Ekim. 10:10 - Ebaibul

¹⁰ Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”

Ekim. 10:10 Iomraidhean Croise

2 Ŋirw. 4:23

Kiŋit lokile keŋ iŋes tema, “Kaanukiro icamitor iyoŋ alosit akoloŋit na? Nyerae akoloŋit na Sabato, kori ŋina eanyuwanarere elap ŋolokitete ilamuni.” Tema aberu, “Mam nyerono alosit.”

1 Ŋakiro a ŋirwa 15:24

Arae etic a ŋisacaradotin a lu: Sebania, Yosapat, Nesanel, Amasai, Sakariya, Benaia ka Elieser akikut ŋarupepe alokiŋaren Asaduku ka Akuj. Etic ka Obededom ka Yeia ece iŋes akidar epuke ŋolo elomarere neni ayai Asaduku ŋina ka Acamunet.

1 Ŋakiro a ŋirwa 15:28

Aŋun apotu Ŋisirael daadaŋ yaut Asaduku ŋina ka Acamunet ke Ekapolon, ecelasi, tokusete ŋabureryaŋa a ŋimesekin, ŋarupepe, toramete ŋitworoi ka tobolyas ŋagitae ka ŋaduŋgui.

1 Ŋakiro a ŋirwa 16:42

Arae etic ke Eman ka Yedusun iŋes akikut ŋarupepe, akiram ŋitworoi ka akiram ŋiboro ŋulu eeore ŋieosyo ŋulu ipurore Akuj. Ainakinitae ŋidwe a Yedusun ŋulusapa akitere ŋipukei.

2 Ŋakiro a ŋirwa 29:26

Apotu nai ŋilepi towua etenito eyakatar ŋiboro ŋulu ekote ŋulu sek esitiyae Daudi, ido ayakatar ŋisacaradotin ŋarupepe.

2 Ŋakiro a ŋirwa 29:28

Apotu ŋituŋa daadaŋ kilipa, toeo ŋikaeok ka tokuta ŋikakutak ŋarupepe, kitiyata ŋituŋa ŋakiro ŋun daadaŋ jik akitodol ŋina anyamuwarya akim ainakinet.

2 Ŋakiro a ŋirwa 7:6

Towua ŋisacaradotin anakiboisyo kec; towua ŋilepi daŋ etiŋito ŋiboro ŋulu eeore neni ke Ekapolon, ŋiboro ŋulu sek kebu erwosit Daudi kitiyau aŋuna ka akipuror Ekapolon ka ŋulu esitiyae iŋes apaki ŋina elakaror neni ke Ekapolon ebala, “Anerae erubakinit amina keŋ eyai ŋikaru ka ŋikaru.” Ebakito ŋisacaradotin ka ŋilepi, tokusete ŋisacaradotin ŋarupepe, ido awuasi Ŋisirael ŋuluce daadaŋ.

Esir 3:10

Ani edukokinete ŋikadukok akisyakinet a Akai ka Akuj, awuasi ŋisacaradotin enapito ŋilowi kec aŋuna ka akipuro Ekapolon ekusete ŋarupepe, toramete ŋilepi ŋipapae ka Asap ŋitworoi lopite ŋolo alimokinitor erwosit Daudi ŋolo a Isirael.

Neem. 12:35

Arukito daŋ ikes ka ŋisacaradotin ŋice ŋulu asorokanak ŋulu ekusete ŋarupepe, ŋisacaradotin ŋul ikes lu: Sakariya lokoku Yonasan, a ŋolo arae lokoku a Semaia, a ŋolo arae lokoku a Matania, a ŋolo arae lokoku a Mikaia, a ŋolo arae lokoku a Sekur, a ŋolo arae lokoku ka Asap

Ŋikiru. 150:3

Kipuro iŋes ikusete arupepe, kipuro iŋes iramete aduŋgu ka agita,

Ŋikiru. 81:3

Tokutakisi abureryaŋ a emesek elomuni elap ŋolokitete ka apaki ŋina ilesikinor elap kidiama, akoloŋit ŋina a ŋasuban yok:

Ŋikiru. 81:4

Kitiya ŋun anerae erae ŋun etal a Ŋisirael, ŋakiro ŋuna etubunit Akuj a Yakob.

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Awos. 28:29

“Apaki daadaŋ ŋina elomarya Aron nakibois ŋina Asegan nooi alotooma Eema, emaikina iŋes tonap anatorobu keŋ eboli ŋolotubet ŋakiro ŋol, ŋolo eya ŋamoru ŋuna igiritae ŋirorwa a ŋidwe a Yakob a ŋulusapa. Erae ŋun aŋuna ka atamunitor ikes alokiŋaren Ekapolon a ŋinapaki a daadaŋ.

Awos. 30:16

Kijaununu ŋisiliŋa ŋul aneni a Ŋisirael, ido kituruwo ŋulu itiyaere etic alotooma Eema ŋolo iryamununoi. Aŋun, erubakinete Ŋisirael etamunito atemar alaku Ekapolon akiyar kec.”

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Ŋilep. 23:24

“Tolimok Ŋisirael ebe, ‘Ani edoli ŋirwa ke elap epei, elap ŋolo a ŋikanikaarei, emaikina iyes kieŋut akoloŋit ŋin, tocunakinos iwapei irae ŋulu asegak, tokuta ŋarupepe itamunito ŋasuban a akoloŋit a ŋin.

Ekim. 10:9

Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus.

Ekim. 28:11

Ŋirwa ke elap epei a ŋololap, emaikina iyes yaut ŋainakineta nu ŋuna epeyo neni ke Ekapolon: Ŋimoŋin ŋulusorok ŋiarei, emesek, ŋikaalei ŋulumesekin ŋikanikaarei ŋulu erae apolou kec ekaru epei, ido tomam neni eŋwalilt

Ekim. 29:1

Ŋirwa ke elap epei elap ŋolo a ŋikanikaarei, emaikina iyes tocunakinos iwapei kilipa, nyemaikina iyes toloto loticisyo kus kitiyata, erae akoloŋit ŋin ŋina ikusyata iyes ŋarupepe,

Mat. 11:28

“Potu neni kaŋ iyes daadaŋ ŋulu ikiupit aloticisyo kus ka aŋuna ka akiwokit ŋigogoso; ekesieŋuni ayoŋ iyes.

Ŋitic. 10:4

Kitek Kornelio emalaika ekuryanit, kiŋit tema, “Ekapolon, nyo?” Toboŋok emalaika iŋes tema, “Acamu Akuj akilip kon ka ŋainakineta kon lokulyak ka ikitamu iŋes iyoŋ.

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

1 Ŋites. 4:18

Aŋun nai, kisimukekinos make a ŋakiro a ŋun.

Yos. 4:7

itemokino tolimokis ikes atemar apotu ŋakipi ŋuna ka aŋolol Yorodan totubos towua aiwapei, totyeikis Asaduku ŋina ka Acamunet a ŋina ke Ekapolon. Aŋun, erae ŋamoru ŋun ŋuna etamunitotor Ŋisirael ŋakiro ŋun ŋikaru ka ŋikaru.”

Yos. 6:4

Ecamitae ŋisacaradotin ŋikanikaarei kiŋarenikis Asaduku ŋina ka Acamunet etiŋito ŋamomwar a ŋimeesekin ŋakanikaarei. Ani edoli akoloŋit ŋina a ŋakanikaarei, itemokino iyoŋ kirimokis ka ŋasigarya kon etaun ŋakirimokinet ŋakanikaarei, tokusete ŋisacaradotin ŋamomwar a ŋimeesekin.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

1 Sam. 20:5

Tema Daudi neni a Yonasan, “Kiira, imujio moi taparacu ŋasuban ŋuna elomunia elap ŋolokitete, ido emaikina ayoŋ emuja kaapei ka erwosit a iwapei; nai kimyekinae ayoŋ olot oŋop anariet, akitodol ataboŋ ŋina a ŋauni anakoloŋit a ŋina egeuniata ŋasuban.