sinai, ani edolete naloŋisat ŋina a Paran towo adis a nen.

Ekim. 10:12 Iomraidhean Croise

Akisy. 14:6

ka Ŋiorit alomukura a ŋulu a Seir, todolo tari Eliparan neni idunyasi ka aloŋisat.

Akisy. 21:21

Kiboi iŋes analoŋisat a ŋina a Paran, toryamik toto keŋ iŋes aberu anakwap a ŋina a Ijipit.

1 Ŋirw. 11:18

Kepotu ikes torotokis alo Midian toloto tari Paran; toriko ŋikilyok alo Paran torukosi ka ikes Ijipit neni a Parao a erwosit a Ijipit, a ŋolo abu inak Adad akai, inanak iŋes akimuj ka inak daŋ ŋalup ŋuna toruwor ŋuna keŋ.

Awos. 13:20

Torotokis Ŋisirael alo Sukos tolomiyasi Esam nalomaret naloŋisat.

Abak. 3:3

Ebunit Akuj nabo alo Teman, ebunit Akuj ŋina Asegan alomoru Paran. Ileleba ailiil nakuj, ido ileleba nakwap akipuro iŋes.

Ekim. 1:1

Akoloŋit ŋina esyaunan a elap a ŋolo a ŋiarei, alokaru a ŋolo a ŋiarei ameun anakoloŋit a ŋina arotokinioto Ŋisirael alo Ijipit, abu Ekapolon kirwor neni a Moses aloeema a ŋolo ilipere, apaki ŋina ayakatar Ŋisirael naloŋisat ŋina a Sinai. Tema Ekapolon neni a Moses,

Ekim. 10:33

Aŋun, apotu ikes towotokis alomoru ke Ekapolon (iŋes Sinai), torubakis ewosete ŋirwa ŋiuni, kiŋarenikinite ikes Asaduku ŋina ka Acamunet ke Ekapolon aryamun aŋuna kec akibois ŋina elomete,

Ekim. 12:16

Kedaun akinyakun Miriam nalomar, towotokis Ŋisirael alo Aseros, ido toloma naloŋisat ŋina a Paran.

Ekim. 13:26

potu ikes neni a Moses ka Aron ta neni ka atukot a Ŋisirael a ŋulu ayakasi apaki ŋin naloŋisat ŋina a Paran nakibois ŋina anyaritae Kades, yaut ŋikarebok ŋul ŋakiro kec neni a Moses ka Aron ta neni ka atukot a Ŋisirael, kitoodikis daŋ ŋikarebok Ŋisirael ŋuluce ŋaraito ka akwap a Kanaan, ŋuna ayaunete ikes.

Ekim. 13:3

Abu nai Moses kiyakiya ŋikarebok analoŋisat a ŋina a Paran, iwuapit ŋuna alimuni Ekapolon, arae ŋikilyok ŋul daadaŋ ŋikarikok alotuŋa a Isirael.

Ekim. 2:34

Apotu Ŋisirael kitiyata lopite ŋolo ecikitor Ekapolon Moses, toloma nakiboisyo a ŋalomarisinei, towotonokis a ŋikabilae, ŋinituŋanan erukito ka ŋituŋa ateker keŋ ka ŋulu a ekal a papa keŋ.

Ekim. 9:1

Elap ŋolo ke epei alokaru a ŋolo a ŋiarei ameun anakaloŋit a ŋina alomuniata Ŋisirael anakwap a Ijipit, kirwor Ekapolon neni a Moses analoŋisat a ŋina a Sinai tema,

Ekim. 9:17

Apaki daadaŋ ŋina ikyaaror edou aneni eyai Eema ŋolo iryamununoi, awotonokinete Ŋisirael iwace, ani neni etiyaunor edou loeema, alomeneneete Ŋisirael nen.

Ekim. 9:5

Ŋirwa ke elap ŋitomon ka ŋiomwon elap ŋolo ke epei, eapuuni akoloŋ adoyor, apotu Ŋisirael kinumunuma ŋasuban ŋuna a Paska analoŋisat a ŋina a Sinai. Apotu Ŋisirael kitiyata ŋakiro daadaŋ lopite ŋolo ecikitor Ekapolon Moses.

Ŋikis. 1:1

Erae nu ŋakiro ŋuna abu Moses tolimok Ŋisirael alokekwaye Yorodan, analoŋisat ka anadipo a ŋina iteosi ka Sup, anakibois a ŋina eyai kidiŋ Paran ka Topel, Laban, Aseros ka Disaab.

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 1:7

Togeutu tokona nabo awosit, toloto nakwap ŋina a ŋikamukumukui ŋina a Ŋiamori ka nakiboisyo nu ŋuna idunyasi ka akwap a Ŋiamori. Araba, akwap ŋina a ŋikamukumukui, Sepela, Negeb ka nakwap ŋina alodiyete anam ka nakwap ŋina a Ŋikanaani ka Lebanon todolo tari naŋolol ŋina apolon nooi ŋina enyaritae Eupurate.

Ŋikis. 33:2

Abu iŋes kirwor ŋakiro nu: Abu Ekapolon bu alo Sinai, totakanu neni yok alo Seir, tocau alomoru Paran. Arukito iŋes ka ŋikasegak ŋalipyo ka ŋalipyo, ayakasi teten keŋ ŋajorei keŋ.

1 Sam. 25:1

Apaki ŋin, abu Samuel totwana. Tocunakinos Ŋisirael daadaŋ kigworo aŋuna keŋ; ido tonuka ikes iŋes lore keŋ Rama. Tonyou nai Daudi anaturukanin a ŋuna aŋopitor, tolot naloŋisat ŋina a Paran.